ඩුබායි මැරතන් සංවිධායක කමිටුව නිවේදනය කළේ ඩුබායි මැරතන් තරගය 2023, පෙබරවාරි 12 වන දින ඩුබායි හි එක්ස්පෝසිටි හිදී පැවැත්වෙන බවයි.
ඩුබායි ක්‍රීඩා කවුන්සිලයේ සහය ඇතිව සහ විවිධ රාජ්‍ය ආයතනවල සහයෝගය ඇතිව සංවිධානය කරන ලද 22 වන වරටත් පැවැත්වෙන මෙම සුවිශේෂී ධාවන තරගය ලොව පුරා සිටින ධාවකයන් සහභාගීවනු ඇත.
Expo Cityහි අද්විතීය වාස්තුවිද්‍යාත්මක ආශ්චර්යයන්, විවෘත ප්‍රදේශ, Expo City Dubai ඩුබායි මැරතන් සඳහා සුවිශේෂී නව පසුබිමක් සපයයි. සංස්කෘතීන්, සාමකාමී සහජීවනය සහ ඉවසීම යන වටිනාකම් අතර බැඳීම් ඇති කරන ලෙස සේවය කිරීමේ ඩුබායි දැක්ම නියෝජනය කරන බැවින් මැරතන් තරගය සඳහා එම ස්ථානය තෝරාගෙන ඇති බව සංවිධායක කමිටුව පවසයි.
එක්ස්පෝ 2020 ඩුබායි හි උරුමයක්, ජාතීන් 190 කට අධික සංඛ්‍යාවක් සහ මිලියන 24 කට අධික නරඹන්නන් එක් කළ සංස්කෘතිය, තාක්‍ෂණය සහ නවෝත්පාදනයන්ගේ ගෝලීය සැමරුම, එක්ස්පෝ සිටි ඩුබායි යනු තිරසාර නාගරික සැලසුම් සඳහා අද්විතීය සැලැස්මක් සපයන අනාගතයේ මානව කේන්ද්‍රීය නගරයකි.
ගෝලීය වසංගතය හේතුවෙන් වසර දෙකක විවේකයකින් පසු මැරතන් තරගය ලොව පුරා සිටින ජනප්‍රිය ක්‍රීඩක ක්‍රීඩිකාවන් එක් කරනු ලබනවා.
එක්ස්පෝ සිටි ඩුබායි මැරතන් ධාවන කටයුතු සඳහා පුළුල් පහසුකම් මෙන්ම ඉඩකඩ සහිත වාහන නැවැත්වීමේ ස්ථාන ද සපයනවා.
ඩුබායි මැරතන් ධාවන ඉසව් තුනකින් සමන්විත වෙනවා.
සම්පූර්ණ මැරතන් තරගයක්, මාර්ග ධාවන තරගයක් සහ විනෝද තරගයක් වශයෙන් එම තරග සංවිධානය කරනු ලබනවා.
- සම්පූර්ණ දුර කිලෝමීටර 42.195ක මැරතන් තරගය වයස අවුරුදු 18 ට වැඩි ධාවකයන් සඳහා විවෘත වෙනවා.
- කිලෝමීටර් 10 ක මාර්ග ධාවන තරගය වසර 15 ට වැඩි ධාවකයන් සඳහා විවෘත වෙනවා.
- කිලෝමීටර් 4 ක විනෝද තරගය සැමට විවෘත වෙනවා.
මැරතන් ධාවන ඉසව් තුනේ මාර්ග පිළිබඳ වැඩිදුර තොරතුරු සංවිධායක කමිටුව විසින් පසුව දැනුම් දෙනු ඇත.
