ඩුබායිහි මාර්ග සහ ප්‍රවාහන අධිකාරිය (RTA) පොදු ප්‍රවාහනය පිළිබඳ පරීක්ෂණ ඉහළ නංවා ඇති අතර මෙමගින් මගීන් නීති රීතිවලට අනුකූලවීම නිරීක්ෂණය කරනු ලබයි. මෑතකදී, අධිකාරිය විසින් දින හයක් තුළ පරීක්ෂණ 40,000 ක් පමණ සිදු කර ඇති අතර, මෙම කාලය තුළ උල්ලංඝනය කිරීම් 1,193 ක් වාර්තා කර තිබේ.
මගීන් කිහිප දෙනෙකු බස් ගාස්තු මග හැරීමට හසු වූ අතර ඇතැමුන් නොල් කාඩ්පත් පෙන්වීමට අපොහොසත් විය. මේවා RTA මාර්ගෝපදේශයන්ට අනුව ඩිරාම් 200 ක දඩයකින් දඬුවම් ලැබිය හැකි උල්ලංඝනයන් වේ.
කෙසේ වෙතත් ගාස්තු ගෙවීමට අපොහොසත් වීම, ඩුබායි හි RTA බස් මගීන්ට දඩ නියම කළ හැකි උල්ලංඝනය කිරීම් 21 න් එකක් පමණි. නිදසුනක් වශයෙන්, බස් නැවතුම් පොළවල නිදා ගැනීම, අවලංගු කාඩ්පතක් භාවිතා කිරීම සහ තහනම් ස්ථානවල ආහාර ගැනීම වැනි වරදවල් වේ.
පොදු බස් රථවල උල්ලංඝනය කිරීම් සහ ඊට අනුරූප දඬුවම් පිළිබඳ සම්පූර්ණ ලැයිස්තුව පහත දැක්වේ:
| උල්ලංඝනය | දඩය |
| නියමිත ගාස්තුව නොගෙවා පොදු ප්‍රවාහන ක්‍රම, පහසුකම් සහ සේවා භාවිතා කිරීම හෝ ගාස්තු කලාපවලට ඇතුළු වීම / පිටවීම | ඩිරාම් 200 |
| ඉල්ලීම මත නොල් කාඩ්පතක් ඉදිරිපත් කිරීමට අපොහොසත් වීම | ඩිරාම් 200 |
| තෙවන පාර් ශවීය කාඩ්පතක් භාවිතා කිරීම | ඩිරාම් 200 |
| කල් ඉකුත් වූ කාඩ්පතක් භාවිතා කිරීම | ඩිරාම් 200 |
| වලංගු නොවන කාඩ්පතක් භාවිතා කිරීම | ඩිරාම් 500 |
| ව්‍යාජ කාඩ්පතක් භාවිතා කිරීම | ඩිරාම් 200 |
| RTA වෙතින් පූර්ව අවසරයකින් තොරව Nol කාඩ්පත් විකිණීම | ඩිරාම් 500 |
| පොදු ප්‍රවාහන ක්‍රමවල පද්ධති, මෙවලම් හෝ ආසන විනාශ කිරීම, කඩාකප්පල් කිරීම හෝ විකෘති කිරීම | ඩිරාම් 200 |
| කෙළ ගැසීම, කුණු දැමීම, පොදු ප්‍රවාහන ක්‍රම, පහසුකම් සහ සේවා අපවිත්‍ර විය හැකි ඕනෑම ක්‍රියාවක් කිරීම | ඩිරාම් 100 |
| ඕනෑම ආකාරයකින් පොදු ප්‍රවාහන ක්‍රම, පහසුකම් සහ සේවාවන් භාවිතා කරන්නන්ට අපහසුතාවයක් ඇති කිරීම | ඩිරාම් 200 |
| පොදු ප්‍රවාහන ක්‍රම, පහසුකම් සහ සේවා ඇතුළත දුම්පානය | ඩිරාම් 200 |
| අවි ආයුධ, තියුණු ද්‍රව්‍ය හෝ ගිනිගන්නාසුලු ඇතුළු පොදු ප්‍රවාහන ක්‍රම පහසුකම් සහ සේවාවන් තුළට අන්තරායකර ද්‍රව්‍ය ගෙනයාම | ඩිරාම් 200 |
| පොදු ප්‍රවාහන ක්‍රම, පහසුකම් සහ සේවා ඇතුළත මත්පැන් ගැනීම | ඩිරාම් 200 |
| පොදු ප්‍රවාහන ක්‍රම, පහසුකම් සහ සේවාවන් තුළ භාණ්ඩ විකිණීම හෝ ඕනෑම ආකාරයක වෙළඳ දැන්වීම් හෝ ප්‍රචාරණයක් හරහා ප්‍රවර්ධනය කිරීම | ඩිරාම් 200 |
| පොදු බස් රථවල දොර විවෘත කිරීම හෝ නැවතුම් ස්ථාන අතර ගමන් කිරීමේදී හෝ වාහන නැවැත්වීමේදී විවෘතව තැබීමට ඉඩ සැලසීම | ඩිරාම් 100 |
| බස් රථය තුළ නිශ්චිත පුද්ගලයින් සඳහා වෙන් කර ඇති ස්ථානවලට ඇතුළු වීම හෝ වාඩි වීම. (උදා. කාන්තාවන් සඳහා වෙන්වූ ප්‍රදේශ) | ඩිරාම් 100 |
| වෙනත් මගීන්ට කරදරයක් විය හැකි හෝ ඔවුන්ගේ ආරක්ෂාවට අනතුරක් විය හැකි ද්‍රව්‍ය හෝ උපකරණ රැගෙන යාම හෝ භාවිතා කිරීම. | ඩිරාම් 100 |
| මගීන්ගේ බස් නැවතුම් පොළවල හෝ නම් නොකළ ස්ථානවල නිදා ගැනීම | ඩිරාම් 300 |
| රිය පැදවීමේදී පොදු ප්‍රවාහන රියදුරෙකුගේ අවධානය ගිලිහී යාමට හෝ ඔහුගේ දර් ශනයට බාධා කිරීමට හේතු විය හැකි ආකාරයෙන් ක්‍රියා කිරීම | ඩිරාම් 200 |
| මගීන් සඳහා වෙන් නොකළ පොදු ප්‍රවාහන ක්‍රම, පහසුකම් සහ සේවාවන්හි කොටසක සිටගෙන සිටීම හෝ වාඩි වීම | ඩිරාම් 100 |
| තහනම් ස්ථානවල කෑම බීම ගැනීම | ඩිරාම් 100 |
