ඩුබායි මරීනා ප්‍රදේශයේ වැඩිදියුණු කිරීම් සිදු කිරීමෙන් පසු ඉන් පිට වන මෝටර් රථ හිමියන්ට වේගවත් ගමනක් අපේක්ෂා කළ හැකි බව මාර්ග සහ ප්‍රවාහන අධිකාරිය පවසයි.
අල් සෙබා වීදියේ සිට ෂෙයික් සයිඩ් පාරට පිටවීමට ගතවන කාලය විනාඩි 30 සිට විනාඩි 10 දක්වා අඩු වනු ඇත, එය 67% ක වර් ධනයකි. “යටිතල පහසුකම් සහ ගමනාගමන ප්‍රවාහය වැඩි දියුණු කිරීමට මෙන්ම ඩුබායි හි මාර්ග භාවිතා කරන්නන්ගේ ආරක්‍ෂිත මට්ටම ඉහළ නැංවීමට RTA දරන උත්සාහයේ කොටසක් ලෙස මෙම පියවර හඳුන්වා දෙනවා ,” අධිකාරිය පැවසීය.
Al Seba වීදියේ රථවාහන වැඩිදියුණු කිරීම්වලට ඩුබායි මරීනා හි ගාර්න් අල් සබ්කා වීදි මංසන්ධිය දිශාවට අමතර පිටවීමක් ඇතුළත් වන අතර පැයකට වාහන 1,500 ක ධාරිතාවක් ඉන් ලැබෙනවා.
මෙම වෙනස් කිරීම, ඕනෑම දිශාවකට ප්‍රදේශයෙන් පිටවීම පහසු කරයි.
RTA ට අනුව, ඩුබායි මරීනා සිට අල් සෙබා වීදිය හරහා පිටවීම් කළ හැකි මුළු මෝටර් රථ වාහන සංඛ්‍යාව පැයකට 900 සිට 2,400 දක්වා ඉහළ යනු ඇත.
“රථවාහන විසඳුම, රථවාහන ප්‍රවාහයට සහය වනු ඇත, විශේෂයෙන්ම අල් සයෝරා වීදිය හා මංසන්ධියේදී අල් මාර්සා වීදියේ තදබදය අඩු කරයි” යනුවෙන් RTA පවසයි.
“මෙය රථවාහන ප්‍රවාහය වැඩි කරන අතර මරීනා ප්‍රදේශයෙන් අල් සෙබා වීදිය හරහා ෂෙයික් සයීඩ් පාරට පිටවීමේ කාලය අඩු කරයි.”
අඩු වූ තදබදයෙන් උපරිම ප්‍රයෝජන ගැනීම සඳහා ෂෙයික් සයිඩ් පාර දෙසට නව පිටවීම භාවිතා කරන ලෙස RTA වැසියන්ගෙන් සහ සංචාරකයින්ගෙන් ඉල්ලා සිටියේය.
මෙම මස ආරම්භයේදී, ඩුබායි ප්‍රවාහන ප්‍රධානීන් ෂෙයික් සයීඩ් පාර සහ ෂෙයික් මොහොමඩ් බින් සයීඩ් පාර අතර ගමන් කාලය කපා හැරීම අරමුණු කරගත් ප්‍රධාන මාර්ග ව්‍යාපෘතියකට ද අනුමැතිය ලබා දුන්නේය.
ගාර්න් අල් සබ්කා වීදියේ ෂෙයික් මොහොමඩ් බින් සයීඩ් මාර්ග මංසන්ධි වැඩිදියුණු කිරීමේ ව්‍යාපෘතිය සඳහා කොන්ත්‍රාත්තුවක් ලබා දී ඇති බව RTA පවසයි.
ඩිරාම් මිලියන 374 (ඩොලර් මිලියන 101.82) යෝජනා ක්‍රමයට පැයකට වාහන 17,600ක් හුවමාරු විය හැකි පාලම් හතරක් ඉදිකිරීම ඇතුළත් වේ. සම්පුර්ණ වූ විට, එය ගමනාගමන කාලය අඩු කරන අතර මෝටර් රථ හිමියන්ට ගමනාගමනය පහසු කරයි.
