2022 දී ඩුබායි ඉන්ටර් නැෂනල් (DXB) පිටත්වීමේ ගමන් බලපත්‍ර පාලනයේ සාමාන්‍ය පොරොත්තු කාලය 96% කට වැඩි මගීන් සංඛ්‍යාවක් සඳහා මිනිත්තු පහකට වඩා අඩු බව ගුවන් තොටුපළ නිවේදනය කොට තිබෙනවා.
පැමිණීම් සඳහා, ගමන් බලපත්‍ර පාලන පෝලිම්වල සාමාන්‍ය පොරොත්තු කාලය 95 % කට වැඩි මගීන් සඳහා මිනිත්තු 13කට වඩා අඩු විය.
මෙම සංඛ්‍යා පදනම් වී ඇත්තේ ඩුබායි ගුවන් තොටුපලේ තත්‍ය කාලීන නිරීක්ෂණ පද්ධතිය මගින් ග්‍රහණය කර ගන්නා ලද සාමාන්‍ය පෝලිම් වේලාවන් මත ය.
2022 දී එහි වාර්ෂික මගී ගමනාගමනය මිලියන 66 ඉක්මවා ගිය බව DXB නිවේදනය කොට තිබෙනවා. එය වසරින් වසර 127% ක වර්ධනයකි.
DXB මීට පෙර සිය Smart Gates ආගමන ක්‍රියාවලිය හරහා පාරිභෝගිකයින් වේගවත් කරන ආකාරය හඳුන්වා දී තිබුණා. ගුවන් තොටුපළ 2021 දී සිය ‘ස්මාර් ට් ට්‍රැවල්’ පද්ධතිය හඳුන්වා දුන් අතර එමඟින් මගීන්ට ඔවුන්ගේ හැඳුනුම්පත් භාවිතා නොකර ගමන් කිරීමට අවස්ථාව ලබා දුන්නා.
නවතම ජෛවමිතික තාක්‍ෂණය භාවිතා කරමින් – මුහුණේ සහ ඇස්වලින් හඳුනාගැනීමේ මිශ්‍රණයක් මගින් – මගීන්ට ඔවුන්ගේ ගුවන් ගමන් සඳහා පරීක්ෂා කිරීමට සහ කිසිදු හැඳුනුම් ලේඛනයක් ලබා නොගෙන ආගමන විධිවිධාන සම්පූර්ණ කිරීමට හැකි වේ. අත්‍යවශ්‍යයෙන්ම, ඔවුන්ගේ මුහුණු ‘විදේශ ගමන් බලපත්‍ර’ ලෙස ක්‍රියා කරයි.
ගමන් මලු සඳහා රැඳී සිටින වේලාවන්
DXB හි ගමන් මලු හැසිරවීමේ පද්ධතිය 2022 දී 99.8% ක සාර්ථකත්ව අනුපාතයක් සහිතව මුළු බෑග් මිලියන 62.2 ක් මෙහෙයවා තිබෙනවා. ඒ මගීන් 1,000 කට වැරදි ලෙස හසුරුවන ලද බෑග් 2.2 ක් ලෙසටයි, මෙම අගයන් “ලෝකයේ කාර්යබහුලම ජාත්‍යන්තර කේන්ද්‍රස්ථානය සඳහා ආකර්ෂණීය කාර්ය සාධනයක්” බව පෙන්වනවා.
පැමිණීමේදී ගමන් මලු බෙදා හැරීම සම්බන්ධයෙන්, සියලුම ගමන් මලුවලින් 92 %ක් මිනිත්තු 45ක් ඇතුළත පාරිභෝගිකයන් වෙත ලබා දෙන ලදී. 2022 දී ගමන් මලු පරිමාව DXB හි 2019 ගමන් මලු පරිමාවෙන් 86.2 % ක් නියෝජනය කරන බව ගුවන්තොටුපල තොරතුරු වාර්තා කරනවා.
