ඩුබායි හි මාර්ග සහ ප්‍රවාහන අධිකාරිය (RTA) Route 2020 ව්‍යාපෘතිය සඳහා ඇමරිකානු ව්‍යාපෘති කළමනාකරණ ආයතනය (PMI) වෙතින් පිළිගන්වන මෙගා ව්‍යාපෘති සම්මානය දිනා ගෙන තිබෙනවා. 8 වැනි ඩුබායි ජාත්‍යන්තර ව්‍යාපෘති කළමනාකරණ සංසදයට සමගාමීව ව්‍යාපෘති කළමනාකරණ ආයතනයේ අධ්‍යක්ෂ මණ්ඩලයේ සභාපති Jennifer Tharp, PMP, Cdir අතින් RTA හි අධ්‍යක්ෂ ජනරාල් සහ විධායක අධ්‍යක්ෂ මණ්ඩලයේ සභාපති අතිගරු Mattar Al Tayer සම්මානය ලබා ගන්නා ලදී.
Route 2020, PMI හි මෙගා ව්‍යාපෘති සම්මානයෙන් පිදුම් ලැබුවේ PMI විසින් අනුගමනය කරන ලද ඉහළම ප්‍රමිතීන් සහ පාලන ක්‍රමවේද භාවිතයේදී පෙන්නුම් කරන ලද සුවිශේෂී නිපුණතාවය අගයමිනි. මෙම සම්මානය මඟින් ව්‍යාපෘති කළමනාකරණ භාවිතයන්හි විශිෂ්ට කාර්ය සාධනයක් ලබා දෙන ආයතන හඳුනා ගනු ලබනවා.
Route 2020, ඩුබායි මෙට්‍රෝහි රතු මාර්ගය Jebel Ali දුම්රිය ස්ථානයේ සිට 2020 Expo 2020 ස්ථානය දක්වා විහිදේ. මෙම මාර්ගයට උස් දුම්රිය ස්ථාන 5 ක් සහ භූගත දුම්රිය ස්ථාන 2 ක් ඇතුළත් වෙනවා.
Route 2020 ව්‍යාපෘතිය, The Gardens, Discovery Gardens, Al Furjan, Jumeirah Golf Estates, Dubai Investments Park සහ Expo වැනි ජනාකීර්ණ ප්‍රදේශවලට සේවය සපයයි. මෙම මාර්ගයෙන් සේවය සැලසෙන ඇස්තමේන්තුගත ජනගහනය පුද්ගලයින් 270,000 ක් පමණ වන අතර Dubai Marina සිට Expo දක්වා ගමනට මිනිත්තු 16 ක් ගතවේ.
ඩුබායි මෙට්‍රෝහි Route 2020, ඩුබායි හි ජීවිතයට අනාගත මානයක් එක් කරන අතර ගෝලීය ගමනාන්තයක් ලෙස නගරයේ අගය වැඩි දියුණු කරයි. මගී ජනතාවට ඔවුන්ගේ ප්‍රියතම ස්ථාන, නිවාස සහ සේවා ස්ථාන වෙත සම්බන්ධ කිරීම සඳහා ජෙබෙල් අලි දුම්රිය ස්ථානයේ සිට එක්ස්පෝ 2020 දුම්රිය ස්ථානය දක්වා නැවතුම් ස්ථාන හතක් තිබෙනවා. එය ඩුබායි හි මනරම් නාගරික බිම් සලකුණු සහිත වාස්තු විද්‍යාත්මකව විශිෂ්ට කෘතියක් බවට පත්කෙරෙනවා.
