එක්සත් අරාබි එමීර් රාජ්‍යය විසින් තුර්කියේ Gaziantep හි Islahiye නගරයේ පිහිටුවා ඇති ප්‍රථම ක්ෂේත්‍ර රෝහල දිනකට රෝගීන් 100කට ආසන්න ප්‍රමාණයක් ප්‍රතිකාර ලබාදෙයි. Gallant Knight 2 මෙහෙයුමේ කොටසක් ලෙස මෙම රෝහල පිහිටුවා ඇති අතර භූමිකම්පාවෙන් විපතට පත් වූවන්ට මෙන්ම දෛනික වෛද්‍ය ප්‍රතිකාර සහ මානසික පුනරුත්ථාපනය ඇතුළු පුළුල් වෛද්‍ය ප්‍රතිකාර ලබා දේ.
බ්‍රිගේඩියර් සර්හාන් අල් නෙයාඩි කියා සිටියේ එක්සත් අරාබි එමීර් රාජ්‍යයේ ජනාධිපති, ෂෙයික් මොහොමඩ් බින් සයීඩ් අල් නහියන්ගේ සෘජු නියෝග යටතේ රෝහල දින දෙකකින් ස්ථාපිත කල බවයි.
වර්ග මීටර් 40,000 කින් යුත් මෙම රෝහල එහි රෝගීන්ට හදිසි අනතුරු අංශයක්, ශල්‍යකර්ම මෙහෙයුම් සහ දැඩි සත්කාර ඇතුළුව පැය 24 පුරාම රෝග විනිශ්චය සහ ප්‍රතිකාර පිරිනමයි, වෛද්‍යවරුන් සහ සහායකයින් ඕනෑම වේලාවක සේවය කිරීමට සූදානම්ව සිටී.
“රෝහලේ විවිධ විශේෂඥ වෛද්‍යවරුන් 15 දෙනෙකු මෙන්ම හෙදියන් සහ තාක්ෂණික සහායකයින් 60 දෙනෙකු සිටින අතර, දැඩි සත්කාර ඒකකයේ ඇඳන් හතරක් සහ හදිසි ඇඳන් 4ක් ඇතුළුව රෝගීන් පනස් දෙනෙකුට නවාතැන් ගත හැකිය”, Al Neyadi පැවසීය.
“මෙම වෛද්‍ය මධ්‍යස්ථානය රතු, කහ සහ කොළ කලාප තුනකින් සමන්විත වෙනවා. රතු කලාපය ක්ෂණික අවධානය යොමු කළ යුතු හදිසි අවස්ථා සඳහා වේ. අපගේ විශේෂඥ වෛද්‍යවරු මෙම කලාපයේ සෑම විටම සූදානමින් සිටිනවා.
කහ කලාපය ස්ථාවර තත්වයේ පසුවන රෝගීන් සඳහා වන අතර, කොළ පාට බාහිර රෝගී අංශය සඳහා වෙනවා. තුර්කියේ සිට අරාබි සහ ඉංග්‍රීසි දක්වා, පරිවර්තකයන් සන්නිවේදනයේ පහසුව සඳහා වෙහෙස නොබලා කටයුතු කරනවා.
CT ස්කෑන්, X-ray යන්ත්‍ර, ventilators සහ වෙනත් උපකරණ ඇතුළුව ඉතා දියුණු වෛද්‍ය යන්ත්‍ර සූත්‍රවලින්ද රෝහල සමන්විත වෙනවා.” කිලෝමීටර් 120ක අරයක ඇති එකම CT ස්කෑන් යන්ත්‍රය ඇත්තේ මෙම රෝහලේයි”, Al Neyadi පැවසීය.
බොහෝ ශල්‍යකර්ම සිදු කිරීමට හැකි අංගසම්පූර්ණ ශල්‍යාගාරයකින් පවා රෝහල සමන්විතය. “අපට අවශ්‍ය සියලුම උපකරණ මෙහි තිබෙනවා. අපි මෙහිදී අනතුරු වලදී ඇතිවූ සිද්ධීන් සඳහා බොහෝ ශල්‍යකර්ම සිදු කර තිබෙනවා. ශල්‍යකර්මයෙන් පසු, රෝගීන් දැඩි සත්කාර ඒකකයට මාරු කරනු ලැබේ, එහිදී අපට අවශ්‍ය සියලුම උපකරණ සහිත ඇඳන් හතරක් ඇත” Al Neyadi පැවසීය.
ක්ෂේත්‍ර රෝහලේ සෑම ආකාරයකම පාහේ වෛද්‍ය පරීක්ෂණ පැවැත්විය හැකි වෛද්‍ය රසායනාගාරයකින් ද සමන්විත වෙනවා. “මෙම විද්‍යාගාරයේ සිටින අපගේ ඉහළ සුදුසුකම් ලත් කාර්ය මණ්ඩලය නිවැරදි ප්‍රතිඵල ලබාදීමට අඛණ්ඩව කටයුතු කරමින් සිටිනවා,” ඔහු වැඩිදුරටත් පැවසීය.
“රෝගීන් රෝහලට පැමිණීම දිනෙන් දින වැඩි වෙමින් පවතින අතර ඔවුන්ට සේවය කිරීමට අපි සූදානමින් සිටින්නෙමු.”
