විදෙස් රටක නිෂ්පාදිත ඩ්‍රෝන යානාවක් ත්‍රිකුණාමලයට ඔබ්බෙන් වූ මුහුදේ දී ධීවරයෙකුට හමුවී තිබේ.
ත්‍රිකුණාමලයේ සිට කිලෝමීටර තිස් හයක් පමණ මුහුදේ දී මෙම යානය හමුවූ බව අදාල ධීවරයා කියා සිටියි.
එම යානාව වැඩිදුර පරීක්ෂණ සඳහා ත්‍රිකුණාමල ගුවන් හමුදා කඳවුරට ගෙන ගොස් ඇත.
එම ගුවන් යානාව ගුවන් හමුදා පුහුණුවලදී ගුවන් යානාවන්ට ප්‍රහාර එල්ල කිරීම සඳහා භාවිතා කරන ඩ්‍රෝන යානාවක් බව ගුවන් හමුදාව කියයි.
මෙවන් යානා ඉන්දිය ගුවන් හමුදාව පුහුණු සැසිවල ඉලක්ක ලෙස භාවිත කරන බවත් විමර්ශනයේදී හෙලිව ඇත.
