ඩුබායිහි බහු සංස්කෘතික කේන්ද්‍රස්ථානය වන Global Village, එමීර් රාජ්‍යයේ 53 වැනි ජාතික දිනය වෙනුවෙන් විස්මිත සැමරුමක් පැවැත්වීමට නියමිතය. 2024 නොවැම්බර් 25 සිට දෙසැම්බර් 4 දක්වා පැවැත්වෙන මෙම උත්සවය ජාතියේ සමගිය සහ අභිමානය පිළිබිඹු කරන සංස්කෘතිය, කලාව සහ විනෝදාස්වාදයේ සම්මිශ්‍රණයක් ඉදිරිපත් කරයි. මනරම් ඩ්‍රෝන් සංදර්ශන සහ මල්වෙඩි, නාට්‍ය සංදර්ශන සහ සම්ප්‍රදායික එමිරාති අංග මෙහිදී පැවැත් වේ.
Global Village පුරා ඇති විචිත්‍රවත් සැරසිලි නරඹන්නන්ගේ සිත් ඇදගනු ඇත.
නොවැම්බර් 29 සිට දෙසැම්බර් 3 දක්වා රාත්‍රී 9 ට ආරම්භ වන රාත්‍රී මල්වෙඩි සංදර්ශන පැවැත් වීමට නියමිතය. දෙසැම්බර් 2 වන දින, ඩ්‍රෝන් ප්‍රදර්ශනයක් පැවැත් වේ.
දෙසැම්බර් 1 සිට 3 දක්වා පැවැත්වෙන මහා ඔපෙරෙටා හවා එමරාති නාට්‍ය සඳහා රංගන ශිල්පීන් 40 කට අධික සංඛ්‍යාවක් සහභාගී වන බව සඳහන්‍ ය. ලිවා සහ හර්බියා වැනි එමිරාති සංගීත කණ්ඩායම්වල සජීවී සංදර්ශනද ඇතුලත් ය.
රටවල් 27කට අධික සංඛ්‍යාවක් නියෝජනය කරන මණ්ඩප සමඟින්, නරඹන්නන්ට එමිරාති උරුමය සමඟ ගෝලීය සම්ප්‍රදායන් ගවේෂණය කළ හැකි අතර, එය සැබවින්ම පොහොසත් අත්දැකීමක් බවට පත් කරයි.
ඇතුල්වීමේ ගාස්තුව: AED 25 (සතියේ දිනවල), AED 30 (සති අන්ත)
