එක්සත් අරාබි එමීර් රාජ්‍යයේ මෝටර් රථ රියදුරන්ට අධික වර්ෂාව ඇති විට ජලයෙන් යටවන ප්‍රදේශවල තම වාහන ගාල් නොකරන ලෙස උපදෙස් දී තිබෙනවා. බොහෝ රක්ෂණ ඔප්පු මගින් එන්ජිමට සිදුවන හානිය ආවරණය කෙරෙන්නේ නෑ.
එක්සත් අරාබි එමීර් රාජ්‍යයට බදාදා සිට රටේ විවිධ ප්‍රදේශ හරහා අධික වර්ෂාවක් දක්නට ලැබෙනවා. එහි ප්‍රතිඵලයක් ලෙස ගංවතුර සහ බොහෝ පහත් බිම්වල වාහන යට වූ අවස්ථා වාර්ථා වුනා. එමගින් වාහන එන්ජිම ඇතුළුව වාහනවලට දැඩි ලෙස හානි සිදුවී තිබුණා.
Unitrust Insurance Broker හි විධායක අධ්‍යක්ෂ Moin ur Rehman පැවසුවේ වර්ෂාවෙන් පසු වාහනය සම්පූර්ණයෙන්ම හෝ අර්ධ වශයෙන් ජලයෙන් යටවී ඇති බවත් එහි ප්‍රතිඵලයක් ලෙස වාහනයට සහ එහි එන්ජිමට හානි සිදුවී ඇති බවත් මෝටර් රථ රියදුරෙකුට රක්ෂණ හිමිකම් පෑමක් කළ හැකි බවයි.
කෙසේ වෙතත්, හිමිකරු තම මෝටර් රථය ජලයෙන් යට වූ ප්‍රදේශයක නවතා වාහනය සම්පූර්ණයෙන්ම හෝ අර්ධ වශයෙන් වැසි ජලයට යටවී වාහනයේ එන්ජිමට හානි සිදුවුවහොත්, රියදුරුට රක්ෂණ සමාගමෙන් හිමිකම් ලබා ගැනීමට නොහැකි විය හැකි බව ඔහු පැවසීය. .
“රක්ෂණ සමාගම් ඔබේ හිමිකම් ප්‍රතික්ෂේප කළ හැකි නිසා ජලයෙන් යට වූ ප්‍රදේශයක ඔබ කොතැනක රිය පැදවූවත් දැඩි අවධානයකින් සිටිය යුතුයි. ගංවතුර සහ ස්වභාවික විපත් යටතේ ආවරණය වන දේ තේරුම් ගැනීම සඳහා ඔවුන් මිලදී ගන්නා රක්ෂණ ආවරණයේ ප්‍රතිපත්තිවල නියමයන් සහ කොන්දේසි හරහා යන ලෙස මම තරයේ නිර්දේශ කරනවා. සමහර විට, රක්ෂණ සමාගම් මෙම කරුණු බැහැර කළ හැකියි. එබැවින් ඔවුන් ඔබේ ඉල්ලීම ඉටු නොකරනු ඇත” ඔහු පැවසුවා.
Policybazaar UAE හි ප්‍රධාන විධායක නිලධාරී Neeraj Gupta රියදුරන්ට තම රක්ෂණ ආවරණය හොඳින් කියවා මාර්ගවල ප්‍රවේශමෙන් රිය පදවන ලෙසද අවවාද කලා.
“ජල තටාකයක් හෝ ගංවතුර සහිත මාර්ගයක් හරහා ගමන් කිරීමේදී එන්ජිමට හානි වීමේ සම්භාවිතාව වැඩි බව ඔවුන් දැනගත යුතුයි. එවිට බොහෝ රක්‍ෂණකරුවන් එහි ආවරණය ලබාදෙන්නේ නැහැ.”
“කෙටියෙන් කිවහොත්, ගංවතුරෙන් යට වූ මාර්ගයක ඔබේ මෝටර් රථ එන්ජිම ඇණහිටීමෙන් වළක්වාගන්න, එය එන්ජිමට හානි වීමට සහ රක්ෂණ හිමිකම් අඩුවීමට හේතු විය හැකියි. මෝටර් රථයට වන හානිය වළක්වා ගැනීම සඳහා ඔබේ මෝටර් රථය උස් ස්ථානයක නවතා තැබීම වඩා සුදුසුයි.” ඔහු වැඩිදුරටත් පැවසීය.
මෝටර් රථ රක්ෂණයක් ලබා ගැනීමේදී අතපසු නොකරන ලෙසද ඔහු රියදුරන්ට උපදෙස් දුන්නා.
“රක්ෂණ ආවරණයක් තෝරාගැනීමේදී පාරිභෝගිකයින්ට ආපදාවකදී වාහනය ඇදගෙන යාම, මාර්ග අද්දර ආධාර සහ තවත් බොහෝ පහසුකම් ලබා දෙන හොඳ විස්තීර්ණ ආවරණයක් තෝරාගෙන මිලදී ගත යුතුය” ඔහු පැවසුවා.
“මෙම සේවාවන් ගංවතුරට ලක් වූ අවස්ථාවකදී ප්‍රයෝජනවත් වේවි. මෙම සියලු සේවාවන් සහිතව නිර්මාණය කරන ලද රක්ෂණ සැලසුම් පවතින අතර එය පාරිභෝගිකයාට වාසිදායක ලෙස ක්‍රියා කරනු ලබනවා.”
වර්ෂා කාල සීමාව තුළ විවිධ රක්ෂණ සමාගම් වෙත එන්ජින් ආශ්‍රිත හිමිකම් පෑම 20%-25% කින් පමණ වැඩි වීමක් වාර් තා වෙන බව ගුප්තා මහතා වැඩිදුරටත් පැවසුවා.
