මාර්ග භාවිතා කරන්නන්ගේ ආරක්ෂාව සහ මාර්ග යටිතල ව්‍යුහයේ අඛණ්ඩ සුරක්ෂිතතාව ආරක්ෂා කිරීම සඳහා එක්සත් අරාබි එමීර් රාජ්‍යයේ ෆෙඩරල් රජය විසින් ජාතික මාර්ග පද්ධතිය ඔස්සේ ගමන් කළ හැකි බර වාහනවල උපරිම අවසර ලත් බර ටොන් 65ක් ලෙස නියම කොට ඇත.
සැප්තැම්බර් මස 4 වැනිදා ප්‍රකාශයට පත් කරන ලද නව ෆෙඩරල් නීතිය මේ වසරේ ඔක්තෝබර් 1 වැනිදා සිට ක්‍රියාත්මක වේ. කෙසේ වෙතත්, 2024 පෙබරවාරි 1 වැනිදා සිට පරිපාලන දඬුවම් බලාත්මක කිරීමට පෙර, බර වාහන හිමියන්ට සහ සමාගම්වලට නව නීතියට අනුගත වීමට මාස හතරක සහන කාලයක් ලබා දී ඇත.
එක්සත් අරාබි එමීර් රාජ්‍යයේ යටිතල පහසුකම්, ප්‍රවාහනය සහ සැපයුම් අංශයන් වැඩිදියුණු කිරීම නීතියේ අරමුණ බව බලශක්ති සහ යටිතල පහසුකම් (MoEI) අමාත්‍ය Suhail bin Mohammed Al Mazrouei පසුගියදා මාධ්‍ය හමුවකදී අවධාරනය කළේය. එය ජාතික ආර්ථිකය නංවාලනු ඇති අතර රටේ යටිතල පහසුකම් ලෝකයේ ආරක්ෂිතම සහ තාක්‍ෂණිකව දියුණු එකක් බවට සහතික කිරීමට රජය දරන උත්සාහයට සහාය වනු ඇත.
දේශසීමා තරණය කරන ට්‍රක් රථ ඇතුළුව බර වාහන 150,000 කට අධික ප්‍රමාණයක් නීතියෙන් ආවරණය වන බව Al Mazrouei පැවසීය. ආරක්ෂක, හමුදා, පොලිස් සහ සිවිල් ආරක්ෂක බලධාරීන් සතු බර වාහන නීතියෙන් නිදහස් කෙරේ.
දැනුවත් කිරීම
රට පුරා දැනට පවතින ට්‍රක් රථ ප්‍රමාණයෙන් 28%ක් ටොන් 65 ඉක්මවන බව බලශක්ති සහ යටිතල පහසුකම් අමාත්‍යවරයා සඳහන් කළේය. 2023 ඔක්තෝබර් සිට 2024 පෙබරවාරි දක්වා මාස හතරක සහන කාලය ප්‍රවාහන සමාගම් අතර නීතිය පිළිබඳ දැනුවත් කිරීම සඳහා යොදා ගැනේ.
එම කාල පරිච්ජේදය තුළදී, එක්සත් අරාබි එමීර් රාජ්‍යයේ කැබිනට් මණ්ඩලය විසින් අවසර ලත් උපරිම සම්පූර්ණ බර සහ ඇක්සල් මත බර ප්‍රමාණයන්, මානයන් පිළිබඳ විස්තර, උල්ලංඝනය කිරීම් ලැයිස්තුවක් සහ පරිපාලන දඬුවම් නියම කරමින් තීරණයක් නිකුත් කරනු ඇති බව Al Mazrouei වැඩිදුරටත් පැවසීය.
මාස හතරක කාලය තුළ එක්සත් අරාබි එමීර් රාජ්‍යයේ ජාතික මාර්ග පදධතිවල ස්මාර්ට් ගේට්ටු ද ස්ථාපනය කෙරේ. මෙම ස්මාර්ට් ගේට්ටුවල 98% පමණ නිරවද්‍යතාවයකින් යුතුඅධි-විභේදන අධීක්ෂණ කැමරා 3D ලේසර් ස්කෑනර් සහ ඉලෙක්ට්‍රොනික සංවේදක ඇත.
උල්ලංඝනය කරන්නන් සඳහා අනුරූප දඩුවම් සහිත නීතිය සම්පූර්ණයෙන් ක්‍රියාත්මක කිරීම 2024 පෙබරවාරි 1 වන දින සිට බලාත්මක වනු ඇත. තවද, නීතිය ක්‍රියාත්මක කළ පළමු වසර තුළ එහි බලපෑම පිළිබඳ ඇගයීමක් 2024 දෙසැම්බර් වන විට සිදු කෙරේ.
එක් එක් එමීර් ප්‍රදේශයන්හි සීමාවන්
එක් එක් එමීර් ප්‍රදේශයන්හි නිශ්චිත මාර්ග තත්ත්වයන් සහ එක් එක් පළාත් පාලන ආයතනවල අවශ්‍යතා අනුව යම් සීමාවන් පැනවිය හැකි බව Al Mazrouei පැහැදිලි කළේය.
බර වාහන සඳහා අවසර ලත් බර ටොන් 45ක් ලෙස නියම කොට ඇති Tahnoun bin Mohammed මාර්ගයෙහි (Dubai – Al Ain E66) අබුඩාබි ඒකාබද්ධ ප්‍රවාහන මධ්‍යස්ථානය (ITC) විසින් ක්‍රියාත්මක කරන ලද නියාමනය මෙයට නිදසුනකි. අබුඩාබිහි ස්මාර්ට් ගේට්ටු හරහා ගමන් කිරීමේදී භාණ්ඩ ප්‍රවාහන රෙගුලාසිවලට අනුකූල නොවීම සඳහා ට්‍රක් රථවලට දඩ මුදලක් අය කරන බව ITC මෙම වසරේ මාර්තු මාසයේදී නිවේදනය කළේය.
Al Mazrouei පැවසුවේ, “එක් එක් එමීර් ප්‍රදේශයන්හි නම්‍යශීලී බවක් ඇත,” ෆෙඩරල් සීමාව පසෙකට දමා, එක් එක් එමීර් ප්‍රදේශයන්හි ඔවුන්ගේ අවශ්‍යතා අනුව සීමා පැනවිය හැකිය, ට්‍රක් රථ රියදුරන්, අනෙකුත් මෝටර් රථ හිමියන් සහ පදිකයින් ඇතුළු සියලුම මාර්ග භාවිතා කරන්නන්ගේ ආරක්ෂාව ප්‍රධාන මාර්ගෝපදේශ මූලධර්මය ලෙස ඇත. සෑම එමීර් රාජ්‍යයකටම හෝ අධිකාරියකටම සීමාව ටොන් 65ට අඩුවෙන් නියම කළ හැකි අතර ඊට වඩා වැඩි නොවිය යුතුය.”
