2009 ජූනි මාසයේදී ෆෙඩරල් නියෝගයක් මගින් ස්ථාපිත කරන ලද එතිහාඩ් දුම්රිය එක්සත් අරාබි එමීර් රාජ්‍යයේ වඩාත්ම උනන්දුවෙන් බලා සිටින ව්‍යාපෘතියක් බවට පත්ව ඇත. කිලෝමීටර් 1,200ක් දිග දුම්රිය ජාලය සෞදි අරාබියේ දේශසීමාවේ සිට ඕමාන් දේශසීමා දක්වා ව්‍යාප්ත කිරීමට නියමිතයි.
2022 ජනවාරි සිට දෙසැම්බර් දක්වා, සෞදි අරාබියේ දේශසීමාවේ සිට ඕමාන් දේශ සීමාව හරහා විහිදෙන කිලෝමීටර් 1,200ක් දිග UAE ජාලයෙන් සියයට 75% සම්පූර්ණ කිරීම ඇතුළුව දුම්රිය ව්‍යාපෘතියේ සන්ධිස්ථාන කිහිපයක් අත්කර ගෙන තිබෙනවා.
මෙම ව්‍යාපාරය ලාභදායී සහ තිරසාර ප්‍රවාහන පහසුකම් ලබා ගැනීමට අපේක්ෂා කරන අතර, බොහෝ නිවැසියන් දුම්රිය භාවිතයෙන් රට සැරිසැරීමට සිහින දකිනවා.
Etihad Rail 2022 වසරේ ජනවාරි මාසයේදී එහි දුම්රිය එන්ජින් ප්‍රතිනිර්මාණය කරමින් මුල් ආරම්භයක් ලබා ගත්තා.
පෙබරවාරි මාසයේ, බලධාරීන් විසින් පළමු අබුඩාබි බැංකුව (FAB) සමඟ දුම්රිය මගී ප්‍රවාහන සේවා සඳහා මූල්‍යකරණය සඳහා ගිවිසුමක් අත්සන් කරන ලද අතර, එහි මුළු වටිනාකම ඩිරාම් බිලියන 1.99 ක් වෙනවා.
මාර්තු මාසයේදී එක්සත් අරාබි එමීර් රාජ්‍යයේ විශාලතම යටිතල පහසුකම් ව්‍යාපෘතියේ විශාල සංවර්ධනයක් දක්නට ලැබුණ අතර – ඩුබායි සහ අබුඩාබි එමිරේට්ස් සෘජු දුම්රිය මාර්ගයක් හරහා සම්බන්ධ වුනා.
ඩුබායි හි නියෝජ්‍ය පාලක Sheikh Maktoum bin Mohammed bin Rashid Al Maktoum සහ අබුඩාබි ඔටුන්න හිමි කුමරුගේ සහ Etihad Rail හි සභාපති Sheikh Theab bin Mohamed bin Zayed Al Nahyan යන මහත්වරු මෙම වැදගත් අවස්ථාවට සහභාගී වූහ. ඔවුන් එක්ව නගර දෙක අතර ලොජිස්ටික් සහ ආර්ථික ඒකාබද්ධතාවයේ නව අදියරක ආරම්භය සනිටුහන් කරමින් දුම්රිය මාර්ගයේ අවසාන කොටස ස්ථාපනය කලා.
අප්‍රේල් මාසයේදී, උසස් භාණ්ඩ ප්‍රවාහන පර්යන්තයක් තැනීම සඳහා දුම්රිය ජාලය ඩුබායි කාර්මික නගරය සමඟ සහයෝගයෙන් කටයුතු කලා. කලාපයේ ප්‍රවාහන හා සැපයුම් කර්මාන්ත පරිවර්තනය කිරීමට මාර්ග සිතියම ගෙනහැර දැක්වීම සඳහා මැයි මාසයේදී මැද පෙරදිග දුම්රියේ 16 වන සංස්කරණය අබුඩාබියේදී පවත්වන්නට යෙදුනා. මෙම අවස්ථාව අතරතුර, Etihad Rail විසින් යුරෝපීය සමාගම් සමඟ දුම්රිය ක්ෂේත්‍රයේ දැනුම සහ විශේෂඥ දැනුම හුවමාරු කර ගැනීම සඳහා අවබෝධතා ගිවිසුම් තුනක් (MoUs) අත්සන් කලා.
