ජාත්‍යන්තරයේ ජනප්‍රිය සිනමා නිළියක් වන ශ්‍රී ලාංකික සම්භවයක් සහිත ජැකලින් ෆර්නැන්ඩස්, ශ්‍රී ලංකාවේ අංක එකේ දේපළ වෙළඳාම් සමාගමක් වන Home Lands සමූහයේ සන්නාම තානාපතිනිය ලෙස නිල වශයෙන් හවුල්කාරීත්වයක් අත්සන් තබා ඇත. මෙම ආකර්ෂණීය සහයෝගීතාවය ශ්‍රී ලාංකික දේපළ වෙළඳාම් ක්ෂේත්‍රය තුල නව පියවරක් සනිටුහන් කරයි.
දක්ෂතාවය හා සුන්දරත්වය සමඟ ලොව පුරා ප්‍රේක්ෂකයින්ගේ ආකර්ෂණය දිනාගත් ජැකලින් ෆර්නැන්ඩස් ගේ සහයෝගය හරහා ශ්‍රී ලංකාවේ දේපළ වෙළඳාම් ක්ෂේත්‍රයේ වර්ධනය සඳහා නව හැඩයක් ලබා දෙනු ඇත.
මෙම ව්‍යාපෘතියට ලබා දෙන ඇගේ සහයෝගය පිළිබඳ පුළුල් කතාබහක් ක්ෂේත්‍රය තුල ඇති කර තිබේ. Home Lands සමූහයේ සභාපති නලින් හේරත් මහතා සඳහන් කළේ ජැකලින් නූතන ශ්‍රී ලංකාවේ ආත්මය මූර්තිමත් කරන පෞරුෂයක් වන බවයි. ඇයව හෝම් ලෑන්ඩ්ස් පවුලට පිළිගැනීමට ලැබීම ගෞරවයක් ලෙස ඔහු වැඩිදුරටත් සඳහන් කර තිබේ.
“ලෝකයේ කොහේ ගියත් ශ්‍රී ලංකාව සැමවිටම මගේ නිවහනයි. ශ්‍රී ලංකාවේ අංක එකේ සහ වඩාත්ම විශ්වාසදායක දේපළ වෙළඳාම් හවුල්කරුවා වන Home Lands සමඟ අත්වැල් බැඳ ගැනීමට හැකි වීම පිළිබඳ මම සතුටු වනවා. රට ආකර්ෂණීය ලෙස නව ආකාරවලින් ලෝකයට විවෘත කරන අතර විශාල බොහෝ දෑ ලඟදීම බලාපොරොත්තු වන්න.” ජැකලින් පැවසුවාය.
Home Lands හි නවතම සුඛෝපභෝගී මහල් නිවාස ව්‍යාපෘතිය දියත් කිරීම අතරතුර මෙම නිවේදනය නිකුත් කෙරුණි.
