එක්සත් අරාබි එමීර් රාජ්‍යයේ ජාතික විදුලිබල පද්ධතියට තවත් මෙගාවොට් 1,400ක (MW) පිරිසිදු බලශක්තියක් එක් කරමින් BARAKAH න්‍යෂ්ටික බලශක්ති බලාගාරයේ 3 වන ඒකකය වාණිජ මෙහෙයුම් ආරම්භ කර ඇත.
එමිරේට්ස් න්‍යෂ්ටික බලශක්ති සංස්ථාවට (ENEC) අනුව BARAKAH න්‍යෂ්ටික බලාගාරයේ හි ඒකක 1, 2 සහ 3 ක්‍රියාත්මක වීම නිසා සමස්ත විදුලි නිෂ්පාදනය මෙගාවොට් 4,200 දක්වා ඉහළ නැංවෙන බව පැවසීය.
මැදපෙරදිග පළමු බහු-ඒකක මෙහෙයුම් විදුලි බලාගාරය වන BARAKAH, 2022 දෙසැම්බර් මාසයේදී අබුඩාබි හි පිරිසිදු විදුලි පරිභෝජනයෙන් 80 % කට වඩා බලගන්වා ඇත.
ENEC හි කළමනාකාර අධ්‍යක්ෂ සහ ප්‍රධාන විධායක නිලධාරී මොහොමඩ් ඉබ්‍රාහිම් අල් හම්මාඩි “නොවැම්බරයේ එක්සත් අරාබි එමීර් රාජ්‍යයේ පවත්වනු ලබන COP28 හිදී අද පවතින ඔප්පු කල හැකි විසඳුම් භාවිතා කරමින්, දේශගුණික විපර්යාසවලට මුහුණ දීමේදී න්‍යෂ්ටික බලය කෙතරම් තීරණාත්මකද යන්න පෙන්වීමට එක්සත් අරාබි එමීර් රාජ්‍යය අපේක්ෂා කරන බව” පැවසීය.
ඇත්ත වශයෙන්ම BARAKAH බලාගාරයේ, 3 වන ඒකකය ලොව පුරා ඉදිකර ඇති අනෙකුත් තුන්වන පරම්පරාවේ ප්‍රතික්‍රියාකාරක සමඟ සසඳන විට කෙටිම කාල රාමුවක් තුළ කාර්යක්ෂමතාව ලබා දී ඇත. එය 2වන ඒකකයට වඩා මාස හතරක් වේගයෙන් සහ 1වන ඒකකයට වඩා මාස පහක් වේගයෙන් වාණිජ මෙහෙයුම් ආරම්භ කළේය.
