විදෙස් ගමන් බලපත්‍ර නිකුත් කිරීමේ ප්‍රාදේශීය කාර්යාලයක් යාපනය ප්‍රදේශයේ ස්ථාපිත කිරීමට කැබිනට් අනුමැතිය හිමි විණි.
ආගමන හා විගමන දෙපාර්තමේන්තුවේ ප්‍රාදේශීය කාර්යාලයක් යාපනය දිස්ත්‍රික් ලේකම් කාර්යාල සංකීර්ණය තුල ස්ථාපනය කිරීමට මේ අනුව කැබිනට් අනුමැතිය හිමිව තිබේ.
උතුරු පලාතේ වව්නියා දිස්ත්‍රික්කයේ දැනට ප්‍රාදේශීය කාර්යාලයක් පිහිටුවා තිබෙන අතර යාපනය, කිලිනොච්චිය හා මුලතිව් යන දිස්ත්‍රික්ක වල ජනතාවට එම කාර්යාලයට යාම දුෂ්කර බව සඳහන් වේ.
උතුරු පලාතේ ජනතාව වැඩි වශයෙන් විදෙස් ගමන් බලපත්‍ර ලබා ගැනීමට උනන්දු වන හෙයින් ඔවුන් සඳහා කඩිනම් සේවාවක් ලබා දීම නව කාර්යාලය පිහිටුවීමේ අරමුණයි.
