මංගල උත්සව සඳහා ගමනාන්තයක් ලෙස ඩුබායි නගරය තෝරගැනීම සීග්‍ර ලෙස වර්ධනය වෙමින් පවතින අතර, ලොව පුරා විවාහ සහ උත්සව සැලසුම්කරුවන් වැඩි සංඛ්‍යාවක් ඔවුන්ගේ විවාහ උත්සව සැමරීමට සුදුසුම ස්ථානය ලෙස ඩුබායි නගරය නිර්දේශ කරනවා.
ඩුබායි නගරය ජීවත්වීමට, රැකියාවට සහ සංචාරයට පරිපූර්ණ ස්ථානයක් ලෙසත්, මංගල උත්සව සඳහා ගෝලීය ගමනාන්තයක් ලෙසත් ඔවුන් හඳුන්වනවා.
නගරයේ ලෝක මට්ටමේ යටිතල පහසුකම්, මනරම් නිවාඩු නිකේතන, සුඛෝපභෝගී ආගන්තුක සත්කාර සේවා, ආරක්ෂාව සඳහා සුවිශේෂී වාර්තාවක් සහ විවිධ සංචාරක ආකර්ෂණ ස්ථාන අමතක නොවන සමාජ සිදුවීම් සංවිධානය කිරීම සඳහා සුදුසුම ගමනාන්තය බවට පත්ව තිබෙනවා. ලොව පුරා සිටින මිනිසුන් මංගල උත්සව පමණක් නොව, සන්ධිස්ථාන සැමරුම් සහ පුද්ගලික අවස්ථාවන් සැමරීමට ද වැඩි වැඩියෙන් ඩුබායි තෝරා ගනී.
ඉතා දක්ෂ විවාහ සහ උත්සව සැලසුම්කරුවන්, එහි සුවිශේෂී ස්ථාන, සාරවත් සූපශාස්ත්‍ර දර්ශනය, සංස්කෘතික විවිධත්වය සහ සියලු දෙනා සඳහා ගැලපෙන පැකේජ සමඟින්, ඩුබායි මංගල ජෝඩු සහ අමුත්තන් සඳහා විශේෂ අත්දැකීමක් ලබා දෙයි.
මංගල උත්සව සඳහා ඩුබායි ගමනාන්තය, කේන්ද්‍රස්ථානයක් ලෙස ප්‍රදර්ශනය කිරීමේ උත්සාහයේ කොටසක් ලෙස, ජනවාරි 9 -10 දක්වා Dubai Global Wedding Excellence retreat (GWE) සංසදයේ 5 වන වටය පවත්වනු ලැබුවා.
මෙම අවස්ථාවට කර්මාන්ත සහ ගමනාන්ත ප්‍රවීණයන්, උත්සව සහ මංගල සැලසුම්කරුවන් සහ මංගල පහසුකම් සහ සේවා සැපයීමේ විශේෂිත වූ සමාගම් වෙතින් පුළුල් සහභාගීත්වයක් ලැබුණා.
ඩුබායි හි ආර්ථික හා සංචාරක දෙපාර්තමේන්තුවේ උපාය මාර්ගික සන්ධාන සහ හවුල්කාරිත්ව අංශයේ ප්‍රධාන විධායක නිලධාරී ලයිලා සුහයිල් මෙසේ අදහස් දැක්වූවා “අතිගරු ෂේක් මොහොමඩ් බින් රෂීඩ්ගේ දැක්මට අනුකූලව මංගල උත්සව සඳහා ගමනාන්ත තෝරා ගන්නා නගරය ලෙස ඩුබායි හි ලෝක මට්ටමේ යෝජනාව ඉස්මතු කිරීමට ලැබීම ගැන අපි ආඩම්බර වෙමු.”
ඩුබායි ලොව වැඩිපුරම සංචාරය කරන ගමනාන්තය බවට පත් කිරීමට, ගෝලීය ජීවන රටා කේන්ද්‍රස්ථානයක් ලෙසත් ඩුබායි යනු අමතක නොවන විවාහ මංගල්‍යයක් අත්විඳීමට අපේක්ෂා කරන අය සඳහා ගමනාන්තයක් පමණක්ම නොව එය සලකුණු කිරීමට අපූරු සැකසුම් ද සපයයි. සංවත්සර වැනි ඔවුන්ගේ විශේෂ අවස්ථාවන් වලට අමතරව විවාහ මංගල උත්සව වලට සහභාගී වීමට ඩුබායි වෙත පැමිණෙන්නන්, පවුල් සහ මිතුරන්ට අමතක නොවන සංස්කෘතික අත්දැකීම්, භෝජන සංග්‍රහ, විනෝදාස්වාදය සහ සාප්පු සවාරි වැනි අත්දැකීම් රාශියක් භුක්ති විඳිය හැකි වෙනවා.
