මාර්ග සහ ප්‍රවාහන අධිකාරිය (RTA) ඩුබායි ඒකාබද්ධ ආර්ථික කලාප අධිකාරිය (DIEZ) සහ talabat UAE සමඟ එක්ව, ඩුබායි Silicon Oasis (DSO) හි තිරසාර විප්ලවයක් ඇති කරමින් “talabots” නමින් හැඳින්වෙන ස්වයංක්‍රීය ආහාර බෙදා හැරීමේ රොබෝවරුන් UAE හි බෙදා හැරීම් කටයුතු සඳහා නියමු අදියරක් ලෙස දියත් කරන බව නිවේදනය කලා.
මෙය 2030 වන විට ඩුබායි හි සියලුම ප්‍රවාහන චාරිකා වලින් 25%ක් ස්මාර්ට් සහ රියදුරන් රහිත බවට වෙනස් කිරීමට ඩුබායි දරන උත්සාහයට අනුකූල වන අතර කාර්යක්ෂමතාව ඉහළ නංවන අතරම උසස් තාක්‍ෂණය භාවිතා කිරීමට සහ බෙදා හැරීමේදී ශුන්‍ය කාබන් විමෝචන ක්‍රම භාවිතය දිරිමත් කිරීමට ආයතනවල ඒකාබද්ධ ප්‍රයත්නවල කොටසකි.
නියමු අදියරේදී Cedre Villas පදිංචිකරුවන්ට සේවය සැපයීම සඳහා “talabots” තුනක් හඳුන්වා දෙනු ඇත. ඉහළ කාර්‍යක්ෂමතාවයක් සහ සුසංයෝගී නාගරික ජීවන රටාවක් සඳහා නිර්මාණය කර ඇති “talabots” Cedre සාප්පු මධ්‍යස්ථානයෙන් කිලෝමීටර් 3ක අරයක් තුළ ගමන් කර විනාඩි 15ක වේගවත් බෙදාහැරීමේ කාලයක් සහතික කරනු ඇත.
AI බලයෙන් ක්‍රියා කරන ප්‍රවාහනය
එක්සත් අරාබි එමීර් රාජ්‍යයේ රෙගුලාසිවලට අනුකූලව ප්‍රජාවගේ පෞද්ගලිකත්වය ඉහළම ප්‍රමුඛතාවයක් ලෙස ආරක්ෂා කිරීමට, “talabots” හි යොදවා ඇති AI තාක්‍ෂණය මුහුණ හඳුනාගැනීමේ විශේෂාංගයක් නොමැතිව මිනිසුන්ගේ අනන්‍යතාව ආරක්ෂා කරයි. එපමනක් නොව, ප්‍රජාව තුළ සාමකාමීව මිශ්‍ර වීමට සහ පාරිභෝගිකයින්ගේ පහසුව සඳහා, “talabots” විවිධ අභ්‍යන්තර සංවේදක සහ නවීන ඇල්ගොරිතම වලින් යුත් අතර එමඟින් වටපිටාව බුද්ධිමත්ව මැන බැලීමට සහ ඒවායේ ගමන් මාර්ගයේ බාධක හඳුනා ගැනීමට හැකි වේ. කුඩා දරුවන් සහ සුරතල් සතුන්ගෙන් ආරක්ෂිත දුරක් තබා ගැනීමද මෙමගින් සිදුකරයි.
එක් ස්ථානයක සිට තවත් ස්ථානයකට ආහාර බෙදා හැරීම සඳහා නවීනතම උසස් කෘතිම බුද්ධිය භාවිතා කරමින්, රොබෝවරු ළඟම ඇති අවන්හල් හවුල්කරුවන්ගෙන් ඇණවුම් ප්‍රවාහනය කරනු ඇත. talabat හි යෙදුමෙහි අතුරුමුහුණත සම්පුර්ණයෙන්ම ඒකාබද්ධ වී ඇති අතර, පාරිභෝගිකයින්ට “talabots” ගමන නිරීක්ෂණය කිරීමට හැකි වන අතර එය ඔවුන්ගේ නිවස වෙත පැමිණි විට යෙදුම හරහා දැනුම් දෙනු ඇත. ඉන් පසු, talabat යෙදුම තුළ සපයා ඇති පියවර අනුගමනය කිරීමෙන් පාරිභෝගිකයාට “talabots”හි ආරක්ෂිත මැදිරිය අගුළු ඇර තම ඇණවුම ලබාගත හැකිය.
