‘ගොඩනැගිල්ලක ඉහළම ධාවන පථය’ සඳහා ඩුබායි නැවත වරක් නව ගිනස් ලෝක වාර්තාවක් පිහිටුවා ඇත. Wasl’s Sky Track පිහිටා ඇත්තේ, Zaabeel හි Wasl-1 ගොඩනැගිල්ලෙහි 43 වන මහලේය. කාර්යබහුල නගර වීදිවලට ඉහළින්, අහස සමඟ ඒකාබද්ධ වන මාවතක් අයුරින් මෙම ධාවන පථය දිස්වේ.
පොළවේ සිට මීටර් 157ක් උසින් පිහිටා ඇති ස්කයි ට්‍රැක් යනු මීටර් 335ක් දිගින් යුත් වහලක් මත නිමැවූ ධාවන පථයක් වන අතර එහි ව්‍යායාම කිරීමට තෝරා ගන්නා අයට සාම්ප්‍රදායික ව්‍යායාම් ශාලාවක ව්‍යායාමයකට වඩා සුවිශේෂිත වූ අත්දැකීමක් ලබා ගත හැක.
බර්ජ් කලීෆා, සබීල් උද්‍යානය, Dubai Frame, ෂෙයික් සයිඩ් පාර, පැරණි ඩුබායි සහ Arabian Gulf මුහුදු කලාපය ඇතුළු ඩුබායිහි අසමසම දර්ශන භුක්ති විඳීමට ධාවකයන්ට හැකියාව ලැබේ.
Wasl හි ප්‍රධාන විධායක නිලධාරී Hesham Al Qassim පැවසුවේ “ඩුබායි සඳහා තවත් ගිනස් ලෝක වාර්තාවක් එක්කර ගැනීමට හැකිවීම ගැන අපි සතුටු වෙනවා. Sky Track ලෝක වාර්තාවක් අත්කර ගැනීම ගැන අපි නිහතමානීව ආඩම්බර වන අතර, එය මගින් වැසියන්ගේ දෛනික ජීවිතය වැඩිදියුණු කිරීමට හැකිවීම ගැන සතුටු වෙනවා.”
මෑත වසරවලදී, ශාරීරික යෝග්‍යතා සම්භන්ධ කර්මාන්තය කැපී පෙනෙන ව්‍යාප්තියක් අත්විඳ ඇත. ඩුබායිහි, විශේෂයෙන්, 30-day Dubai Fitness Challenge වැනි ප්‍රජා ක්‍රියාකාරකම් සංවිධානය කර ඇති අතර, සෞඛ්‍ය සම්පන්න ජීවන රටාවන් වැළඳ ගැනීමට වැසියන් ඵලදායී ලෙස පොළඹවයි.
මෙම සමාජ වෙනස හඳුනා ගනිමින්, Wasl ලොව වඩාත්ම කැපී පෙනෙන ධාවන පථය ඉදි කරමින් එහි නව්‍ය සංවර්ධන ප්‍රයත්නයන්හිදී සෞඛ්‍යය සහ යහපැවැත්ම සඳහා ප්‍රමුඛත්වය ලබා දී ඇත.
Wasl ගිනස් ලෝක වාර්තාවක් මගින් පිළිගැනීමට ලක් වූ දෙවන අවස්ථාව ද මෙයයි. ඔවුන්ගේ පළමු වාර්තාව වූයේ 2018 වසරේ ‘ඉයර් ඔෆ් සයීඩ්’ සැමරුම් අවස්ථාවේදී ‘විශාලතම ගුවන් ප්‍රක්ෂේපණ තිරය’ සඳහාය. එක්සත් අරාබි එමීර් රාජ්‍යයේ නිර්මාතෘ දිවංගත ෂෙයික් සයීඩ් බින් සුල්තාන් අල් නහියන් මහතාට උපහාර පිණිස මෙම උත්සවය පැවැත්විණි.
ගිනස් ලෝක වාර්තාහි උප සභාපති තලාල් ඕමාර්, පැවසුවේ: “ලෝකය පුරා සිටින වාර්තා හිමියන්ගේ දක්ෂතාවය සහ අභිලාෂය පිළිබඳව අපි නිරතුරුවම සතුටු වෙමු. ගොඩනැගිල්ලක් මත උසම ධාවන පථය ඉදිකිරීමේ ජයග්‍රහණය වාස්තු විද්‍යාවේ දක්ෂතාවයට පමණක් නොව මිනිසාගේ අභිලාෂයටද සාක්ෂියකි. හැකිදේ නැවත නිර්වචනය කිරීම සඳහා සීමා මායිම් අඛණ්ඩව වෙනස් කරන ආකාරය විශිෂ්ටයි. මෙම ධාවන පථය ඉංජිනේරු විද්‍යාවේ ජයග්‍රහණයක් පමණක් නොව, වචනාර්ථයෙන් සහ රූපක වශයෙන් ඩුබායි අහස වෙත ළඟා වීමට ඇති කැපවීමේ සංකේතයකි. මෙම අතිවිශිෂ්ට ජයග්‍රහණයට සම්බන්ධ වූ සැමට අපි සුබ පතන්නෙමු.”
