ඩුබායි හි නිවාස කුලී 2023 වසරේ දී තවදුරටත් ඉහළ යනු ඇත. විශේෂයෙන් වෙළඳපොල ඇති ඉල්ලුම ඉහල යාමට සාපේක්ෂව සැපයුමේ ඇති මන්දගාමී බව හේතුවෙන් මෙලෙස නිවාස කුලී ඉහළ යාමට හේතු වී ති බෙනවා.
2014 වසරේ සිට එමිරේට්ස් හි නිවාස කුලී පහත වැටීමේ ප්‍රවණතාවයක පැවති නමුත් වසංගතයෙන් පසු වෙළඳපොල ප්‍රකෘතිමත් වීම ආරම්භ වුනා. රැකියා වෙළඳපොලේ ප්‍රකෘතිමත් වීම මෙන්ම ඉහළ ශුද්ධ වටිනාකමක් ඇති පුද්ගලයින් වෙළඳපොළට ගලා ඒමත් සමඟ බොහෝ විදේශීය සේවකයින් ආපසු පැමිණීමත් මෙයට හේතුවී තිබෙනවා.
දේපළ වෙළඳාම් උපදේශන සභාවේ හවුල්කරු වන David Abood, 2023 දී නිවාස කුලී ඉහළ යනු ඇතැයි අපේක්ෂා කරයි.“ඉල්ලුම, සැපයුම ඉක්මවා යන බැවින් ප්‍රමුඛ වෙළඳපල ඉහළ කුලී අඛණ්ඩව අත්විඳිනු ඇතැයි අපේක්ෂා කෙරෙනවා.”අබූඩ් පැවසීය.
Coldwell Banker හි උප සභාපති Ayman Youssef, පැවසූයේ Emirates Hills සහ Palm Jumeirah වැනි ප්‍රධාන ස්ථානවල සුඛෝපභෝගී විලා ලබන වසරේ වැඩිපුර කුලියට ගැනීම් සිදු විය හැකි බවයි.
“මෙයට ප්‍රධාන හේතුව දේපල වෙලඳපොලේ වර්තමාන උද්ධමනය සඳහා ප්‍රධාන දායකයෙකු වන රුසියාවෙන් සහ යුක්රේනයෙන් ධනවත් සංක්‍රමණිකයන් ගලා ඒමයි. අනෙක් අතට, වෙරළ ඉදිරිපස දේපල, ස්කයිලයින් දර්ශන සහ දොරටු සහිත ප්‍රජාවන්ට වැඩි ඉල්ලුමක් ඇති වීමට ඉඩ ඇති අතර එය පසුව කුලී ඉහළ යාමට හේතු වනු ඇත.” යූසෙෆ් පැවසුවා.
