ඩුබායිහි මාර්ග සහ ප්‍රවාහන අධිකාරිය (RTA) විසින් Margham, Lehbab, Al Lisaili සහ Hatta හි අභ්‍යන්තර මාර්ග සහ වීදි ආලෝකකරණ ඉදිකිරීම් වලින් 72% ක් සම්පූර්ණ කර ඇති බව පසුගියදා අණාවරනය කලේය.
මෙම ව්‍යාපෘතියට කිලෝමීටර් 19 ක නව මාර්ග වැඩ සහ දැනට පවතින වීදිවල කිලෝමීටර් 19 ක නව විදුලි පහන් කණු එකතු කිරීම සමගින් කිලෝමීටර 38 ක සම්පූර්ණ දුරක් සංවර්ධනය කරේ.
RTA හි අධ්‍යක්ෂ ජනරාල් සහ අධ්‍යක්ෂ මණ්ඩලයේ සභාපති Mattar Al Tayer මෙසේ පැවසීය. “අභ්‍යන්තර මාර්ග ව්‍යාපෘතිය ක්‍රියාත්මක කර ඇත්තේ එක්සත් අරාබි එමීර් රාජ්‍යයේ උප ජනාධිපති, ඩුබායි පාලක අති ගරු ෂෙයික් මොහොමඩ් බින් රෂීඩ් අල් මක්ටූම්ගේ නියෝගවලට ප්‍රතිචාර වශයෙන් වන අතර ඩුබායි ඔටුන්න හිමි කුමරු, විධායක කවුන්සිලයේ සභාපති ෂෙයික් හම්දාන් බින් මොහොමඩ් බින් රෂීඩ් අල් මක්ටූම්ගේ උපදෙස් මත, ජනගහන වර්ධනයේ සහ නාගරික ව්‍යාප්තියේ අවශ්‍යතා සපුරාලීමට සහ එමීර් රාජ්‍යයේ පදිංචිකරුවන්ගේ යහපැවැත්ම පෝෂණය කිරීමටයි. එමගින් නේවාසික ප්‍රජාවන්හි මාර්ග, වීදි ලාම්පු සහ වැසි ජල අපවහන පද්ධති වැනි යටිතල පහසුකම් වැඩිදියුණු කිරීමට RTA හි කැපවීම පිළිබිඹු කරයි.
Margham
“Margham හි අභ්‍යන්තර මාර්ග ව්‍යාපෘතිය මඟින් ඩුබායි ස්කයිඩයිව් අසල ඩුබායි-අල් අයින් පාර දිගේ කිලෝමීටර් 5 ක් විහිදෙන මාර්ග ඉදිකිරීම ආවරණය කරයි. එහි වැඩ යටතේ මාර්ග පදික වේදිකා, වැසි ජල අපවහන ජාල සහ වීදි ලාම්පු ඇතුළත් වේ. මෙම ව්‍යාපෘතිය ප්‍රදේශයේ වැසියන් 11000 කට වැඩි පිරිසකට සේවය සලසයි,” Al Tayer පැවසීය.
Lehbab
“Lehbab හි අභ්‍යන්තර මාර්ග ව්‍යාපෘතියට කිලෝමීටර් 5ක් විහිදෙන පාරවල් සැකසීම සහ වැසි ජලය බැසයාමේ යටිතල පහසුකම් සහ වීදි ලාම්පු ඉදිකිරීම ඇතුළත් වේ. මෙම ව්‍යාපෘතිය මගින් Lehbab Camels’ Race Track අසල ඩුබායි-හත්තා මාර්ගයේ කිලෝමීටර් 2ක් විහිදෙන, දැනට පවතින වීදිවල ආලෝකකරණ කටයුතු ආවරණය කරයි. මෙම ව්‍යාපෘතිය මගින් ප්‍රදේශයේ පදිංචිකරුවන් 3,000 කට වැඩි පිරිසකට සේවා සපයන අතර ඉදිවෙමින් පවතින නේවාසික දිස්ත්‍රික්කය මාර්ග ජාලය සමඟ සම්බන්ධ කිරීම වැඩිදියුණු කරයි.
Al Lesaili
“Al Lesaili හි ක්‍රියාත්මක අභ්‍යන්තර මාර්ග සංවර්ධනය කටයුතු කිලෝමීටර් 7 ක් දුරට විහිදේ. මෙම ව්‍යාපෘතියට අවසන් පිටවීම අසල Saih Assalam සිට අල් කුද්‍රා විල දක්වා පවතින මාර්ග සහ කිලෝමීටර 14 කට වැඩි වීදි ආලෝකකරණ කටයුතු ඇතුළත් වේ. මෙම ව්‍යාපෘතිය මගින් ප්‍රදේශයේ පදිංචිකරුවන් 2,900කට පමණ සේවය සපයන අතර ප්‍රදේශයේ ඇතුල්වීමේ/පිටවීමේ ස්ථාන වැඩිදියුණු කරයි,” Al Tayer ප්‍රකාශ කළේය.
හත්තා
“මෙම ව්‍යාපෘතිය මගින් හත්තා ප්‍රදේශයේ, විශේෂයෙන්ම Saa’eer, Al Salami, සහ Suhaila ප්‍රදේශයේ කිලෝමීටර් 2ක් දුරට විහිදෙන මාර්ග ඉදිකිරීම සහ වැසි ජලය බැසයාම සහ වීදි ලාම්පු සවිකිරීම ඇතුළු යටිතල පහසුකම් කටයුතු ආවරණය කෙරේ. එය ප්‍රදේශයේ පදිංචිකරුවන් 6,000 කට පමණ සේවය සලසන අතර ඇතුල්වීමේ/පිටවීමේ ස්ථාන සහ අලුතින් සංවර්ධනය වූ නේවාසික ප්‍රජාව සඳහා මාර්ග ජාලය සමඟ සම්බන්ධ කිරීම වැඩි දියුණු කරයි,” Al Tayer අවසන් කළේය.
RTA විසින් මෑතකදී නේවාසික දිස්ත්‍රික්ක තුනක් තුළ අභ්‍යන්තර මාර්ග ඉදිකිරීම අවසන් කර ඇත. එනම් Al Quoz 2, Nad Al Sheba 2, සහ Al Barsha South 3 වන අතර මුළු දුර කිලෝමීටර 37 ක් දුරට විහිදෙන අතර පුද්ගලයන් 12,000 ක් වාසය කරයි.