ජුනි මාසයේදී ස්පාඤ්ඤ සමාගමක් වන CAF සමඟ මගී දුම්රිය ඉදිකිරීම, සැපයීම සහ නඩත්තු කිරීම සඳහා ගිවිසුමක් අත්සන් කරනු ලැබුවා.
ජූලි මාසයේදී, එක්සත් අරාබි එමීර් රාජ්‍යයේ පළමු දුම්රිය මුහුදු පාලම ඉදිකිරීමත් සමඟ කලීෆා වරාය ගොඩබිමට සම්බන්ධ වුනා.
අගෝස්තු මාසයේදී අතිනවීනතම දුම්රිය බලඇණියේ පළමු කණ්ඩායම පැමිණීම සිදුවූවා. නව ඩීසල් සහ විදුලි බලයෙන් ක්‍රියාත්මක වන සෑම දුම්රිය එන්ජිමක්ම නවීනතම පෙරීමේ තාක්ෂණයෙන් සමන්විත වූ අතර, එය කාන්තාර ප්‍රදේශ හරහා ගමන් කිරීමේදී දුම්රිය ඉහළ කාර්යක්ෂමතාවයකින් ක්‍රියාත්මක වන බව සහතික කරනවා.
සැප්තැම්බර් මාසයේදී Etihad Rail බර්ලිනයේ පැවති Innotrans 2022 ප්‍රවාහන තාක්ෂණ ප්‍රදර්ශනයට සහභාගී වූ අතර එහිදී ප්‍රමුඛ පෙළේ දුම්රිය සමාගම් හතරක් සමඟ අවබෝධතා ගිවිසුම් අත්සන් කරන ලදී. පසුව ස්වයං-ක්‍රියාකාරී ආකෘතියකට සංක්‍රමණය වෙමින් අබුඩාබි කාර්මික නගරයෙහි (ICAD) රටේ විශාලතම දුම්රිය භාණ්ඩ ප්‍රවාහන පර්යන්තය එක්සත් අරාබි එමීර් රාජ්‍යයේ ජාතික දුම්රිය ජාලයට සම්බන්ධ කලා.
ඔක්තෝම්බර් මාසයේදී, ඕමානයේ සොහාර් වරාය, එක්සත් අරාබි එමීර් රාජ්‍යයේ ජාතික දුම්රිය ජාලයට සම්බන්ධ කරමින් දුම්රිය මාර්ගයක් ඉදිකිරීම සඳහා ඕමාන්-එතිහාඩ් දුම්රිය සමාගම පිහිටුවන ලදී. එම මාසය තුළ සාජා සහ රාස් අල් කයිමා එමිරේට්ස් හි ප්‍රධාන මාර්ගවල වැඩ අවසන් වුනා. ඊළඟ මාසයේදී, Etihad Rail වාර්ෂිකව Polyolefins ටොන් මිලියන 1.3ක් ප්‍රවාහනය කිරීමට Borouge සමඟ ගිවිසුමක් අත්සන් කරනු ලැබුවා. දෙසැම්බර් මාසයේදී, ජාතික දින මහා සැමරුම් උත්සවයේදී පළමු මූලාකෘති මගී දුම්රිය අනාවරණය කෙරුණා.
එමිරේට්ස් හතම සහ ප්‍රධාන නගර 11ම සම්බන්ධ කරන අතර එය රටේ ගමන් විප්ලවීය වෙනසක් සිදු කිරීමට අපේක්ෂා කරනවා.
