මාර්ග සහ ප්‍රවාහන අධිකාරිය (RTA) විසින්, 2024-2026 සඳහා ඩිරාම් බිලියන 2.5 ක ඇස්තමේන්තුගත වටිනාකමකින් යුත් ‘රාජ්‍ය-පෞද්ගලික හවුල්කාරිත්ව’ ව්‍යාපෘති 10 ක් සඳහා අනුමැතිය ලබා දී තිබෙනවා.
යටිතල පහසුකම් සංවර්ධනයේදී සහ සේවා සැපයීමේදී පෞද්ගලික අංශයේ කාර්යභාරය පුළුල් කරමින් ඩුබායිහි ආර්ථික වර්ධනය ඉහළ නැංවීම අරමුණු කරගත් රාජ්‍ය-පෞද්ගලික හවුල්කාරිත්වයන් පෝෂණය කිරීමේ ඩුබායි රජයේ උපාය මාර්ගයට අනුකූලව මෙම පියවර ගෙන ඇත.
RTA හි විධායක අධ්‍යක්ෂ මණ්ඩලයේ සභාපති අධ්‍යක්ෂ ජනරාල් Mattar Al Tayer මෙසේ පැවසීය: “රාජ්‍ය-පෞද්ගලික හවුල්කාරිත්ව වැඩසටහන අනුමත කිරීම මගින්, පුද්ගලික අංශය සමඟ හවුල්කාරිත්වය වැඩි දියුණු කිරීමට සහ ඉහළ ජාත්‍යන්තර භාවිතයන් අනුගමනය කිරීමට RTA හි කැපවීම පෙන්නුම් කරයි. එය රාජ්‍ය-පෞද්ගලික හවුල්කාරිත්වයට සහාය වීම, දිගුකාලීන සහයෝගිතා සඳහා නියාමන පරිසරය වැඩිදියුණු කිරීම, නව්‍ය විසඳුම් හඳුන්වාදීම සහ සංචලනය සහ මූල්‍ය ක්ෂේත්‍රවල නව අවස්ථා නිර්මාණය කිරීම සඳහා පුළුල් රාමුවක් ගොඩනැගීමට උත්සාහ කරයි.
ට්‍රක් රථ සඳහා විවේක නැවතුම්
“මාර්ග සහ ප්‍රවාහන ක්ෂේත්‍රවල විවිධ යටිතල පහසුකම් ව්‍යාපෘති ඉදිකිරීමේ පුරෝගාමී අත්දැකීම් පිළිබඳ වාර්තාවක් RTA සතුව ඇත. ට්‍රක් රථ සඳහා විස්තීර්ණ විවේකාගාර තුනක් ස්ථාපිත කිරීමේ ව්‍යාපෘතිය, ඩුබායි හරහා උපාය මාර්ගිකව පිහිටා ඇති ට්‍රක් රථ මාර්ග සඳහා නැවතුම් ස්ථාන 16ක් ස්ථාපිත කිරීමේ ව්‍යාපෘතිය මේ අතර කැපී පෙනේ. මෙම ව්‍යාපෘතිය කලාපයේ මෙවැනි ආකාරයේ පළමු ව්‍යාපෘතියයි.
ඒකාබද්ධ පාපැදි ජාලයක්
Al Tayer ප්‍රකාශ කළේ පුද්ගලික අංශය සමඟ ක්‍රියාත්මක වන ව්‍යාපෘති ලැයිස්තුවට ‘Careem Bike Share’ නමින් හැඳින්වෙන ඒකාබද්ධ පාපැදි ජාලයක් ඇතුළත් වන බවයි. තනි පුද්ගල සංචලන ගමන් සඳහා පහසුකම් සැලසීම සහ ඒවා බාධාවකින් තොරව සම්බන්ධ කිරීම මගින් බහු-මාදිලි සංචලතා මාධ්‍යයන් ඒකාබද්ධ කිරීමට RTA දරන උත්සාහයට එය සහාය වේ. පොදු ප්‍රවාහන විකල්ප ව්‍යාපෘතිය ඩුබායි හි තිරසාරභාවයට දායක වන අතර විකල්ප ප්‍රවාහන තේරීම් මගින් ප්‍රජාවන් තුළ සංචලනය වැඩිදියුණු කිරීම හරහා පදිංචිකරුවන් සහ සංචාරකයින් අතර සෞඛ්‍ය සම්පන්න, ක්‍රියාශීලී ජීවන රටාවක් දිරිමත් කරයි.
යුනියන් 71 සංකීර්ණය
Al Tayer, ආයතන සහ ව්‍යාපාර සඳහා අවස්ථා ලබා දෙන රාජ්‍ය-පෞද්ගලික හවුල්කාරිත්වයන් සඳහා ඩුබායි වැඩසටහනෙහි ලැයිස්තුගත කර ඇති ව්‍යාපෘති විස්තර කළේය.
“මේවා අතර ‘යුනියන් 71’ ව්‍යාපෘතිය මගින්, ඩුබායි මෙට්‍රෝ හි යුනියන් ස්ටේෂන් එකට යාබදව පුළුල් නේවාසික සහ වාණිජ සංකීර්ණයක් ගොඩනැගේ. මෙම නාගරික සංක්‍රමණ සංවර්ධන ව්‍යාපෘතිය වාණිජ, නිවාස ඒකක සහ සිල්ලර අලෙවිසැල් සමගින් භූගත මෙට්‍රෝ දුම්රිය ස්ථානය සමඟ ඒකාබද්ධ කරයි. එය මෙට්‍රෝ, පොදු බස් රථ සහ සමුද්‍ර ප්‍රවාහන ස්ථාන වෙත සමීප වීමට පහසුව සලසයි.
වෙනත් ව්‍යාපෘති
මෙම වැඩසටහන යටතේ පෝට් සයීඩ්, අල් කරමා සහ ඩෙයිරා ප්ලාසා හි බහු මට්ටමේ වාහන නැවැත්වීමේ පර්යන්ත ගොඩනැගීමද සමන්විත වන බව ඔහු පැවසීය. ස්මාර්ට් වීදි ආලෝක කරනය, ගුවන් කුලී රථ, ප්‍රවාහන සහ කුලියට වාහන සඳහා ස්මාර්ට් වේදිකා, Al Khawanej, Al Ruwayah, Al Avir, සහ Jebel Ali හි රියදුරන් සඳහා නිල නිවාස, අල් කරාමා බස් නැවතුම්පළේ වාණිජ සංවර්ධනය වැඩිදියුණු කිරීම ඇතුලත් වෙනවා.
“රාජ්‍ය-පෞද්ගලික හවුල්කාරිත්වය (PPP) ප්‍රවර්ධනය කිරීම ආයෝජකයින්ගේ කේන්ද්‍රස්ථානයක් ලෙස ඩුබායි හි ස්ථාවරය සහ ඉල්ලුම නංවාලීම සඳහා ඉතා වැදගත් වේ. එය රාජ්‍ය සේවාවන්හි ගුණාත්මකභාවය ඉහළ නැංවීමට ද දායක වන අතර දැනුම, විශේෂඥතාව සහ නවෝත්පාදනයන් පුද්ගලික අංශයේ සිට රාජ්‍ය අංශය වෙත මාරු කිරීමට පහසුකම් සපයයි.
