ඩුබායිහි මාර්ග සහ ප්‍රවාහන අධිකාරිය (RTA) පසුගියදා ප්‍රකාශ කළේ ඩුබායි සහ සාජා අතර ඩුබායි තොටුපළ හරහා සමුද්‍ර ප්‍රවාහන මාර්ගයේ මෙහෙයුම් අගෝස්තු 4 සිකුරාදා සිට නැවත ආරම්භ කිරීමට සූදානම් වන බවයි.
සමුද්‍ර ප්‍රවාහන සේවය සඳුදා සිට බ්‍රහස්පතින්දා දක්වා (සතියේ දිනවල) දිනකට ගමන් වාර අටක් සහ සිකුරාදා සිට ඉරිදා දක්වා (සති අන්තයේ) ගමන් වාර හයක් ක්‍රියාත්මක වෙනවා.
ඩුබායි හා වෙනත් එමීර් ප්‍රදේශ සම්බන්ධ කරන මෙම වර්ගයේ පළමු සමුද්‍ර සේවාව, සාජාහි මාර්ග සහ ප්‍රවාහන අධිකාරිය සමඟ සහයෝගයෙන් ඩුබායි හි Al Ghubaiba Marine Station සහ සාජාහි Aquarium Marine Station අතර සේවය සලසයි.
2019 ජූලි මාසයේදී RTA විසින් ඩුබායි හි Al Ghubaiba Marine Station සහ සාජා හි Aquarium Marine Station අතර මගීන් ප්‍රවාහනය කිරීම සඳහා ඩුබායි-සාජා යාත්‍රා සේවාව දියත් කරන ලදී. COVID-19 වසංගතය අතරතුර මෙම සේවාව නතර කරන ලදී.
ඩුබායි තොටුපළ සේවාව නැවත හඳුන්වාදීම ඩුබායි සහ සාජා අතර සහයෝගිතා වර්ධන ප්‍රයත්නයන් හි කොටසක් වන අතර එමගින් එමීර් ප්‍රදේශ දෙක අතර අමතර සංචලතා තේරීම් ලබා දීම, රථවාහන තීව්‍රතාවය ලිහිල් කිරීමට සහ එමීර් ප්‍රදේශ දෙකේ ආරක්ෂිත සමුද්‍ර ප්‍රවාහනය භාවිතා කිරීම සිදුකෙරේ.
Al Ghubaiba Station සහ Sharjah Aquarium Station අතර ගමනට විනාඩි 35ක් පමණ ගත වන බව RTA පවසයි.
පාරු කාලසටහන සහ ගාස්තු
- සතියේ දිනවල, උදෑසන 7.00 ට සහ 8.30 ට සාජා සිට ඩුබායි දක්වා ගමන් වාර දෙකක් ඇත.
- උදෑසන 7.45 ට ඩුබායි සිට සාජා දක්වා ගමන් එක් ගමන් වාරයකි.
- සවස 4.45 ට සහ 6.15 ට සාජා සිට ඩුබායි දක්වා ගමන් වාර දෙකක් ඇත.
- සවස 4.00 ට, 5.30 ට සහ 7.00 ට ඩුබායි සිට සාජා දක්වා ගමන් වාර තුනකි.
සිකුරාදා සිට ඉරිදා දක්වා මධ්‍යාහ්නයේ ආරම්භ වන සේවාවට දෙපසටම ගමන් වාර තුනක් බැගින් මුළු ගමන් වාර හයක් ඇත.
- සාජා සිට පිටත්වන වේලාවන් පස්වරු 2.00, 4.00 සහ 6.00 ට වන අතර
- ඩුබායි සිට ගමන් ආරම්භ වන්නේ පස්වරු 3.00, 5.00 සහ රාත්‍රී 8.00 ට ය.
තනි ගමනක් සඳහා ප්‍රවේශපත්‍ර ගාස්තුව Silver Class හි ඩිරාම් 15 හා Gold Class හි ඩිරාම් 25 වන අතර ආභාධිත පුද්ගලයින් සහ වයස අවුරුදු 5ට අඩු ළමුන් සඳහා ගාස්තු අය නොකෙරේ. සේවාලාභීන්ට නැවතුම් ස්ථානයේ ඇති පාරිභෝගික සේවා මධ්‍යස්ථානයට ගාස්තු ගෙවීමට හැකි අතර, නොල් කාඩ්පත භාවිතා කිරීමට හෝ RTA වෙබ් අඩවියේ සමුද්‍ර අංශය හරහා මාර්ගගතව ටිකට්පත් මිලදී ගැනීමට හැකිය.
