තාක්ෂණය මත පදනම් වූ අනාගතයක් කරා යාමේදී ලබා ඇති සැලකිය යුතු ප්‍රගතියත් සමග ඩුබායි, කෘත්‍රිම බුද්ධිය සඳහා වූ ඩුබායි මධ්‍යස්ථානය (DCAI) මෑතකදී කල දියත් කිරීමත් සමඟ තාක්ෂණික දියුණුව සඳහා වූ සිය නොසැලෙන කැපවීම නැවත වරක් ප්‍රදර්ශනය කර ඇත.
ඩුබායි හි ඔටුන්න හිමි කුමරු සහ ඩුබායි විධායක කවුන්සිලයේ සභාපති අතිගරු ෂෙයික් හම්දාන් බින් මොහොමඩ් බින් රෂිඩ් අල් මක්ටුම් විසින් දියත් කරන ලද මෙම මුල් පියවර ඩුබායි, ලෝකයේ තාක්ෂණික වශයෙන් දියුණු නගරවලින් එකක් ලෙස ඩුබායි එහි තත්ත්වය තවදුරටත් ශක්තිමත් කරයි.
විශ්වාසදායිතාව ඉහළ නැංවීමට සහ රාජ්‍ය සේවා ප්‍රශස්ත කිරීම සඳහා කෘතිම බුද්ධියෙහි පරිවර්තන බලය සහ කෘතිම බුද්ධි මෙවලම් වැලඳ ගැනීමට රාජ්‍ය ආයතන සවිබල ගන්වමින් අනාගත තාක්ෂණය යෙදවීමෙහි විප්ලවීය වෙනසක් සඳහා DCAI සූදානම් වේ.
තාක්ෂණය මත පදනම් වූ අනාගතයක් කරා ඩුබායි ගමන් කරන අතර එය ලෝකයේ තාක්‍ෂණිකව දියුණු නගරවලින් එකක් ලෙස පමණක් නොව, ඩුබායි ආර්ථික න්‍යාය පත්‍රය, D33 දක්වා ඇති පරිවර්තනීය අරමුණු ඉලක්කකොට යාමට කෙරෙනා පෙළගැස්වීමකි. ඩුබායිහි ආර්ථිකය ප්‍රබල කිරීම සහ විවිධ අංශවල ප්‍රගතිය සඳහා ගෝලීය ආදර්ශයක් ලෙස සේවය කිරීම අරමුණු කරගත් අභිලාෂකාමී උපාය මාර්ගික ඉලක්ක සඳහා සංවර්ධනයේ නව අදියර ආරම්භ කරමින් අතිගරු ෂෙයික් මොහොමඩ් බින් රෂීඩ් අල් මක්ටූම් විසින් D33 දියත් කරන ලදී.
නගරයේ විස්තීර්ණ ඩිජිටල් යටිතල පහසුකම්, නායකත්වය සහ තාක්ෂණික ආරම්භකයින්ගේ සමෘද්ධිමත් පරිසර පද්ධතිය එය නවෝත්පාදනයේ ඉදිරියෙන්ම ස්ථානගත කරයි. ඩුබායි ප්‍රවාහනය, සැපයුම්, වෙළඳාම, තිරසාරත්වය, සිල්ලර වෙළඳාම සහ මූල්‍ය වැනි අංශ හරහා පරිවර් තනීය තාක්‍ෂණයන් වැලඳ ගන්නා බැවින්, එය තමන්ගේම තත්ත්වය උසස් කරනවා පමණක් නොව, සමෘද්ධිමත්, තාක්‍ෂණිකව දියුණු සමාජයක් නිර් මාණය කිරීමේ හැකියාව ලොවට ප්‍රදර්ශනය කරයි.
ඒකාබද්ධ ඩිජිටල් සේවාවාන්
ව්‍යාපාර සඳහා සහය දැක්වීමෙන් සහ පුළුල් පරාසයක ඩිජිටල් සේවාවන් ලබා දීමෙන් එමිරේට්ස් හි වාණිජ අංශය ශක්තිමත් කිරීමට සැලකිය යුතු උත්සාහයක් ගෙන තිබේ. මෙම සේවාවන් මගින් ව්‍යාපාර හිමිකරුවන්, ආයෝජකයින් සහ සමාගම් සඳහා එක්සත් අරාබි එමීර් රාජ්‍යය තුළ ඔවුන්ගේ වාණිජ ව්‍යාපෘති පිහිටුවීම සහ කළමනාකරණය කිරීමේ ක්‍රියාවලිය සරල කිරීම අරමුණු කරයි.
