යුක්‍රේන සහ රුසියානු ගැටුම අතරතුර සෞඛ්‍ය සේවාවන්ට සහාය වීම සඳහා පෝලන්තයේ එක්සත් අරාබි එමීර් රාජ්‍යයේ තානාපති කාර්යාලය හරහා අංගසම්පූර්ණ ගිලන්රථ 27ක් යවා ඇත.
එම වාහන සැප්තැම්බර් මාසයේ යවන ලද වාහන 23 ට අතිරේකව ලබා දුන් ඒවා වේ.
පෝලන්තයේ පිහිටි එමීර් රාජ්‍යයේ තානාපති කාර්යාලය, යුක්‍රේනයේ එක්සත් අරාබි එමීර් රාජ්‍යයේ තානාපති කාර්යාලයේ සහාය ඇතිව වෛද්‍ය උපකරණ යුක්‍රේනයේ වරායකට ප්‍රවාහනය කිරීමෙන් යුද්ධය පුරාවටම සහාය වී ඇත.
ජනාධිපති කාර්යාලයේ ජාත්‍යන්තර කටයුතු පිළිබඳ කාර්යාලයේ මානුෂීය සහය සහ ආධාර පිළිබඳ අධ්‍යක්ෂ Majed bin Kamal පැවසුවේ ශීත ඍතු ආධාර ඇතුළු තවත් නැව්ගත කිරීම් මේ මාසයේ යුක්රේනයට යවන බවයි.
මෙම අර්බුදයේ ආරම්භයේ සිට, එක්සත් අරාබි එමීර් රාජ්‍යය යුක්‍රේනයේ විපතට පත් වූවන්ට සහන සැපයුම් ලබා දී ඇති අතර යුක්‍රේන සිවිල් හේතූන් සඳහා ඩොලර් මිලියන 100ක් ද ලබා දී තිබේ.
ගුවන් පාලමක් විවෘත කර ඇති අතර, මේ වන විට ගුවන් යානා 12 ක් සහන සැපයුම්, මූලික ආහාර සහ වෛද්‍ය ද්‍රව්‍ය ටොන් 714 ක් පමණ රැගෙන ගොස් ඇති අතර, ඊට අමතරව ජනක යන්ත්‍ර 2,520 ක්, ලැප්ටොප් පරිගණක 2,500 ක් සහ පාසල් බෑග් 10,000 ක්ද රැගෙන ගොස් ඇත. නැව් මගින් ටොන් 250 ක සහනාධාර, බ්ලැන්කට් සහ පුද්ගලික සැපයුම් ඇතුළු පෝලන්තයට සහ රුමේනියාවට රැගෙන ගොස් ඇතැයි සඳහන්. මේවා යුක්රේනයට සහ පෝලන්තය, මෝල්ඩෝවා සහ බල්ගේරියාව වැනි රටවල යුක්‍රේන සරණාගතයින් වෙත යවනු ලැබේ.