මංගල ගමනාන්තයක් ලෙස ඩුබායි හි එයට සුවිශේෂී වටිනාකමක් පිරිනැමීම Global Wedding Excellence retreat හි ප්‍රදර්ශනය කරන ලදී. මංගල උත්සව ගමනාන්ත සඳහා ඩුබායි කදිම තේරීමක් ලෙසත් එහි අගය ඉහළ නැංවීමටත් ප්‍රදර්ශනය මගින් කටයුතු සලසා තිබුණා. නගරයට ලැබී ඇති ජාත්‍යන්තර ඇගයීම් මාලාව. මංගල ගමනාන්තයක් ලෙස නගරයේ කීර් තිය ඉහළ නැංවීමට ද සැලකිය යුතු දායකත්වයක් ලබා දී තිබුණා.Tripadvisor Travellers’ Choice Awards හි පිට පිටම වසර දෙකක් ගෝලීය ගමනාන්ත අතරින් අංක එකේ නගරය ලෙස ලෙස නම් කරනු ලැබුවා. සියලුම පාර්ශ්වකරුවන්ගේ සහයෝගයෙන් අපි අපගේ හවුල්කරුවන් සහ උත්සව සහ මංගල සැලසුම්කරුවන් සමඟ ඩුබායි මංගල උත්සව සහ සන්ධිස්ථාන සැමරීම සඳහා සිහින ගමනාන්තයක් ලෙස ප්‍රදර්ශනය කිරීමට දිගටම කටයුතු කරන්නෙමු.
වාර්ෂික ඩුබායි Global Wedding Excellence retreat (GWE) මගින් විවාහ උත්සව, ජීවන රටා සහ සිදුවීම් යන අංශවල සිටින විශේෂඥයින්, වෘත්තිකයන් ජාලගත කිරීමට, අදහස් බෙදා ගැනීමට, හොඳම භාවිතයන් හුවමාරු කර ගැනීමට සහ විවාහ වන්නන්ට අමතක නොවන මංගල උත්සව සහ සංවත්සර ලබා දීමට නව ක්‍රම ගවේෂණය කිරීමට වේදිකාවක් සපයයි.
ජාත්‍යන්තර විවාහ සැලසුම්කරුවන්, ප්‍රවීණයන් සහ ප්‍රධාන මූලාශ්‍ර වෙලඳපොලවල් වල සමාගම් 70 කට අධික සංඛ්‍යාවක් මෙම අවස්ථාවට සහභාගී වූහ. මැදපෙරදිග, අප්‍රිකාව සහ ආසියාව මෙන්ම ඉන්දියාව, එක්සත් රාජධානිය සහ එක්සත් ජනපදය ඇතුළු ඩුබායි හි සාම්ප්‍රදායික සහ නැගී එන වෙළඳපලවල ප්‍රබල සහභාගීත්වයක් දක්නට ලැබුණි.
මෙම අවස්ථාවට නගරයේ හෝටල් කණ්ඩායම් 11ක් ඔවුන්ගේ නව සහ “සම්ප්‍රදායෙන් ඔබ්බට” ගිය ස්ථාන මෙන්ම ප්‍රධාන මංගල කර් මාන්ත සැපයුම්කරුවන් 12ක් ප්‍රදර්ශනයට සහභාගී වුණා.
මෙම අවස්ථාවට සහභාගී වූ හෝටල් අතර Atlantis, The Palm,Waldorf Astoria Dubai, Palm Jumeirah, Madinat Jumeriah, Terra Solis, W. Dubai The Palm, Marriott Resort Palm Jumeirah, Hilton Dubai Palm Jumeirah, Sofitel Dubai, The Palm, Armani Hotel Dubai, Nikki Beach Resort & Spa Dubai, සහ The Ritz-Carlton Dubai වූවා.
