මානව සම්පත් සහ එමිරාතිකරණ අමාත්‍යාංශය (MoHRE) සේවා යෝජකයින්ගෙන්, එක්සත් අරාබි එමීර් රාජ්‍යයේ පුරවැසියන්ගෙන් සහ පදිංචිකරුවන්ගෙන් ඉල්ලා ඇත්තේ කම්කරුවන් සේවයේ යොදවා ගැනීම සඳහා සහ නීති විරෝධී රැකියා ප්‍රවර්ධනය කරන සමාජ මාධ්‍ය පිටු මඟ හැරීම සඳහා MoHRE අනුමත ගෘහ සේවිකාවන් බඳවා ගැනීමේ ආයතන සමඟ පමණක් කටයුතු කරන ලෙසයි.
රාමසාන් මාසය එළඹෙන විට, ගෘහ සේවිකාවන්ගේ, විශේෂයෙන් නිවස්වල වැඩ කරන අයගේ රැකියා සඳහා ඇති ඉල්ලුම ඉහළ යන බව අමාත්‍යාංශය නිවේදනයක් නිකුත් කරමින් කියා සිටී.
“එබැවින්, සමාජ මාධ්‍යවල ව්‍යාජ පිටු සහ ගිණුම් ගෘහ සේවිකාවන් බඳවා ගැනීමට අපේක්ෂා කරන අය ආකර්ෂණය කර ගැනීම සඳහා මෙවැනි රැකියා ප්‍රවර්ධනය කිරීමට පටන් ගනී.”
විශේෂයෙන් නුපුහුණු ගෘහ සේවිකාවන් ලබා ගැනීමේදී කිසිදු ඇපකරයක් නොමැතිකම සම්බන්ධයෙන්, අනුමත නොකළ ආයතන සමඟ කටයුතු කිරීමේදී නීතිමය ප්‍රතිවිපාක මෙන්ම සමාජීය සහ සෞඛ්‍ය අවදානම් පිළිබඳවද අමාත්‍යාංශය අනතුරු ඇඟවීය.
“මෙය උල්ලංඝනය කරන ගෘහ සේවිකාව, කිසිදු සෞඛ්‍ය තත්වයක් හෝ රෝගාබාධයකින් තොර බවට සාක්ෂි නොමැතිකම හේතුවෙන් සේවා යෝජකයන් සහ ඔවුන්ගේ පවුලේ සාමාජිකයින් බෝවන රෝගවලට නිරාවරණය වීමේ හැකියාවට පවතී. ගෘහ සේවිකාව නීති කඩකරන්නෙකු විය හැකි අතර, එය අවදානම් වැඩි කරනු ඇත” අමාත්‍යාංශය නිවේදනයක් නිකුත් කරමින් කියා සිටියේය.
සමාජ මාධ්‍ය හරහා ගෘහ සේවිකාවන් ප්‍රවර්ධනය කරන ආයතනවල විශ්වසනීයත්වය තහවුරු කර ගැනීම සඳහා 600590000 ඇමතුම් මධ්‍යස්ථානය අමතන ලෙස ද අමාත්‍යාංශය පාරිභෝගිකයින්ගෙන් ඉල්ලා සිටියේය.
“රට පුරා අමාත්‍යාංශය විසින් අනුමත කරන ලද ගෘහ සේවිකාවන් බඳවා ගැනීමේ කාර්යාල 80ක් ඇති අතර, ඒවා අනුමත කාර්යාල ලැයිස්තුවෙන් අමාත්‍යාංශයේ වෙබ් අඩවිය සහ සමාජ මාධ්‍ය පිටු හරහා ප්‍රවේශ විය හැක. මෙම කාර්යාල 2022 දෙසැම්බර් 15 දින සිට බලාත්මක වූ ගෘහ සේවිකාවන් සම්බන්ධයෙන් 2022 අංක (9) ෆෙඩරල් ආඥා පනතට අනුකූලව ක්‍රියා කරයි.
