ඩුබායි ප්‍රවාහන බලධාරීන්, දහස් ගණනක මහජන උපයෝගිතා වාහන සහ ඒවායේ රියදුරන්ගේ ක්‍රියාකාරිත්වය නිරීක්ෂණය කිරීමට කෘතිම බුද්ධිය (AI) භාවිතා කිරීම ආරම්භ කොට තිබෙනවා.
ඩුබායි මාර්ග සහ ප්‍රවාහන අධිකාරියේ (RTA) එක් අංශයක් වන ඩුබායි ටැක්සි කෝපරේෂන් (DTC) පවසන පරිදි, කුලී රථ, ලිමොසින් රථ, පාසල් බස් රථ, වාණිජ බස් රථ සහ බෙදාහැරීමේ බයිසිකල් ඇතුළුව වාහන 7,200 ක් සහ රියදුරන් 14,500 ක් දැන් ඔවුන්ගේ ස්මාර්ට් පද්ධතියෙන් ආවරණය වී ඇත.
ඩුබායි ටැක්සි කෝපරේෂන්හි පාලන මධ්‍යස්ථානයේ කෘතීම බුද්ධි හැකියාවන් සමඟින්, එය පහසුවෙන් පොදු ප්‍රවාහන ඉල්ලුම ගනනය කිරීමට සහ කුලී රථ සහ පොදු වාහන අවශ්‍ය ප්‍රදේශ තීරණය කිරීමට අධිකාරියට උපකාර කළ හැකි බව DTC හි මෙහෙයුම් අධ්‍යක්ෂ අම්මාර් අල් බ්‍රයිකි පවසයි.
සිසුන්ගේ ආරක්ෂාව සහතික කිරීම සහ ඔවුන් නියමිත වේලාවට පාසල්වලට සහ නිවෙස්වලට පැමිණීම සහතික කිරීමට, පාසල් බස් රථ 1,000 ක් නිරීක්ෂණය කිරීම ප්‍රමුඛතාවයක් ලෙස නම් කර ඇති බව අධිකාරිය පවසයි.
“මෙයට සංචාරවල ප්‍රගතිය නිරීක්ෂණය කිරීම, සිසුන්ගේ තොරතුරු නිරීක්ෂණය කිරීම, රියදුරුගේ හැසිරීම නිරීක්ෂණය කිරීම සහ අවශ්‍ය විටක ක්ෂණික අනතුරු ඇඟවීමේ සේවා සැපයීමද ඇතුළත් වේ” යනුවෙන් එය වැඩිදුරටත් සඳහන් කළේය.
මාර්ගෝපදේශ සමඟ රියදුරන්ගේ අනුකූලතාවය සමීපව නිරීක්ෂණය කරනු ලබන අතර, ප්‍රවාහන මෙහෙයුම්වල ආරක්ෂාව සහතික කරමින් වාහන ගමන් කරන මාර්ග ද මධ්‍යස්ථානය නිරීක්ෂණයට ලක්වේ. මෙම මධ්‍යස්ථානය ක්‍රියාත්මකවන කුලී රථ 5,200 ක් අධීක්‍ෂණය වන අතර පැය 24 පුරා ස්ථාවර සේවාවක් ලබා දීම සහතික කරයි.
එය රියදුරන්ට සහය දැක්වීමත් ඔවුන්ගේ අවශ්‍යතාවලට ප්‍රතිචාර දැක්වීමත් සහ ඉහළ ඉල්ලුමක් ඇති ප්‍රදේශවලට ඔවුන් යොමු කිරීමත් සිදු කරයි. දෛනික වාහන චලන කාර්යක්ෂමතාව මැනීම සහ දත්ත විශ්ලේෂණය කිරීමට සහය ලබාදෙයි. මෙම සියලු උත්සාහයන් පාරිභෝගික අවශ්‍යතා සපුරාලීම සඳහා කාර්ය සාධනය වැඩි දියුණු කිරීම අරමුණු කරයි.
