එක්සත් අරාබි එමීර් රාජ්‍යයේ ඉදිරි සති අන්තයේ ශීතල දේශගුණයක් බලාපොරොත්තු වන අතර අවම උෂ්ණත්වය සෙල්සියස් අංශක 4 දක්වා පහත වැටේ. ගිගුරුම් සහිත වැසි සහ මධ්‍යස්ථ හෝ තද වැසි අපේක්ෂා කෙරෙනවා.
ජාතික කාලගුණ විද්‍යා මධ්‍යස්ථානයේ (NCM) ආචාර් ය අහමඩ් හබීබ් බ්‍රහස්පතින්දා පැවසුවේ, “හෙට සිට ඉදිරි දින තුන තුළ රටෙහි උෂ්ණත්වයේ සැලකිය යුතු අඩුවීමක් අත්විඳිය හැකි අතර උෂ්ණත්වය සෙල්සියස් අංශක 4 ක් පමණ වනු ඇති” බවයි.
“ජනවාරි 8 ඉරිදා, රටේ උතුරු සහ නැගෙනහිර ප්‍රදේශවලට, විශේෂයෙන් ෆුජයිරා සහ දිබ්බා ප්‍රදේශවලට වළාකුළු පිරි දිනයක් වනු ඇතැයි අපේක්ෂා කෙරෙනවා. මෙම ස්ථානවලට උදෑසන සිට දහවල් දක්වා වර්ෂාපතනයක් ඇති විය හැකි අතර පසුව දිවා කාලයේදී සිහින් වැසි ඇති විය හැකියි. අල් අයින් හි සමහර ප්‍රදේශවලට මධ්‍යස්ථ වර්ෂාපතනයක් ද ලැබෙනු ඇත.” ඔහු වැඩිදුරටත් පැවසුවා.
“අපි දැනටමත් පෙරේදා ආරම්භ වූ අඩු පීඩන පද්ධතියේ බලපෑමට ලක්ව සිටිමු. ඉහළ ස්ථරවල උතුරේ සිට අඩු පීඩන දිගුවක් පවතින අතර මතුපිට ස්ථරයේ ද එම අඩු පීඩනය දිගු වේ. ප්‍රධාන වශයෙන් සෞදි අරාබියේ සිට අපේ ප්‍රදේශය දෙසට නැඟෙනහිර දෙසින් වලාකුළු එනවා. විශේෂයෙන්ම පසුගිය දින දෙක තුළ අපේ ප්‍රදේශය පුරා වලාකුළු කිහිපයක් වර්ධනය වී තිබෙනවා. මෙම වලාකුළු ආවරණය නැගෙනහිර වෙරළබඩ ප්‍රදේශවල සහ එක්සත් අරාබි එමීර් රාජ්‍යයේ සමහර උතුරු ප්‍රදේශවල වර්ෂාව ලබා දීමට ඉඩ තිබෙනවා” හබීබ් තවදුරටත් පැවසුවා.
ඉහළ වායු අඩු පීඩනය සීතල වායු ස්කන්ධය සමඟ ගැඹුරු වන අතර රට පුරා විසිරී ඇති ප්‍රදේශවල වලාකුළු සංඛ්‍යාව වැඩි කරනු ඇත. විටෙක අකුණු සහ ගිගුරුම් සහිත විවිධ තීව්‍රතාවයකින් යුත් වර්ෂාපතනය සමඟ සම්බන්ධ වූ සංවහන වලාකුළු සමඟ මෙය සිදුවන බව ඔහු අවධාරණය කරයි.
“සිකුරාදා සහ සෙනසුරාදා දිනවල, අඩු පීඩනය අප ප්‍රදේශය පුරා වැඩි වශයෙන් වර්ධනය වන අතර, විශේෂයෙන් රුවයිස්, ඩල්මා සහ බනියාස් දූපත් ඇතුළු වෙරළබඩ ප්‍රදේශවල විවිධ තීව්‍රතාවයකින් යුත් වර්ෂාවක් අපට ලබා දෙනු ඇති.”
