මන්නාරම් සුළං විදුලි බලාගාර ව්‍යාපෘතියේ විදුලිය ඒකකයක මිල සම්බන්ධයෙන්, අදානි ග්‍රීන් එනර්ජි සමාගමට සහ ශ්‍රී ලංකා රජයට එකඟතාවකට පැමිණීමට නොහැකිවීම හෙයින් එම ව්‍යාපෘතිය අවිනිශ්චිත තත්වයකට පත්ව ඇති බව වාර්තා වේ. ඒ හේතුවෙන් ශ්‍රී ලංකාවට ඇමෙරිකානු ඩොලර් බිලියන 1ක ඍජු විදෙස් ආයෝජන අහිමිවනු ඇති බව වාර්තා වේ.
පසුගිය රජය මෙගාවොට් 484 ක මන්නාරම් සුළං විදුලි බලාගාර සහ සමේප්‍රේෂණ ව්‍යාපෘතිය සඳහා පසුගිය රජය විසින් ඉන්දියාව පදනම් කරගත් අදානි සමූහය තෝරාගනු ලැබීය. එම අවස්ථාවේ පැවැති කැබිනට මණ්ඩලය අවබෝධතා ගිවිසුම් 5 ක් අත්සන් කිරීමට අනුමතිය දුන් අතර එම අවස්ථාවේදී උත්පාදනය කරන කිලෝවොට් පැයකට ඇමෙරිකානු ඩොලර් ශත 0.826 ක මිලත් අදානි ග්‍රීන් එනර්ජි සමාගම විසින් යෝජනා කරනු ලැබීය.
මන්නාරම් සුළං විදුලි බලාගාර ව්‍යාපෘතිය ආරම්භ කිරීමට නියමිතව තිබියදී අදානි සමූහය යෝජනා කළ මිල ඉහළ බව පවසමින් නව රජය එය සමාලෝචනය කිරීමට තීරණය කළේය. අදානි සමූහයේ මෙරට නියෝජිතයා වන ග්‍රීන් එනර්ජි සමාගමට මන්නාරම් විදුලි බලාගාර ව්‍යාපෘතියෙන් ඉවත් වීමට එය හේතුවක් වූ බවද සඳහන් ය.
අනතුරුව ශ්‍රී ලංකා රජය කළ ඉල්ලීම පරිදි අදානි ග්‍රීන් එනර්ජි සමාගම ප්‍රකාශ කර සිටියේ තමන් ශ්‍රී ලංකා රජය සමඟ ව්‍යාපෘතිය ඉදිරියට ගෙන යාමට සුදානම් වුවත් මුල් අවස්ථාවේදී සඳහා සඳහන් කළ ගාස්තු වෙනස් කිරීමට සුදානම නොමැති බවය.