2021 දී “Invest in Dubai” සේවාව හඳුන්වාදීමත් සමඟ, ඩුබායි හි ආර්ථික හා සංචාරක දෙපාර්තමේන්තුව, වෙළඳ අංශය තුළ ශක්තිමත් වර්ධනයක් ඇති කිරීම සඳහා ප්‍රධාන කාර්යභාරයක් ඉටු කර ඇත. මෙම සේවාව ව්‍යාපාර පිහිටුවීම සඳහා ඒකාබද්ධ ඩිජිටල් සේවාවක් ලෙස ක්‍රියා කරයි, ගෝලීය ආයෝජන ගමනාන්තයක් ලෙස ඩුබායි තත්ත්වය නැවත තහවුරු කිරීම සහ දේශීය හා ජාත්‍යන්තර ආයෝජකයින් සහ ව්‍යවසායකයින් සඳහා වඩාත් කැමතිම තේරීම වේ.
ඉදිරි අදියර සඳහා උපායමාර්ගික සැලසුම්වල කොටසක් ලෙස ඩුබායි ඩිජිටල් ආර්ථිකයේ වාණිජ මණ්ඩලය විසින් මෙම මුලපිරීම් එළිදක්වා ඇත. 2024 අවසානය වන විට ඩුබායි වෙත ඩිජිටල් ආරම්භකයින් 300 ක් ආකර්ශනය කර ගැනීම වාණිජ මණ්ඩලයේ අරමුණයි. එපමණක් නොව, ඩිජිටල් ආර්ථිකයේ වර්ධනයට අනුබල දෙන නීති සහ ප්‍රතිපත්ති වැඩිදියුණු කිරීම, දේශීය සමාගම් තුළ ඩිජිටල් පරිවර්තනය ප්‍රවර්ධනය කිරීම සහ ගෝලීය ඩිජිටල් ව්‍යවසායන් ආකර්ෂණය කර ගැනීම සඳහා වැඩිදියුණු කළ ව්‍යාපාරික පරිසරයක් නිර්මාණය කිරීම සඳහා වාණිජ මණ්ඩලය ක්‍රියාකාරීව සම්බන්ධ වේ. මෙම උත්සාහයන් D33 හි දක්වා ඇති ඩුබායි හි ආර්ථික න්‍යාය පත්‍රය සාක්ෂාත් කර ගැනීමට සැලකිය යුතු ලෙස දායක වේ.
ඩුබායි හි ඩිජිටල් පරිවර්තනය ප්‍රවර්ධනය කිරීමේ ප්‍රයත්නයේ කොටසක් ලෙස, ඩිජිටල් ඩුබායි අධිකාරිය විසින් කලාපයේ ප්‍රථම ආකාරයේ කෘතිම බුද්ධි විද්‍යාගාරය ස්ථාපිත කරන ලද අතර එමඟින් නගරය, ලෝකයේ බුද්ධිමත්ම නගරය ලෙස ඉස්මතු වීම වේගවත් කිරීමට උත්සාහ කරයි. IBM සමඟ සහයෝගයෙන් දියත් කරන ලද පුරෝගාමී මුලපිරීමේ අරමුණ වන්නේ කාර්යක්ෂම සහ ඵලදායී රාජ්‍ය පද්ධතියක් නිර්මාණය කිරීම සඳහා කෘතිම බුද්ධි තාක්ෂණය උපයෝගී කර ගැනීම, අවසානයේ පුරවැසියන්, පදිංචිකරුවන් සහ සංචාරකයන් සඳහා ජීවන තත්ත්වය ඉහළ නැංවීමයි.
ඩිජිටල් පරිවර්තනය සඳහා නගරයේ සූදානම නව මුල පිරීම් සහ ව්‍යාපෘති අඛණ්ඩව එළිදැක්වීම තුළින් පිළිබිඹු වේ. නව්‍ය විසඳුම් ප්‍රශස්ත කිරීම, සංවර්ධන අනුපාත වේගවත් කිරීම සහ ජීවන තත්ත්වය ඉහළ නැංවීම කෙරෙහි අවධානය යොමු කරමින් එක්සත් අරාබි එමීර් රාජ්‍යයේ ජීවත්වීමට, වැඩ කිරීමට සහ සංචාරය කිරීමට ලොව හොඳම නගරය ලෙස එහි තත්ත්වය පවත්වා ගැනීමට උත්සාහ කරයි. මෙම ප්‍රයත්නයන් තුළින්, ඩුබායි සිය විවිධ ප්‍රජාවගේ විකාශනය වන අවශ්‍යතාවලට අඛණ්ඩව අනුගත වෙමින් ඉහළම ප්‍රමිතීන්ට අනුකූලව සුවිශේෂී සේවාවන් සපයයි.
