මානව සම්පත් සහ එමරාතිකරණ අමාත්‍යාංශය (MoHRE) සේවා යෝජකයන්ගෙන් ඉල්ලා සිටින්නේ තම ගෘහ සේවිකාවන් වැටුප් ආරක්ෂණ ක්‍රමයේ (WPS) ලියාපදිංචි කරන ලෙසයි. එහි නව්‍ය විසඳුම්වලින් ප්‍රතිලාභ ලබා ගැනීමට සහ ඔවුන්ගේ වැටුප් සහ පහසුවෙන් ගෙවීමට මේ මගින් අවකාශ ලැබෙනවා.
එක්සත් අරාබි එමීර් රාජ්‍යයේ මහ බැංකුව සමඟ සහයෝගයෙන්, අමාත්‍යාංශය සියළුම සේවා යෝජකයන්ට තම ගෘහ සේවිකාවන්ගේ වැටුප් ඉලෙක්ට්‍රොනිකව බැංකුවෙත, විනිමය හුවමාරු මධ්‍යස්ථාන හෝ මහ බැංකුව විසින් සේවා සැපයීම සඳහා නම් කර ඇති මූල්‍ය ආයතන හරහා ගෙවීමට විකල්පය ලබා දෙයි.
MoHRE හි ගෘහ සේවිකාවන් සඳහා වන සහකාර උපලේකම් අබ්දුල්ලා අල් නුඅයිමි පැවසුවේ, “සේවා යෝජකයන්ට වැටුප් ආරක්ෂණ ක්‍රමය හරහා තම ගෘහ සේවිකාවන්ගේ වැටුප් ගෙවීමට හැකියාව ලබා දීම, සේවා යෝජකයන්ගේ අභිලාෂයන් සහ අවශ්‍යතා සපුරාලන සේවා සංවර්ධනය කිරීමේ අමාත්‍යාංශයේ උත්සාහයන් යටතේ ය. එමරාති සහ විදේශීය පවුල් සඳහා, මෙම කාණ්ඩයේ වැඩ කටයුතු නියාමනය කරන නීතිවලට අනුකූල වන පරිදි, ගෘහ සේවිකාවන්ට වැටුප් ගෙවීම ලේඛනගත කිරීමට සේවා යෝජකයන්ට හැකි වන අතර ඒ සමඟම ගෙවීම් ක්‍රියාවලියද ආරක්ෂා කරයි.”
වැටුප් සම්බන්ධ කම්කරු ආරවුල් අවම කිරීමට උපකාරී වන පරිද්දෙන් වැටුප් සම්බන්ධ දත්ත පිළිබඳව අමාත්‍යාංශයට නිරන්තරයෙන් දැනුම් දෙන බව සහතික කිරීමට, ගිවිසුම් සබඳතාවයට පාර්ශ්ව දෙකේම විනිවිදභාවය, ස්ථාවරත්වය සහ ආරක්ෂාව වැඩි දියුණු කිරීමේදී WPS හි වැදගත්කම Al Nuaimi අවධාරණය කළේය. එය ගෘහ සේවිකාවන්ට ආරක්ෂිත සේවා පරිසරයක් ද සපයන අතර, එමඟින් ජීවත් වීමට සහ වැඩ කිරීමට සුදුසුම ගමනාන්තය ලෙස එක්සත් අරාබි එමීර් රාජ්‍යයේ කීර්තිය ඉහළ නැංවීම කෙරෙහි ධනාත්මක පිළිබිඹුවක් වෙයි.
සේවා යෝජකයන්ට පද්ධතියේ ලියාපදිංචි වීමෙන් පසුව සහ සේවා සැපයීම සඳහා එක්සත් අරාබි එමීර් රාජ්‍යයේ මහ බැංකුව විසින් නම් කරන ලද මූල්‍ය අධිකාරීන් සමඟ ගිවිසුම්ගත වීමෙන් පසු ඉලෙක්ට්‍රොනිකව වැටුප් ගෙවීමේ වාසි වලින් ප්‍රතිලාභ ලබා ගත හැකියි.
එක්සත් අරාබි එමීර් රාජ්‍යය 2009 දී පුද්ගලික අංශයේ ආයතනවල සේවකයින්ට WPS යෙදීම ආරම්භ කරන ලද අතර, එය සේවා යෝජකයන් සහ මෙම අංශයේ කම්කරුවන් අතර ගිවිසුම්ගත කම්කරු සබඳතාවල ස්ථායිතාව කෙරෙහි සැලකිය යුතු ධනාත්මක බලපෑමක් ඇති කර තිබෙනවා.
