වානේ ටොන් 4,000කට වඩා වැඩි ප්‍රමාණයක්, ශක්තිමත් කරන ලද කොන්ක්‍රීට් ඝන මීටර් 18,300ක් සහ ධාවන පථයට ආධාර කරන විශේෂිත බාල්ක 100ක් සමඟින් ඉදිකර ඇති – Etihad Rail වඩාත් සංකීර්ණ ව්‍යාපෘතිවලින් එකක් ලෙස සැලකෙනවා.
එක්සත් අරාබි එමීර් රාජ්‍යයේ පළමු සමුද්‍ර පාලම ඇරබියන් ගල්ෆ් හරහා කිලෝමීටරයක් දුරට විහිදෙන අතර අබුඩාබියේ පුළුල් වූ කලීෆා වරාය එමිරේට්ස් ප්‍රධාන භූමියට සම්බන්ධ කරනවා.
කලීෆා වරායට නැව්ගත කරන භාණ්ඩ රට පුරා වේගයෙන් හා කාර්යක්ෂමව ගෙන යාමට ඉඩ සලසමින් භාණ්ඩ ප්‍රවාහන දුම්රිය මෙම මාර්ගයේ ධාවනය කෙරෙනවා.
ක්‍රියාත්මක වූ පසු, Etihad Rail පවසන්නේ පාලම මතින් රැගෙනයන ප්‍රවාහන දුම්රියකට සම්පුර්ණයෙන්ම පටවන ලද භාණ්ඩ, එක්සත් අරාබි එමීර් රාජ්‍යයේ මාර්ගවලින් ගෙනයන්නේ නම් ලොරි 300 ක් අවශ්‍ය බවයි.
Etihad Rail හි ඉංජිනේරු අධ්‍යක්‍ෂ Adrian Wolhuter පවසන්නේ මෙය ව්‍යාපෘතියේ අපට ඇති වඩාත්ම සංකීර්ණ හා දුෂ්කර පාලමක් බවට සැකයකින් තොර බවයි.
මෙය එක්සත් අරාබි එමීර් රාජ්‍යයේ ඇති එකම සමුද්‍ර පාලම වනවා.
මෙම පාලම දුෂ්කර සමුද්‍ර තත්වයන්, අධික උෂ්ණත්වය, ආර්ද්‍රතාවය සහ පාරිසරික අවශ්‍යතා යන සියලුම අභියෝගවලට මුහුණ දෙන ඉංජිනේරු විද්‍යාවේ දස්කමකි. වැඩ ආරම්භ කිරීමට පෙර මුහුදු පත්ලට යටින් ඇති දේ සොයා ගැනීමට ඉංජිනේරුවන් විසින් සංකීර්ණ සමීක්ෂණ සිදු කලා.
ඉන්පසු පාලමට ආධාර කිරීම සඳහා වානේ ආවරණය කරන ලද මීටර් 27.5 ක කොන්ක්‍රීට් හෝ අත්තිවාරම් මුහුදු පත්ලට මුදාහරින ලදී.
“රොන්මඩ තිර” වැනි විශේෂිත මෙවලම් මෙම අදියරේදී මුහුදට මඩ ලිස්සා යාම වළක්වා ගත් අතර දැල් මගින් සුන්බුන් ජලයට වැටීම නැවැත්වීය. ඉන්පසු දුම්රිය ආධාරක සඳහා කොන්ක්‍රීට් බාල්ක 100 ක් සවි කලා.
ව්‍යාපෘතිය ක්‍රියාත්මක කිරීම සඳහා පුද්ගලයින් 320 ක් පමණ වැඩ කල අතර පැය මිලියනයකට වඩා වැඩි කාලයක් වෙහෙස මහන්සි වී වැඩ කළහ. ඉංජිනේරුවන්ට ප්‍රබල ධාරා සහ වඩදිය බාදිය ද සැලකිල්ලට ගත යුතු විය.
අනතුරකදී දුම්රිය ආරක්ෂා කිරීම සඳහා පාලම හරහා දිවෙන මාර්ගයේ ආරක්ෂක පීලිද මාර්ගය ඇතුළත ධාවනය වෙනවා.
“පීලිපැනීමක් සිදුවුවහොත් එය දුම්රිය කෙළින් තබා මුහුදට වැටීම නවත්වනවා,” දකුණු අප්‍රිකාවේ සිට පැමිණි Wolhuter මහතා පැවසුවා. “එය පාලම්වල ආරක්ෂිත යාන්ත්‍රණයක් සහ සම්මත භාවිතයකි.”
කිලෝමීටර් 1,200ක එතිහාඩ් දුම්රිය ජාලයේ ඉදිකිරීම් ඉතා දියුණු මට්ටමක පවතින අතර එහි වැඩවලින් සියයට 75ක් පමණ නිම කර ඇත.
එය අදියර දෙකකින් ඉදිකරන අතර පළමු අදියර වන අබුඩාබියේ අල් දෆ්රා කලාපයේ ගෑස් ක්ෂේත්‍ර දෙකක සිට රුවයිස් වෙත සල්ෆර් රැගෙන යන සේවාව 2016 දී විවෘත කරන ලදී.
සෞදි අරාබියේ හා එක්සත් අරාබි එමීර් රාජ්‍යයේ දේශසීමාවේ සිට ඕමානයේ දේශසීමා දක්වා රට පුරා දිවෙන භාණ්ඩ ප්‍රවාහන හා මගී සේවාවක් වන දෙවන අදියරේ ඉදිකිරීම් 2020 දී ආරම්භ විය.
මෙම සේවාව දියත් කිරීමට දිනයක් ලබා දී නොමැති නමුත් සමුද්‍ර පාලම මෙම අදියරේ කොටසකි. පාලමේ ඉදිකිරීම් 2021 දී ආරම්භ වූ අතර පසුගිය වසරේ ඔක්තෝබර් වන විට කලීෆා වරාය භාණ්ඩ ප්‍රවාහන පහසුකම ප්‍රධාන අබුඩාබි මාර්ගයට සම්බන්ධ කරන ලදී.
“හොඳම ජාත්‍යන්තර ප්‍රමිතීන්ට අනුව පාලම ඉදිකර ඇති අතර මෙම පාලම වසර 120 ක් පවතිනු ඇත” Wolhuter මහතා පවසයි.
