ඔන්ලයින් ප්‍රජාව අතර ජනප්‍රිය “Nas Daily” හි නිර්මාතෘ ලෙසත් අරාබි-ඊශ්‍රායල් ව්‍ලොගර් සහ ඔන්ලයින් ක්‍රියාකරුවෙකු වන නුසෙයිර් යසින් ශ්‍රී ලංකා සංචාරක ප්‍රවර්ධන කාර්යාංශය (SLTPB) සමඟ ගිවිසුමකට එළඹ තිබෙනවා.
31 හැවිරිදි යසින් දැනට ඩුබායි හි වාසය කරන අතර ඔහුගේ ගෝලීය සංචාර විකාශණය කරන ඔහුගේ යූ ටියුබ් නාලිකාව වන “Nas Daily” ඒ සඳහා ප්‍රසිද්ධය.
සංචාරක ප්‍රවර්ධන අධිකාරියේ ආරාධනයෙන් නුසෙයිර් යසින් පසුගියදා ශ්‍රී ලංකාවට පැමිණි අතර ශ්‍රී ලංකා සංචාරක ව්‍යාපාරය ප්‍රවර්ධනය කිරීම සඳහා ඔහු සමග ගිවිසුම්ගතවීම සුවිශේෂී සන්ධිස්ථානයක් සනිටුහන් කරන බව ශ්‍රී ලංකාවේ සංචාරක අමාත්‍ය හරීන් ප්‍රනාන්දු මහතා පැවසීය. “මෙම සහයෝගීතාවය, ඊශ්‍රායල-අරාබි ව්ලොග් නිර්මාතෘවරයාගේ ගෝලීය ආකර්ශණය හා පිළිගැන්ම ඉහළ නංවමින් ශ්‍රී ලංකාවේ සංචාරක කර්මාන්තය නව තලයකට ගෙනයාමට උත්ප්‍රේරකයක් වීමට සූදානමින් සිටී” යනුවෙන් ඔහු ෆේස්බුක් සටහනක් තබමින් පැවසීය.
ශ්‍රී ලංකා සංචාරක ව්‍යාපාරය ප්‍රවර්ධනය කිරීම සඳහා විශේෂ වීඩියෝ තුනක් නිෂ්පාදනය කිරීමට ගිවිසුම අත්සන් කර ඇති බව අමාත්‍යවරයා පවසයි.
මිලියන ගණනක් වූ සැලකිය යුතු අනුගාමිකයන් පිරිසක් සිටින, Nas Daily ගේ බලපෑම ප්‍රතික්ෂේප කළ නොහැකිය. ඔහුගේ පෙර වීඩියෝ නිෂ්පාදන ශ්‍රී ලංකාව කේන්ද්‍ර කර ගත් අතර, “This is Made of Poop” “My Biggest Money Mistake” සහ “The Key Board Warrior” විවිධ ප්‍රේක්ෂකයින්ගේ ආකර්ශණයට ලක්වූ බව අමාත්‍යවරයා පැවසීය.
Nas Daily විසින් 2020 දී කැපී පෙනෙන වීඩියෝවක් මගින්, ශ්‍රී ලංකාව “කොවිඩ් සමයේ වඩාත්ම ත්‍යාගශීලී රට” ලෙස ඉස්මතු කරන ලද වීඩියෝවක් ලොව පුරා ප්‍රේක්ෂකයින් අතර ජනප්‍රිය විය.
“සංචාරක ප්‍රවර්ධන අධිකාරිය සමඟ ඇතිකරගත් මේ නවතම ගිවිසුම මගින් ධනාත්මකව තවකෙකු දැනුවත් කිරීමේ හැකියාව ශක්තිමත් කරනවා පමණක් නොව Nas Daily හි සුවිශේෂී ඉදිරිපත් කිරීමේ හැකියාව සමඟ ශ්‍රී ලංකාව සඳහා සංචාරක උනන්දුව ඉහළ නැංවීමක් ද බලාපොරොත්තු වේ” හරීන් ප්‍රනාන්දු මහතා පැවසීය.
