සෞඛ්‍ය සේවා අධ්‍යක්ෂ ජනරාල් (DGHS) වෛද්‍ය අසේල ගුණවර්ධන පැවසුවේ ඇතැම් වෛද්‍ය උපදේශකවරුන් ඇතුළු වෛද්‍යවරුන් 700කට අධික පිරිසක් ශ්‍රී ලංකාව හැර ගොස් විදේශගත වී ඇති බවයි.
සෞඛ්‍ය අමාත්‍යාංශයට අනුව දැනට ශ්‍රී ලංකාව තුළ වෛද්‍යවරුන් 20,000ක් පමණ සේවය කරන අතර උපදේශකවරුන් 2800ක් පමණ සිටිති.
රජයේ වෛද්‍ය නිලධාරීන්ගේ සංගමය (GMOA) ප්‍රකාශ කළේ පසුගිය වසරේ අගෝස්තු මාසය අවසන් වන විට උපදේශකයින් 125 දෙනෙකු පමණ ශ්‍රී ලංකාවෙන් සංක්‍රමණය වී ඇති බවයි.
මෙම වෛද්‍යවරුන්ගෙන් සමහරක් නිල නිවාඩු සඳහා ඉල්ලුම් කිරීමෙන් පසු රට හැර ගොස් ඇති අතර ඇතැමුන් සෞඛ්‍ය අමාත්‍යාංශයට පූර්ව දැනුම් දීමකින් තොරව සිය තනතුර අත්හැර ගොස් ඇත.
වෛද්‍ය ගුණවර්ධන මහතා පැවසුවේ වෛද්‍ය නිලධාරීන් රටින් පිටවීම රජයට සීමා කළ නොහැකි බවයි.
“මෙම කාරණය රාජ්‍ය පරිපාලන අමාත්‍යාංශය සමඟ සාකච්ඡා කළ නමුත් රජය ඔවුන්ට සංක්‍රමණය වීම සීමා කළහොත් එය ඔවුන්ට වෙනස් කොට සැලකීමක් වන බැවින් එය සීමා කළ නොහැක” ඔහු පැවසීය.
කෙසේ වෙතත්, මෙම තීරණාත්මක අවස්ථාවේ රටට සේවය කිරීමට වෛද්‍යවරුන්ට, විශේෂයෙන් උපදේශකයින්ට සදාචාරාත්මක බැඳීමක් ඇති බව අවධාරණය කළ ඔහු, තවත් බොහෝ උපදේශකයින් රටේ සේවය කරන බව පැවසීය.
“රාජ්‍ය පරිපාලන චක්‍රලේඛයක් තියෙනවා. රාජකාරි ආවරණය සඳහා වෛද්‍යවරයකු නම් නොකර ඔවුන්ට පිටව යා නොහැක. හැබැයි වෙන්නේ මේ දොස්තරලා එකතුවෙලා එකි නෙකාට ආවරණය අත්සන් කරලා අන්තිමට ආවරණය අත්සන් කරන කෙනාත් නොදන්වා නැතිවෙලා යන එක.” ඔහු පැහැදිලි කළේය.
පසුගියදා අනුරාධපුර රෝහලේ විශේෂිත වාට්ටුවක් වසා දැමීම පිළිබඳව අදහස් දක්වමින් වෛද්‍ය ගුණවර්ධන මහතා මෙසේ පැවසීය: “වරද ඇත්තේ නිවාඩු අනුමත කළ පීඨාධිපතිවරයාගේ සහ උපකුලපතිවරුන්ගේ ය. එතනදී එකම දේ සිදු වුනා – උපදේශකයින් දෙදෙනෙකු සිටියා, ඔවුන් එකිනෙකා සඳහා අත්සන් කර, දෙදෙනාම රට හැර ගියහ. එතන හිටපු කෙනාට විදේශ පුහුණුවකට යන්න වුණා. මෙම පහසුකම විවෘත කිරීම සඳහා අපි ජ්‍යෙෂ්ඨ රෙජිස්ට්‍රාර් වරයකු යවා තිබෙනවා.
පැහැදිලි ආදේශකයක් නොමැති නම් ඉහළ බලධාරියා අනුමැතිය ලබා දිය යුතු නැති බව චක්‍රලේඛයේ විශේෂයෙන් සඳහන් කර ඇති බව වෛද්‍ය ගුණවර් ධන අවධාරණය කළේය.
“සිදුවන්නේ ඔවුන් දැනුම් දීමකින් තොරව පිටව යාමයි; ඔවුන් තනතුර හිස් කර යනවා. නිසි ක්‍රමවේද භාවිතා කරන අය පමණක් පිටත්ව යාමට පෙර බලධාරීන්ට දන්වන්න. අවුරුදු ගාණක් පුහුණුවීම් කරලා රට ගියාම පාඩුයි” යැයි පැවසීය.
