එක්සත් අරාබි එමීර් රාජ්‍යයේ දියත් කරන ලද සුළං බල වැඩසටහනක් මඟින් වසරකට නිවාස 23,000කට වඩා වැඩි සංඛ්‍යාවකට විදුලි බලය ලබා දෙන බව පසුගියදා නිවේදනය කරන ලදී.
Abu Dhabi Future Energy Company – Masdar විසින් සංවර්ධනය කරන ලද මෙගා වොට් 103.5ක ව්‍යාපෘතිය මගින් කාබන් ඩයොක්සයිඩ් ටොන් 120,000 ක් විස්ථාපනය කරනු ඇත. මෙය වාර්ෂිකව පෙට්‍රල් බලයෙන් ක්‍රියාත්මක වන මෝටර් රථ 26,000කට වැඩි ප්‍රමාණයක් මාර්ගවලින් ඉවත් කිරීමට සමාන වේ.
එක්සත් අරාබි එමීර් රාජ්‍යයේ ජනාධිපතිවරයා වෙනුවෙන්, යාස් දූපතේ පැවති උත්සවයකදී අබුඩාබි ඔටුන්න හිමි කුමරු ෂෙයික් ඛලීඩ් බින් මොහොමඩ් බින් සයීඩ් අල් නයාන් විසින් එක්සත් අරාබි එමීර් රාජ්‍යයේ සුළං බලාගාර වැඩසටහන ආරම්භ කරන ලදී.
මෙම ව්‍යාපෘතිය මගින් රටේ බලශක්ති මිශ්‍රණය තවදුරටත් විවිධාංගීකරණය කරමින් එක්සත් අරාබි එමීර් රාජ්‍යයේ විදුලිබල පද්ධතියට පිරිවැය-ඵලදායී, මහා පරිමාණ, සුළං උපයෝගිතා විදුලි බලය හඳුන්වා දෙනු ඇත. එය තාක්‍ෂණය, ද්‍රව්‍ය විද්‍යාව සහ වායුගතික විද්‍යාවේ දියුණුව උපයෝගී කරගනිමින් අඩු සුළං වේග උපයෝගිතාවයෙන් විදුලිය ජනනය සඳහා මග පාදයි.
ව්‍යාපෘතිය ස්ථාන හතරක් පුරා විහිදෙන අතර අබුඩාබි හි යාස් දූපතේ, මෙගා වොට් 45ක සුළං බලාගාරයක් සහ මෙගා වොට් 14ක සූර් ය බලාගාරයක් සංවර් ධනය කර ඇත. ඩෙල්මා දූපතේ මෙගා වොට් 27ක්, අබුඩාබි අල් සිලාහි මෙගා වොට් 27 සහ ෆුජයිරා අල් හලාහි මෙගා වොට් 4.5ක් වශයෙනි.
සමාරම්භක අවස්ථාවේදී, සුළං බලශක්ති උත්පාදන ව්‍යාපෘති සඳහා එමිරේට්ස් ජල හා විදුලි සමාගම (Ewec) සහ Masdar අතර වැදගත් බලශක්ති මිලදී ගැනීමේ ගිවිසුමක් අත්සන් කිරීමද Sheikh Khaled විසින් නිරීක්ෂණය කරන ලදි.
“එක්සත් අරාබි එමීර් රාජ්‍යයේ සුළං වැඩසටහන ජාතික අභිමානයේ විශිෂ්ට මූලාශ්‍රයක් වන අතර සුළං සහ පුනර්ජනනීය බලශක්ති තාක්‍ෂණයන්හි නවෝත්පාදනයන් ක්‍රියාත්මක කිරීමට පුරෝගාමී වීමට සහ ක්‍රියාත්මක කිරීමට Masdarහි හැකියාව ප්‍රදර් ශනය කිරීමකි,” කර් මාන්ත හා උසස් තාක්ෂණ අමාත්‍ය, Masdar හි සභාපති සහ COP28 නම් කරන ලද සභාපති ආචාර්ය සුල්තාන් අල් ජබර් පැවසීය.
මෙම ව්‍යාපෘතිය එක්සත් අරාබි එමීර් රාජ්‍යය එහි බලශක්ති මිශ්‍රණයට උපයෝගිතා පරිමාණ සුළං බලය එක් කළ පළමු අවස්ථාව සනිටුහන් කරයි.
The Energy Institute Statistical Review හි නවතම දත්ත වලට අනුව, සන්ධිස්ථානයක් වන සූර්ය, න්‍යෂ්ටික සහ අපද්‍රව්‍ය-බලශක්ති බලාගාර මගින් ජනනය කරන බලශක්තිය දැනටමත් එක්සත් අරාබි එමීර් රාජ්‍යයේ ජාතික විදුලිබල පද්ධතියට පෝෂණය වන අතර මේ මස මුලදී රට සූර්ය බලශක්ති භාවිතයේ ලොව ප්‍රමුඛයා ලෙස පිළිගැනුණි.
මීට පෙර, එක්සත් අරාබි එමීර් රාජ්‍යයේ අඩු සුළං වේගය හේතුවෙන් සුළං ශක්තිය විදුලි උත්පාදනයට භාවිත නොවූ නමුත් දේශගුණික තාක්‍ෂණය තුළ නවෝත්පාදනයන් සහ එක්සත් අරාබි එමීර් රාජ්‍යය ප්‍රමුඛ විශේෂඥතාවයන් එය කළ හැකි විය.
විශාල ටර්බයින ප්‍රමාණය, අඩු දෘඪාංග මිල සහ රාත්‍රියේ අධික සුළං ජනනය කරන අද්විතීය කාලගුණ සංසිද්ධියක් සොයා ගැනීමත් සමග මෙම ව්‍යාපෘතිය යතාර්තයක් බවට පත් කළේය.
එක්සත් අරාබි එමීර් රාජ්‍යයේ සුළං බලය රාත්‍රියේදී ප්‍රබල වන බැවින්, මෙය රටේ පවතින සූර්ය බලශක්ති උත්පාදනයට අනුපූරක වන අතර ජාතියේ පුනර්ජනනීය බලශක්ති මිශ්‍රණය තවදුරටත් විවිධාංගීකරණය කරයි.
