Ishi Beauty Saloon මගින් ප්‍රථම වතාවට ඉදිරිපත් කරන Mr. Miss & Mrs Sri lanka 2023 – In Dubai තරඟයේ Grand Finale හෙට බර් ඩුබායිහි ග්‍රෑන්ඩ් එක්සෙලර් හෝටලයේ දී ප.ව. 6:30 සිට අළුයම 2.00 දක්වා පැවැත්වෙනවා.
මෙම තරගයන් සඳහා පසුගිය මාර්තු 03 වැනිදා දක්වා අයදුම්පත් කැඳවූ අතර එහිදී ලැබුණු අයඳුම්පත් අතරින් Miss. Sri Lanka / Mr. Sri lanka / Mrs. Sri Lanka යන කාණ්ඩ 3ක් යටතේ තරඟකරුවන් 40 දෙනෙකු තරඟ වැදීමට නියමිත අතර එක් එක් කාණ්ඩය යටතේ අවසන් ජයග්‍රාහකයන් තිදෙනෙකු තෝරා ගැන්මට නියමිතයි.
මෙම තරගාවලියේ විශේෂත්වය වූයේ මෙම තරගකරුවන්ට ෆේස්බුක් හරහා ඡන්දය ලබාදෙමින් එක් එක් කාණ්ඩය යටතේ ජනප්‍රියම තරඟකරුවා තෝරාගැන්මට ජනතාවට දායක වීමට අවස්ථාවක් උදාකරදීමයි. එලෙස තරඟකරුවන්ට ඡන්දය ලබාදීමට තිබූ අවස්ථාව පසුගිය මැයි 3 වෙනිදායින් අවසන් වූවා. හෙට පැවැත්වෙන අවසන් තරඟයේදී එක් එක් කාණ්ඩය යටතේ අවසන් ජයග්‍රහකයින් තෝරා ගැන්මට නියමිත අතර කාණ්ඩ තුන යටතේ ෆේස්බුක් හරහා වැඩිම ඡන්ද ලබාගන්නා තරඟකරුවන් තිදෙනා ජනප්‍රියම තරඟකරුවන් තිදෙනා ලෙස කිරුළු පැළඳීමට නියමිතයි.
ඩුබායි හි ප්‍රථම වරට හෙට පැවැත්වෙන Mr, Miss & Mrs Sri lanka 2023 Grand Finale තරඟය පැවැත්වෙන පරිශ්‍රයේ පුහුණුවීම් කටයුතු මේ වන විට සිදුකෙරෙමින් පවතින අතර අනෙකුත් සංවිධාන කටයුතුද සූදානම් කෙරෙමින් පවතී.
