ඩුබායිහි මාර්ග සහ ප්‍රවාහන අධිකාරිය (RTA) සිසුන් 1,000ක් සඳහා දුරස්ථ අධ්‍යාපන වැඩසටහනක් 2022 නොවැම්බර් මස ආරම්භවී 2023 ජනවාරි මස දක්වා පැවැත්වූ අතර මේ වනවිට ඔවුන් පුහුණුව අවසන් වී සුදුසුකම් සම්පූර්ණ කොට ඇත. මෙම වැඩසටහනට මෘදුකාංග ඉංජිනේරු, සිවිල් ඉංජිනේරු, පරිගණක විද්යාව සහ සයිබර් ආරක්ෂාව, විදුලි හා ඉලෙක්ට්‍රොනික ඉංජිනේරු, ඉංජිනේරු තාක්ෂණ විද්යාව වැනි විවිධ ක්ෂේත්‍ර ඇතුළත් විය.
“සිසුන් 1,000ක් සඳහා වූ පුහුණු වැඩසටහන තුලින් එමිරාති උපාධිධාරීන් ඉලක්ක කර ඔවුන්ගේ කුසලතා ඔප් නංවා ගැනීමට සහ ඔවුන්ගේ හැකියාවන් වැඩිදියුණු කිරීමටත් RTA විසින් අනාගතය සඳහා අවශ්‍ය මානව සම්පත් නිර්මාණය කිරීමත් සිදුකරනවා. RTA තුළ කැපී පෙනෙන උපාධිධාරීන් සඳහා ස්ථානගත කිරීම් ද සපයනවා” මානව සම්පත් හා සංවර්ධන අධ්‍යක්ෂ අධාරි මොහොමඩ් පැවසීය.
“RTA විසින් ඉලක්කගත ප්‍රතිඵල අත්කර ගැනීමට හැකි වන පරිදි වැඩසටහන සඳහා මාර්ග සිතියමක් සකසා තිබෙනවා. අපි ඉහළම විශ්ව විද්‍යාල සහ අධ්‍යාපන ආයතන සමඟ සම්බන්ධීකරණය කර, කැපී පෙනෙන සිසුන්ගේ තොරතුරු සම්පාදනය මගින්, වර්තමාන සහ අනාගත වැදගත්කම අනුව අපේක්ෂක සිසුන්ගේ නම් ලැයිස්තුගත කොට තිබෙනවා. අපි RTA හා සම්බන්ධ විවිධ විශේෂිත ක්ෂේත්‍රවල උපාය මාර්ගික හවුල්කරුවන්ද ලැයිස්තුගත කළෙමු.
Dutsche Bahn, International Association of Public Transport (UITP), International Road Federation (IRF), ERTICO, සහ Keolis-MHI,” යන හවුල්කරුවන් විසින් විශේෂිත පුහුණු වැඩසටහන් හඳුනාගෙන ඇත. ඇය තවදුරටත් පැවසුවාය.
27 ඉංජිනේරු මේජර් වරුන්
මෙම වැඩසටහනට මෘදුකාංග ඉංජිනේරු, සිවිල් ඉංජිනේරු, විදුලි හා ඉලෙක්ට්‍රොනික ඉංජිනේරු, තොරතුරු තාක්ෂණය, ව්‍යවසායකත්වය, නවෝත්පාදන සහ අලෙවිකරණය වැනි RTA සඳහා අවශ්‍ය ඉංජිනේරු සහ අනාගත විෂයයන් 27ක් ඇතුළත් විය. යටිතල පහසුකම්, ස්මාර්ට් නගර, දුම්රිය මෙහෙයුම්, අනාගත දූරදර් ශීභාවය, වත්කම් කළමනාකරණය, සයිබර් ආරක්ෂාව, ස්වයංක්‍රීය සහ ස්මාර්ට් ප්‍රවාහනය සහ ව්‍යාපෘති කළමනාකරණය යන ක්ෂේත්‍ර කෙරෙහි ද එය අවධානය යොමු කලා. විශ්වවිද්‍යාල හතකින් සහ රාජ්‍ය හා පෞද්ගලික අධ්‍යාපන ආයතන හතකින් මේ සඳහා සිසුන් තෝරා ගන්නා ලදී.
තෝරාගැනීමේ පිළිවෙත
අනුබද්ධ සිසුන් තෝරා ගැනීම සඳහා නිශ්චිත නිර්ණායක සකස් කර තිබුණි. ප්‍රධාන වශයෙන්, සිසුන් UAE හි පුරවැසියන් විය යුතුය, අධ්‍යයන ක්ෂේත්‍රය RTA අවශ්‍ය විෂයයන් තුළ තිබිය යුතුය. ඔවුන් වසර තුනකට නොවැඩි කාලයක් උපාධිධාරීන් වී තිබිය යුතු අතර, 3.5 හෝ ඊට වැඩි GPA සාමාර්ථයක් ලබාගෙන තිබිය යුතුය.
විශේෂිත ජාතික නිපුණතා ආකර්ෂණය කර ගැනීමට සහ සුදුසුකම් ලැබීමට, සිසුන් අධ්‍යාපනයට සහ සුදුසුකම් ලබා ගැනීමට ආයෝජනය කිරීමට, නව උපාධිධාරීන්ට විශේෂිත රැකියා කුසලතා ලබා දීමෙන් රැකියා අවස්ථා නිර් මාණය කිරීමට, RTA සඳහා සුවිශේෂී ආයතනික කීර් තියක් ඇති කිරීමට සහ කැපී පෙනෙන සිසුන් ආකර් ෂණය කර ගැනීමට මෙම වැඩසටහන දායක වී තිබෙනවා.
