ඔබ ඔබේ මෝටර් රථය පොදු වාහන නැවැත්වීමේ ස්ථානයක නවතා බලා සිටියද, ඔබට තවමත් වාහන නැවැත්වීම සඳහා ගෙවිය යුතු බව සාජා මහ නගර සභාව පවසයි.
ඔබ ආහාර ඇණවුමක් ලබා ගැනීමට හෝ යමක් භාරදීමට නැවැත්වූ පමණින්, ඔබට තවමත් වාහන නැවැත්වීමේ ඉඩ භාවිතා කිරීම වෙනුවෙන් වාහන නැවැත්වීමේ ගාස්තු ගෙවිය යුතුය.
නගර සභාව විසින් මෑතදී තැබූ මාර්ගගත සටහනකට අනුව, වාහන නැවැත්වීමේ ප්‍රවේශ පත්‍රය ගෙවීමට හෝ අලුත් කිරීමට අපොහොසත් වුවහොත් වාහනවල රැඳී සිටින රියදුරන්ට දඩ මුදලක් අයකරනු ලැබේ.
- සාජාහි පොදු වාහන නැවැත්වීම සඳහා නොගෙවීම වෙනුවෙන් දඩය ඩිරාම් 150 වන අතර
- නැවැත්වීමේ කාලසීමාව අවසන් වූ පසු ප්‍රවේශ පත්‍රය අලුත් කිරීමට අපොහොසත් වීම වෙනුවෙන් දඩය ඩිරාම්100 වේ.
සාජා හි වාහන නැවැත්වීමේ ගාස්තු
සාජා මහ නගර සභාවට අනුව, මේවා එමිරේට්ස් හි පොදු වාහන නැවැත්වීමේ ගාස්තු වේ:
- පැයක්: ඩිරාම් 2
- පැය දෙකක්: ඩිරාම් 5
- පැය තුනක්: ඩිරාම් 8
- පැය පහ: ඩිරාම් 12
- සාජාහි වාහන නැවැත්වීම සඳහා ගෙවන්නේ කෙසේද?
ඔබට සාජා හි පොදු වාහන නැවැත්වීම සඳහා ක්‍රම තුනකින් ගෙවිය හැකිය:
1. ඉලෙක්ට්‍රොනික වාහන නැවැත්වීමේ යන්ත්‍ර
2. SMS මගින්
3. ඩිජිටල් සාජා යෙදුම මගින්
1. ඉලෙක්ට්‍රොනික වාහන නැවැත්වීමේ යන්ත්‍ර
ඔබ වාහන නැවැත්වීමේ යන්ත්‍රයක් හරහා ඔබේ වාහන නැවැත්වීම සඳහා ගෙවීමට තීරණය කරන්නේ නම්, ඔබ ඔබේ මෝටර් රථයේ අංක තහඩුව ඇතුළත් කර තිරයේ ඇති ටිකට් පතේ කාලසීමාව තෝරාගෙන වාහන නැවැත්වීම සඳහා ගෙවිය යුතුය.
ඊළඟට, යත්‍රය ටිකට් පත මුද්‍රණය කරයි. ඔබ වාහන නැවැත්වීමේ ටිකට් පත ඔබේ මෝටර් රථයේ උපකරණ පුවරුවේ ප්‍රදර්ශනය කළ යුතුය. ඔබ ප්‍රවේශ පත්‍රය ප්‍රදර්ශනය නොකරන්නේ නම්, ඒ සඳහා ඩිරාම්150 ක දඩයකට යටත් වේ.
2. SMS වාහන නැවැත්වීම
පහත පෙළ (text) සමඟ 5566 වෙත පණිවිඩයක් යවන්න:
<තහඩු මූලාශ්‍රය> <තහඩු අංකය> <පැය ගණන>
තහඩු මූලාශ්‍රය: ඔබේ මෝටර් රථය ලියාපදිංචි කර ඇති එමිරේට් මෙයයි. එමිරේට් මත පදනම්ව පහත කේත භාවිතා කරන්න:
- අබුඩාබි: AUH
- ඩුබායි: DXB
- සාජා: SHJ
- අජ්මාන්: AJM
- Umm Al Quwain: UAQ
- රාස් අල් කයිමා: RAK
- ෆුජයිරා: FUJ
3. ඩිජිටල් සාජා ඇප්
Google Play Store හෝ Apple App Store වෙතින් Digital Sharjah යෙදුම බාගත කර පහත පියවර අනුගමනය කරන්න:
1. යෙදුම විවෘත කර, මුල් පිටුවේ සේවා කාණ්ඩය යටතේ ‘ප්‍රවාහනය’ මත තට්ටු කරන්න.
2. ඊළඟට, ‘Pay public parking fees’ සේවාව මත ක්ලික් කරන්න.
3. ‘ආරම්භක’ බොත්තම තට්ටු කර ඔබගේ ජංගම දුරකථන අංකය සහ වාහන අංක තහඩුව සහ කේතය ඇතුළත් කරන්න.
4. ඊළඟට, කාලසීමාව තෝරා ඔබේ ක්‍රෙඩිට්/ඩෙබිට් කාඩ්පත් විස්තර ඇතුළත් කිරීමෙන් මාර් ගගතව වාහන නැවැත්වීමේ ගාස්තු ගෙවන්න.
සාජා හි වාහන නැවැත්වීමේ දඩ
1. වාහන නැවැත්වීමේ ප්‍රවේශපත්‍රය මිලදී ගැනීමට සහ ප්‍රදර්ශනය කිරීමට අපොහොසත් වීම – ඩිරාම්150
2. කාල සීමාව ඉක්මවීම හෝ වැඩිපුර රැඳී සිටීම – ඩිරාම් 100
3. වාහන නැවැත්වීමේ ස්ථානයේ ගමනාගමනයට බාධා කිරීම සහ අනෙකුත් මෝටර් රථ රියදුරන් අනතුරට
පත් කිරීම – ඩිරාම් 200
4. ප්‍රවේශපත්‍ර යන්ත්‍රය, උපදෙස් පැනලය, හෝ ඕනෑම වාහන නැවැත්වීමේ පහසුකම් අනිසි ලෙස භාවිතා කිරීම – ඩිරාම් 500
5. ආභාධිත පුද්ගල වාහන නැවැත්වීමේ ස්ථානවල වාහන නැවැත්වීම – ඩිරාම් 1,000
6. බලපත්‍රයක් නොමැතිව වාහන නැවැත්වීමේ ඉඩක් වෙන් කිරීම – ඩිරාම් 1,000
7. බලපත්‍රයක් නොමැතිව පොදු වාහන නැවැත්වීමේ ස්ථානයක කාර් සේදීම – ඩිරාම් 500
8. වෙන් කර ඇති වාහන නැවැත්වීමේ ඉඩක් තුළ වාහන නැවැත්වීම – ඩිරාම් 1,000