වෛද්‍යවරුන් රටින් පිටවීම අධෛර්යමත් කිරීමේ හැකියාව පිළිබඳව රජය මේ වන විට සාකච්ඡා කරමින් සිටින බව ඔහු වැඩිදුරටත් පැවසීය.
මේ අතර, GMOA ප්‍රකාශක වෛද්‍ය චමිල් විජේසිංහ කියා සිටියේ ඔවුන්ගේ සංඛ්‍යාලේඛනවලට අනුව පසුගිය වසරේ ජනවාරි 1 වනදා සිට අගෝස්තු 31 වනදා දක්වා කාලය තුළ උපදේශකවරුන් 125 දෙනෙකු ඇතුළුව වෛද්‍යවරුන් 477 දෙනෙකු පමණ රට හැර ගොස් ඇති බව යි.
අද වන විටත් සෞඛ්‍ය අමාත්‍යාංශයට විදේශ නිවාඩු සඳහා අයදුම්පත් 50ක් පමණ ලැබී ඇති බවත්, දැනට එහි බලපෑමට ප්‍රධාන වශයෙන් හේතු වී ඇත්තේ කනිෂ්ඨ වෛද්‍ය නිලධාරීන්ට එරෙහිව උපදේශකවරුන් ඉවත්ව යාම බවත් ඔහු පැවසීය.
“සෞඛ්‍ය අමාත්‍යවරයා වරක් පාර් ලිමේන්තුවේදී ප්‍රකාශ කළේ ඔවුන් යම් යම් නීති පනවන බවත්, පිටව යන වෛද්‍යවරුන් අසාදු ලේඛනගත කරන බවත්, එය ඔවුන්ගේ අයිතිවාසිකම් කඩවීමක් බැවින් ඔවුන්ට කළ නොහැකි බවයි,” GMOA ප්‍රකාශක පැවසීය.
රාජ්‍ය සේවකයින්ට වසර පහක් දක්වා විදේශ නිවාඩු ලබා ගැනීමට අවසර දෙමින් රාජ්‍ය පරිපාලන අමාත්‍යාංශය විසින් විශේෂ චක්‍රලේඛයක් නිකුත් කර ඇති බව ඔහු වැඩිදුරටත් පැවසීය.
“ඔවුන්ට විදේශගතව වැඩ කළ හැකි අතර, ඔවුන්ට කලින් නියම කළ විදේශ විනිමය ප්‍රමාණයක් එවිය හැකිය, ඔවුන්ට නැවත පැමිණ සේවයට බැඳිය හැකි අතර ඔවුන්ගේ ජ්‍යෙෂ්ඨත්වය අහිමි නොවනු ඇත,” ඔහු පැවසීය.
“අපට වෛද්‍යවරුන් 20,000 ක් සිටින අතර ඉතිරිව ඇත්තේ 700 ක් පමණි. 95% කට වැඩි පිරිසක් තවමත් රට තුළ සේවය කරති. ඔවුන් මෙහි රැඳී සිටීමට දිරිගැන්වීම සඳහා යම් යම් වැඩසටහන් ක්‍රියාත්මක කරන ලෙස අපි ඉල්ලා තිබෙනවා. එයින් අදහස් කරන්නේ වැටුප් වැඩි කිරීම නොව වෛද්‍යවරුන්ගේ ආරක්ෂාව සහතික කිරීම සහ පශ්චාත් උපාධි වැඩසටහන් වැඩි දියුණු කිරීම ය. ඇත්ත වශයෙන්ම, රජය එය කර ඇති අතර එය සැකසීමේ අදියරේ පවතී.
“හොඳ වැඩ පරිසරයක් නිර් මාණය කරන ලෙස අපි ඉල්ලා සිටියා. ඖෂධ හිඟය විශාල ගැටලුවක්. ඔවුන් මේවාට ඇහුම්කන්දෙන බවක් අපට නොපෙනේ. අනාගතය පිළිබඳ අවිනිශ්චිතතාවය ඔවුන් හැර යාමට හේතු වී තිබේ. මෑතකදී පැනවූ අසාධාරණ බදු නිසාද මෙම තත්වය උග්‍ර වෙලා. මීට පෙර මෙම ප්‍රවණතාවය පැවතියේ ඉහළ මට්ටම්වල පමණක් වන නමුත් මේ වන විට විද්‍යාගාර කාර් මික ශිල්පීන් වැනි බොහෝ තාක්ෂණික සේවකයින් ද රට හැර යමින් සිටිති. ”වෛද්‍ය විජේසිංහ වැඩිදුරටත් පැවසීය.
