සංචාරක බටහිර ඉන්දීය කොදෙව් කණ්ඩායම සහ ශ්‍රී ලංකා කණ්ඩායම අතර පළමු පන්දුවාර විස්ස ක්‍රිකට් තරගය අද (13) පැවැත්වීමට නියමිතය.
එම තරගය රංගිරි දඹුල්ල ජාත්‍යන්තර ක්‍රිකට් ක්‍රීඩාංගණයේදී අද එමීර් රාජ්‍ය වේලාවෙන් සවස 5.30 ට ආරම්භ වේ.
චරිත් අසලංකගේ නායකත්වයෙන් යුත් ශ්‍රී ලංකා කණ්ඩායමට ආරම්භක පිතිකරුවන් ලෙස කුසල් මෙන්ඩිස් සහ පැතුම් නිශ්ශංක ඇතුළත් වෙති.
මැද පෙළ පිතිකරු භානුක රාජපක්ෂ වසරකුත් මාස 10කට පසු යළි විස්සයි විස්ස සංචිතයට එක්ව තිබේ.
කෙසේ වෙතත් මේ දිනවල ශ්‍රී ලංකාවට බලපා ඇති අයහපත් කාලගුණ තත්ත්වය හේතුවෙන් අද තරගයට වර්ෂාවෙන් බාධා වීමට ඉඩ ඇතැයි කාලගුණ අනාවැකි පළ වී ඇති බව සඳහන් වේ.
