එක්සත් අරාබි එමීර් රාජ්‍යයේ උප ජනාධිපති, අග්‍රාමාත්‍ය, ඩුබායි හි පාලක අතිගරු ෂෙයික් මොහොමඩ් බින් රෂීඩ් අල් මක්ටූම්ගේ නියෝගයන්ට ප්‍රතිචාර වශයෙන් ඩුබායිහි වර්ධනය වන පුළුල් නාගරික සහ ජන විකාශන අවශ්‍යතා සපුරාලීම සඳහා අල් ෂින්දගා කොරිඩෝව වැඩිදියුණු කිරීමේ ව්‍යාපෘතිය ආරම්භ කෙරෙනවා.
ඩුබායි හි ඔටුන්න හිමි කුමරු, විධායක සභාවේ සභාපති අතිගරු Hamdan bin Mohammed bin Rashid Al Maktoum ගේ පසු විපරම යටතේ මාර්ග සහ ප්‍රවාහන අධිකාරිය (RTA) වෙත අල්ෂින්දගා කොරිඩෝව වැඩිදියුණු කිරීමේ ව්‍යාපෘතියේ 4 වැනි අදියර යටතේ පළමු කොන්ත්‍රාත්තුව ප්‍රදානය කොට තිබෙනවා. නාගරික ව්‍යාප්තිය සහ ජනගහන වර්ධනයේ අවශ්‍යතා සපුරාලන අතරම ප්‍රදේශයේ අඛණ්ඩ සංවර්ධනය සමඟ වේගයෙන් ගමන් කිරීම ව්‍යාපෘතියේ අරමුණයි.
මෙම ඩිරාම් මිලියන 800 ක කොන්ත්‍රාත්තුවේ විෂය පථය Sheikh Rashid Road ඔස්සේ Sheikh Khalifa bin Zayed Street මන්සංදියේ සිට Al Mina පාරේ Falcon Interchange දක්වා කිලෝමීටර් 4.8 ක් විහිදේ. සියලුම මංතීරු හරහා පැයකට වාහන 19,400ක් ධාවනය කල හැකි සම්පූර්ණ පාලම් තුනක් ඉදිකිරීම මෙම ව්‍යාපෘතියට ඇතුළත් වෙනවා.
මාර් ග හා ප්‍රවාහන අධිකාරියේ (RTA) විධායක අධ්‍යක්ෂ මණ්ඩලයේ සභාපති, අධ්‍යක්ෂ ජනරාල්, අතිගරු Mattar Al Tayer මෙසේ පැවසීය: “අල් ෂින්දගා කොරිඩෝව වැඩිදියුණු කිරීමේ ව්‍යාපෘතියෙන් ෂෙයික් රෂීඩ් පාර, අල් මිනා පාර, අල් ඛලීජ් වීදිය ඔස්සේ කිලෝමීටර් 13ක් විහිදෙනවා ඒ සමගම කයිරෝ වීදිය, කොරිඩෝව දිගේ සුමට ගමනාගමනයකට දායක වෙනවා. එය මාර්ගවල ධාරිතාව සහ කාර්යක්ෂමතාව මෙන්ම රථවාහන ආරක්ෂාවද වැඩි දියුණු කරනු ඇත.”
හතරවන අදියරට පාලම් තුනක් ඉදිකිරීම ඇතුළත් වන අතර,
- පළමුවැන්න ෂෙයික් රෂීඩ් පාර සහ ෆැල්කන් මංසන්ධිය අතර සුමට ගමනාගමනය සහතික කිරීම සඳහා මීටර් 1335 ක් විහිදෙන මංතීරු 3 කින් යුත් පාලමක් වන අතර එය දෙපැත්තෙන්ම පැයකට වාහන 10,800 ක ධාරිතාවක් ඇත.
- දෙවැන්න පැයකට වාහන 5,400 ක ධාරිතාවයකින් යුත් ෆෝල්කන් අන්තර් හුවමාරුවේ සිට අල් වසල් පාර දක්වා එන ගමනාගමනයට සේවය කිරීම සඳහා මීටර් 780 ක් දිගැති මංතීරු 3 කින් යුත් පාලමකි.
- තෙවැන්න මංතීරු 2කින් යුත් පාලමක් වන අතර එය ජුමේරා වීදියේ සිට අල් මිනා පාර දක්වා පැයකට වාහන 3,200 ක ධාරිතාවයකින් යුත් ෆැල්කන් අන්තර් හුවමාරුව දෙසට ඇතුළු වන ගමනාගමනය සඳහා මීටර් 985 ක් විහිදෙනවා.