අනුමත කාර්යාල “සාම්ප්‍රදායික පැකේජයක්” සපයනු ලබන අතර එහි සේවකයා සේවා යෝජකයාගේ ලිපිගොනුවේ ලියාපදිංචි වී වසර දෙකක කොන්ත්‍රාත්තු කාලය තුළ ඔවුන් සමඟ වාසය කලයුතුය. මෙම කාල සීමාව තුළ, නියෝජිතායතනය ගෘහ සේවිකාව පිළිබඳ සහතික වන අතර, කොන්ත්‍රාත්තුවේ පළමු මාස හය තුළ (අත්හදා බැලීමේ කාලය) පහත සඳහන් සිදුවීම් හතරෙන් එකක් සිදුවුවහොත් සේවායෝජකයාට සේවකයා ප්‍රතිස්ථාපනය කිරීමට හෝ බඳවා ගැනීමේ පිරිවැය අයකර ගැනීමට හැකිය.
සිදුවීම් හතර
- නීත්‍යානුකූල හේතුවක් නොමැතිව සේවකයා විසින් කොන්ත්‍රාත්තුව අවසන් කිරීම
- පිළිගත හැකි හේතුවක් නොමැතිව ගෘහ සේවකයා රැකියාවෙන් පිටවීම
- සේවකයා එම භූමිකාවට නුසුදුසු වීම
- සේවකයාට අවශ්‍ය සහ එකඟ වූ පරිදි වැඩ කටයුතු කරගෙන යාමට නොහැකි වීම මෙයට ඇතුළත් වේ.
සේවකයා අත්හදා බැලීමේ කාලයෙන් පසු කොන්ත්‍රාත්තුව අවසන් කළහොත් හෝ පිළිගත හැකි හෝ නීත්‍යානුකූල හේතුවක් නොමැතිව රැකියාවෙන් ඉවත් වුවහොත්, බඳවා ගැනීමේ පිරිවැයෙන් කොටසක් කොන්ත්‍රාත්තුවේ අවසාන දිනය දක්වා පශ්චාත් පරීක්ෂණ කාල සීමාව තුළ අයකර ගනු ලැබේ. මෙම මුදල ගණනය කරනු ලබන්නේ වසර දෙකක කොන්ත්‍රාත්තු කාලයෙන් ඉතිරි මාස ගනන අනුව සම්පූර්ණ බඳවා ගැනීමේ පිරිවැයෙනි.
බඳවා ගැනීමේ කාර්යාල මගින් “තාවකාලික පැකේජය” ද පිරිනමනු ලබන අතර එමඟින් පුහුණු සහ සුදුසුකම් ලත් ගෘහ සේවිකාවක් පැය 24 ක් තුළ ලබා දෙනු ලැබේ. මෙම සේවකයා වසර දෙකක ගිවිසුම් කාලයක් සඳහා නියෝජිතායතනයේ ලියාපදිංචි වී ඇති අතර, එම කාලය තුළ සේවකයාට නේවාසික ගෘහ සේවිකාවක් ලෙස ගමන් කිරීමට අවසර නැත.
ආයතන විසින් නම්‍යශීලී පාදක වැඩ රටාවක් (පැය-දින-සතිය-මාසය) සපයන “නම්‍යශීලී පැකේජය” ද පිරිනමනු ලබන අතර බඳවා ගැනීමේ පිරිවැය කාර්යයේ ස්වභාවය අනුව ගණනය කෙරේ. මෙම පැකේජයට සුදුසුකම් ලත් සහ පුහුණු ගෘහ සේවිකාවන් සැපයීම සහ අසීමිත ප්‍රතිස්ථාපන ප්‍රමාණයක් ඇතුළත් වාසි සමූහයක් ඇත. සේවකයා ලබා දීමේ කාලය පැය 24 ක් තුළ වේ.
මානව සම්පත් සහ එමරාතීකරණ අමාත්‍යාංශය විසින් සේවා යෝජකයන්ට තම ගෘහ සේවිකාවන් වැටුප් ආරක්ෂණ ක්‍රමයේ (WPS) ලියාපදිංචි කරන ලෙස කරන ලද ඉල්ලා සිටිනවා.
