අබුඩාබි හි වඩාත්ම කැපී පෙනෙන ගොඩනැගිල්ලක් වන අබුඩාබි එමිරේට්ස් පැලස් හෝටලය සන්නාමකරණ උත්සවයකින් පසු නව නමක් ලබා ගනී. එය නිල වශයෙන් එමිරේට්ස් පැලස් මැන්ඩරින් ඔරියන්ටල් ලෙස නම් කර ඇත.
මෙම පියවර නව ස්වර්ණමය යුගයක් සනිටුහන් කරන බව මැන්ඩරින් ඔරියන්ටල් හෝටල් සමූහය පවසයි.
එමිරේට්ස් පැලස් මැන්ඩරින් ඔරියන්ටල්, නම වෙනස් කිරීම හෝටලයේ උරුමය සමරන අතර අමුත්තන් සඳහා නව අත්දැකීම් හඳුන්වා දෙන බව මැන්ඩරින් ඔරියන්ටල් සමූහය කියා සිටී.
එමිරේට්ස් පැලස් සමාගමේ සමූහ ප්‍රධාන විධායක ජේම්ස් රිලී පැවසුවේ, “අබුඩාබියේ එමිරේට්ස් පැලස් මැන්ඩරින් ඔරියන්ටල් අපගේ සන්නාමය සඳහා සන්ධිස්ථානයක් සනිටුහන් කරන අතර කලාපය සඳහා අපගේ කැපවීම තහවුරු කරනවා. මෙම මාලිගය එක්සත් අරාබි එමීර් රාජ්‍යයේ ගෝලීය වශයෙන් පිළිගත් සන්ධිස්ථානයක් වන අතර එවැනි පොහොසත් ඓතිහාසික හා සංස්කෘතික පසුබිමක් සහිත දේපලක් කළමනාකරණය කිරීමට ලැබීම ගැන අපි සතුටු වෙනවා.”
නව නමකට අමතරව වෙරළ ඉදිරිපස මාලිගාවේ ප්‍රතිසංස්කරණය කරන ලද කාමර, නව ස්පා සහ වැඩිදියුණු කළ ක්‍රීඩා පහසුකම් ද ඇත.
එමිරේට්ස් පැලස් මැන්ඩරින් ඔරියන්ටල් – අබුඩාබි, නගරයේ වඩාත්ම හඳුනාගත හැකි හෝටල් වලින් එකක් වන අතර ලෝක මට්ටමෙ භෝජන සංග්‍රහ, සම්මානලාභී ස්පා සහ මංගල පහසුකම් ඇතුළත් වෙනවා.