මෙම ව්‍යාපෘතියට කිලෝමීටර් 4.8ක් දිගැති වීදි ඉදිකිරීම සහ ජුමෙයිරා වීදිය, අල් මිනා පාර සහ ෂෙයික් සබා අල් අහමඩ් අල් ජබීර් අල් සබා වීදියේ මතුපිට මංසන්ධි වැඩිදියුණු කිරීමද, මගී පාලම් දෙකක් ඉදිකිරීම ද ඇතුළත් වේ. මින් පළමුවැන්න ෂෙයික් රෂීඩ් පාරේ සහ දෙවැන්න අල් මිනා පාරේ ඉදි කෙරෙනවා. වීදි ආලෝකකරණ කටයුතු, රථවාහන ගමනාගමන පද්ධති, වැසි ජල අපවහන ජාල සහ වාරිමාර්ග ජාල වැඩිදියුණු කිරීමද ඇතුලත් වෙනවා.
“Al Shindagha කොරිඩෝව වැඩිදියුණු කිරීමේ ව්‍යාපෘතිය දැනට RTA විසින් සිදු කරනු ලබන විශාලතම ව්‍යාපෘති වලින් එකකි, එහි මුළු ඇස්තමේන්තුගත පිරිවැය ඩිරාම් බිලියන 5.3 කි. මෙම ව්‍යාපෘතිය කිලෝමීටර 13ක් පුරා විහිදෙන මංසන්ධි 15ක් ඉදිකිරීමට අයත් වේ. එහි දැවැන්ත විෂය පථය නිසා ව්‍යාපෘතිය අදියර පහකට බෙදා තිබුණි. මෙම කොරිඩෝව Deira Islands, Dubai Seafront, Dubai Maritime City සහ Port Rashid වැනි සංවර්ධන ව්‍යාපෘති කිහිපයකට අමතරව Deira සහ Bur Dubai සඳහා සේවා සපයයි. ඒ නිසා මිලියනයක පමණ පිරිසකට සේවය සැලසීමට බලාපොරොත්තු වෙනවා. එය 2030 වන විට ගමන් කාලය විනාඩි 104 සිට විනාඩි 16 දක්වා අඩු කරනු ඇති අතර වසර 20 ක් පුරා ඉතිරි කර ඇති කාලය ඩිරාම් බිලියන 45 ක් පමණ වනු ඇත අල් ටයර් පැවසීය.
RTA විසින් Al Shindagha කොරිඩෝව වැඩිදියුණු කිරීමේ ව්‍යාපෘතිය තුළ බොහෝ මංසන්ධි වැඩිදියුණු කිරීම සම්පූර්ණ කර ඇත, ෂෙයික් රෂීඩ් පාර-Oud Metha වීදි මංසන්ධිය (Wafi Intersection) වැඩිදියුණු කිරීම සහ Sheikh Rashid Road සහ Sheikh Khalifa bin Zayed වීදිය වැඩිදියුණු කිරීම ඇතුලත් වෙනවා. ෂෙයික් කලීෆා බින් සයීඩ් වීදියේ සෑම දිශාවකටම මංතීරු දෙකකින් සමන්විත පාලම් දෙකක් ඉදිකිරීම ඇතුළත් වෙනවා. ෂෙයික් රෂීඩ් පාර දෙසට සබීල් වීදියේ සිට එක් මංතීරුවක පාලමක් සහ ෂෙයික් රෂීඩ්-අල් මාන්කූල් මංසන්ධිය දෙසින් ෂෙයික් රෂීඩ් පාරේ සෑම දිශාවකටම මංතීරු හතරකින් සමන්විත උමං මාර්ගයක් ද වෙනවා.
RTA විසින් Deira Islands වෙත දිවෙන පාලම් පහක් ද විවෘත කරන ලද අතර, එය අල් ඛලීජ්-අබූ බකර් අල් සිද්දීක් වීදිවල මංසන්ධියේදී ඩෙයිරා දූපත් වෙත ප්‍රවේශ / පිටවීමේ ස්ථාන සපයයි. පාලම් සහ බෑවුම් දිග මීටර් 2,571 ක් වන අතර පැයකට වාහන 20,700 ක සම්පූර්ණ ධාරිතාවකින් යුක්ත වෙනවා.
RTA විසින් අල් ඛලීජ් වීදියේ මීටර් 570 ක් දිගැති ප්‍රධාන පාලමක් ද බර්ඩුබායි දෙසට මංතීරු තුනකින් සමන්විත වන අතර අල් ඛලීජ් වීදිය සහ ඕමාර් බින් අල් ඛතාබ් වීදියේ මංසන්ධියක් ද විවෘත කරන ලදී. මෙම පාලමට පැයකට වාහන 4,800ක් හැසිරවිය හැකි අතර අල්-ෂින්දගා උමග දෙසින් අබූබකර් අල් සිද්දීක් වීදිය සහ ඩෙයිරා දූපත් මංසන්ධියෙන් ඇතුල් වන අල් ඛලීජ් වීදියේ ගමනාගමනයට සේවය සැලසිය හැක.
