බොහෝ දෙනෙක් බලා සිටි බොලිවුඩ් සුපිරි නළු ෂාරුක් ඛාන්ගේ නවතම ත්‍රාසජනක චිත්‍රපටය වන ‘පතාන්’ හි ප්‍රචාරක ට්‍රේලරය සෙනසුරාදා සවස ඩුබායි හි ලොව උසම කුළුණ බර්ජ් කලීෆා මත ප්‍රක්ෂේපණය කොට ප්‍රදර්ශනය කරන්නට යෙදුනා.
ඔහුගේ ඉදිරි චිත්‍රපටයේ පූර්ව ප්‍රචාරක ට්‍රේලරය එළිදැක්වීම නැරඹීමට පැමිණ සිටි අතිවිශාල ජනකායක් ඔවුන්ගේ ප්‍රියතම තරුව දැක බලා ගැනීම සඳහා එම ස්ථානයයේ රැස්ව සිටියා.
ලොව උසම කුළුණ මත ප්‍රක්ෂේපණය කරන ලද ත්‍රාසජනක චිත්‍රපටයේ කෙටි දර්ශණ කීපයක් පැමිණ සිටි අතිවිශාල රසික ජනකාය වෙත ප්‍රදර්ශනය කරන ලද අතර, ෂාරුක් ඩුබායි ෆවුන්ටන් අසල ඉදිකරන ලද තාවකාලික වේදිකාවක සිට මෙම දර්ශන නරඹුවා.
2018 වසරේ ෂාරුක් ගේ අවසන් ‘සීරෝ’ චිත්‍රපටයෙන් පසුව, ‘පතාන්’ සමඟින්, ෂාරුක් නැවත නැවතත් චිත්‍රපට අතරට පැමිණෙමින් සිටිනවා. ජෝන් ඒබ්‍රහම්ස් නම් ප්‍රතිවාදියෙකු ලෙස සල්මන් ඛාන්ගේ ආරාධිත චරිතයක් සමඟින් සහ දීපිකා පදුකෝන් සමඟ ප්‍රධාන චරිතයට රඟපායි.
ඉහළ ත්‍රාසජනක ක්‍රියාදාම අනුපිළිවෙලවල් සහ විශේෂ ප්‍රයෝග ඇතුළත්, ‘පතාන්’ හි දර්ශන කිහිපයක් බර්ජ් කලීෆා පසුබිම් කරගනිමින් ඩුබායි හි රූගත කොට ඇත. ජාත්‍යන්තර ලීග් T20 ක්‍රිකට් තරඟාවලියේ සමාරම්භක අවස්ථාවට සහභාගී වීම සඳහා මේ වන විට ෂාරුක් එක්සත් අරාබි එමීර් රාජ්‍යයට ගොස් සිටී.
