ශ්‍රී ලංකාවේ ප්‍රථම තරු 7 හෝටලයේ සාඩම්බර කොටස්කරුවකුවීමට විදේශගත ශ්‍රී ලාංකිකයින් තුළ දැඩි උනන්දුවක් ශ්‍රී ලංකාවේ ප්‍රථම තරු 7 හෝටලය වන අවියානා හෝටල් සමූහය පිළිබඳව ජාත්‍යන්තරයේ දැඩි අවධානයට ලක්වෙයි. පසුගිය 02 සහ 03 යන දිනවලදී ඩුබායි ක්‍රවුන් ප්ලාසා හි පැවති ශ්‍රී ලංකා වෙළෙඳ ප්‍රදර්ශනයේදී (Sri Lanka Trade Fair – Dubai 2024) අවියානා හෝටල් සමූහය පිළිබඳව ඩුබායි රාජ්‍යයේ මෙන්ම ජාත්‍යන්තරයේත් දැඩි අවධානයට ලක්වීම විශේෂත්වයකි.
ඩුබායි හි පැවති ශ්‍රී ලංකා වෙළෙඳ ප්‍රදර්ශනය පසුගිය 02 වැනිදා විවෘත කළේ ලෝක ප්‍රකට ව්‍යාපාරික බූ අබ්දුල්ලා, එක්සත් අරාබි එමිර් රාජ්‍යයේ උම් අල් කුවේන් ප්‍රාන්තයේ රාජකීය පවුලේ සාමාජික ෂෙයික් ඊසා විධායක අධ්‍යක්ෂ හා පෞද්ගලික උපදේශක යකූබ් අලී, ආචාර්ය මුනීර්, එක්සත් අරාබි එමිර් රාජ්‍යයේ ශ්‍රී ලංකා තානාපති උදය ඉන්ද්‍රරත්න මහත්වරු ඇතුළු විශේෂ ආරාධිතයින් පිරිසකගේ සහභාගිත්වයෙනි.
ඩුබායි රාජ්‍යයේ සහ තවත් විවිධ රටවල ව්‍යාපාරිකයින් ඇතුළු විශාල පිරිසක් අවියානා වෙළෙඳ ප්‍රදර්ශන කුටි වෙත පැමිණ මෙරට පළමු තරු 7 හෝටලය වන අවියානා හෝටල් සමූහය පිළිබඳව දැඩි උනන්දුවකින් තොරතුරු විමසූහ. ලබන වසරේ අවියානා හෝටල් සමූහය විවෘත කළ පසුව මෙරටට පැමිණීමට අපේක්ෂා කරන බව ද ඔවුන් ප්‍රකාශ කිරීම විශේෂත්වයකි.
ඊට අමතරව මැදපෙරදිග රටවල සහ විදේශීය රටවල සිටින ශ්‍රී ලාංකිකයින් ද අවියානා වෙළෙඳ ප්‍රදර්ශනයට පැමිණ අවියානා හි ආයෝජනය කිරීමට කැමැත්ත ප්‍රකාශ කර ඇත. විදේශ රටවල සිටින ඇතැම් ශ්‍රී ලාංකිකයින් අවියානා හි ආයෝජනය කිරීම සඳහා ඩුබායි හිදී ගිවිසුම්ගත වීම ද විශේෂත්වයකි.
