එක්සත් ජාතීන්ගේ නියෝජිතායතන සහ ගාසා තීරයේ ප්‍රාදේශීය සෞඛ්‍ය නිලධාරීන් ළමුන් 640,000කට පෝලියෝ එන්නත් කිරීමේ අභිලාෂකාමී ව්‍යාපාරය අද ආරම්භ කරයි.
ඊශ්‍රායල හමුදා සහ හමාස් සටන්කාමීන් අතර සටන මේ නිසා මදකට නවත්වන අතර එම කාලය තුළ එන්නත්කරණය සිදු වේ.
අදියර තුනක් යටතේ මෙය සිදු කිරීමට ඔවුන් කටයුතු යොදා ඇති අතර ලෝක සෞඛ්‍ය සංවිධානය (WHO) පවසන්නේ මෙය ඵලදායී වීමට නම් අවම වශයෙන් අවුරුදු 10 ට අඩු ළමුන්ගෙන් 90% ක් කෙටි කාල රාමුවක් තුළ ප්‍රතිශක්තිකරණය කළ යුතු බවයි.
වසර 25 කට පසු ගාසා තීරයේ පළමු තහවුරු කරන ලද පෝලියෝ රෝගියා සොයා ගැනීමෙන් පසුව, එක්සත් ජාතීන්ගේ විශේෂඥයෙකු පැවසුවේ තවත් ළමයින්ට ආසාදනය වීමට ඉඩ ඇති වෛරසය සමඟ කටයුතු නොකළහොත් ඉතා ඉක්මනින් පුළුල් කලාපීය පැතිරීමක් සිදුවිය හැකි බවයි.
