2024 සැප්තැම්බර් 1 වැනිදා සිට, නව රීතියක් මගින් එක්සත් අරාබි එමීර් රාජ්‍යයේ සිට ෂෙන්ගන් රටවලට යන ගුවන් ගමන්වලදී මගීන්ට අතේ ගෙන යා හැකි දියර සහිත ගමන් මලු (Hand Laggage) ප්‍රමාණය සීමා කරනු ඇත.
යුරෝපයේ ඇතැම් ගුවන් තොටුපළ වල ගමන් මලු සඳහා වන පුපුරණ ද්‍රව්‍ය හඳුනාගැනීමේ පද්ධති (EDSCB) සමඟ ඇති වන තාක්ෂණික ගැටළු විසඳීම සඳහා තාවකාලික පියවරක් ලෙස,මෙම රීතිය පූර්ව ආරක්ෂණ පියවරක් ලෙස හඳුන්වා දී තිබෙනවා.
ගෝලීය වශයෙන් බොහෝ ගුවන් තොටුපල දැනටමත් රැගෙන යා හැකි ගමන් මලුවල ඇති ද්‍රව සඳහා මිලි ලීටර් 100 සීමාවක් පනවා ඇත. සෑම මගියෙකුටම රැගෙන යා හැකි මුළු දියර ප්‍රමාණය ලීටර් දෙකක් ලෙස සඳහන් වේ.
ෆින්ලන්තයේ ජාතික ගුවන් සේවය වන ෆිනයාර් විසින් දැනටමත් නව නීති තහවුරු කර ඇති හෙල්සින්කි ගුවන් තොටුපළ ඇතුළු යුරෝපා සංගම් ගුවන් තොටුපලවල සංචාරකයින්ට මෙම වෙනස බලපානු ඇත. කෙසේ වෙතත්, හෙල්සින්කි ගුවන් තොටුපලේ මගීන් මාරු කිරීමේ කටයුතු වලදී, මෙම වෙනස බලපාන්නේ නැත.
ආරක්ෂිත ගුවන් ගමන් සහතික කිරීම සඳහා ඉක්මන් තාක්ෂණික විසඳුම් සෙවීමට යුරෝපීය කොමිසම සාමාජික රටවල් සහ යුරෝපීය සිවිල් ගුවන් සේවා සමුළුව සමඟ කටයුතු කරයි. මගීන්ට සිදුවන බාධා අවම කරමින් ඉහළම ආරක්ෂක ප්‍රමිතීන් පවත්වා ගැනීමට යුරෝපා සංගමයේ බලධාරීන්ගේ අඛණ්ඩ කැපවීම මෙම තීරණය මගින් අවධාරණය කෙරේ.
