මාරාන්තික වෛරසයෙන් පරිස්සම් වන ලෙස එක්සත් අරාබි එමීර් රාජ්‍යයේ සෞඛ්ය හා නිවාරණ අමාත්‍යාංශය මහජනතාවගෙන් ඉල්ලා සිටිනවා.
මාර්බර්ග් වෛරසය
එක්සත් අරාබි එමීර් රාජ්‍යයේ සෞඛ්ය හා නිවාරණ අමාත්‍යාංශය (MoHAP) මාර්බර්ග් රක්තපාත උණ ඇති කරන වෛරසය පිළිබඳව අවධානයෙන් සිටින ලෙස මහජනතාවගෙන් ඉල්ලා සිටිනවා. මෑතකදී මාර්බර්ග් වෛරසය පැතිරීම හේතුවෙන් ටැන්සානියාව සහ ඉක්වටෝරියල් ගිනියාවට අත්‍යාවශ්‍ය දේකට හැර එහි යාමෙන් වළකින ලෙසත් මහජනතාවගෙන් ඉල්ලා සිටී.
මාර්බර්ග් වෛරසය පැතිරීම හේතුවෙන් එම රටවල් දෙකට ගමන් කිරීම කල් දමන ලෙස පසුගියදා අරාබි රටවල් කිහිපයක් තම පුරවැසියන්ට උපදෙස් දී තිබුණා.
වෛරසය එහි වත්මන් භූගෝලීය විෂය පථය තුළ පාලනය කිරීම සඳහා ජාත්‍යන්තර සෞඛ්ය ප්‍රමිතීන්ට අනුකූලව අවශ්‍ය සියලු පූර්වාරක්ෂාවන් ගනිමින් සිටින බව අමාත්‍යාංශය අවධාරණය කර තිබෙනවා.
එක්සත් අරාබි එමීර් රාජ්‍යයේ මාර්බර්ග් වෛරස් අනතුරු ඇඟවීම
රෝගයේ ගෝලීය බරපතලකම තීරණය කිරීම සඳහා එම රටවල තත්ත්වය සමීපව නිරීක්ෂණය කරමින් සිටින බව MoHAP අඟහරුවාදා නිවේදනයක් නිකුත් කරමින් කියා සිටියේය.
මහජන ආරක්ෂාව සහතික කිරීම සහ සෞඛ්ය පිළිබඳ දැනුවත්භාවය ප්‍රවර්ධනය කිරීම සඳහා පූර්වාරක්ෂාකාරී පියවර ගනිමින් සිටින බව අමාත්‍යාංශය පවසයි.
අත්‍යවශ්‍ය කාරණාවකට මිස, මාර්බර්ග් වෛරසය පැතිර යන රටවලට තම සංචාරයන් කල් දැමීම නිර්දේශ කෙරේ.
සංචාරය නොවැළැක්විය හැකි නම්, රෝගීන් සමඟ සමීප සම්බන්ධතා පැවැත්වීමෙන් වැළැකීම, දූෂිත මතුපිට ස්පර්ශ කිරීම සහ ගුහා සහ පතල් නැරඹීමෙන් වැළකී සිටීම වැනි රෝගයට නිරාවරණය වීම වැළැක්වීම සඳහා අවශ්‍ය පූර්වාරක්ෂාවන් ගත යුතුය.
සබන් සහ ජලය යොදා නිතර අත් සේදීමේ වැදගත්කම ද අමාත්‍යාංශය යළි තහවුරු කළේය
මේවා පහසුවෙන් ලබා ගත නොහැකි නම්, මධ්‍යසාර මත පදනම් වූ අත් සනීපාරක්ෂක ද්‍රාවන භාවිතා කළ යුතුය. මීට අමතරව, පුද්ගලයන් තම දෑතින් ඇස්, නාසය සහ මුඛය ස්පර්ශ කිරීමෙන් වැළකී සිටිය යුතු අතර ඔවුන්ගේ මුහුණ ස්පර්ශ කිරීමට පෙර නිසි අත් සනීපාරක්ෂාව සහතික කළ යුතුය.
බලපෑමට ලක් වූ ප්‍රදේශවල ගමන් කළ අය, වෙනත් අයගෙන් හුදෙකලා වී ළඟම ඇති සෞඛ්ය මධ්‍යස්ථානයෙන් හෝ රෝහල් තුළ හදිසි ප්‍රතිකාර අංශයෙන් වෛද්‍ය ප්‍රතිකාර ලබා ගැනීමට අමාත්‍යාංශය නිර්දේශ කරයි.
බලපෑමට ලක් වූ ප්‍රදේශවලට ගිය අය මාර්බර්ග් වෛරස් රෝගය පැතිර යන ප්‍රදේශයකට තමා ගොස් ඇති බව හෝ තමා ආසාදිත පුද්ගලයින් සමඟ සම්බන්ධ වී ඇති බව හෝ දින 21 ක් තුල රෝග ලක්ෂණ ප්‍රදර්ශනය කර ඇති බව වෛද්‍ය කාර්ය මණ්ඩලයට දැනුම් දිය යුතුය.
තොරතුරු වල නිරවද්‍යතාවය තහවුරු කර ගැනීමට සහ MoHAP සහ රටේ අනෙකුත් සෞඛ්ය බලධාරීන් විසින් නිකුත් කරන ලද වැළැක්වීමේ පියවර අනුගමනය කරන ලෙස අමාත්‍යාංශය මහජනතාවගෙන් ඉල්ලා සිටියේය.
අදාළ බලධාරීන් විසින් නිල වශයෙන් ප්‍රකාශයට පත් නොකළ හෝ නිකුත් කර නොමැති කටකතා හෝ කිසිදු තොරතුරක් ප්‍රචාරය නොකරන ලෙස අමාත්‍යාංශය ජනතාවට උපදෙස් දෙනවා.
එක්සත් අරාබි එමීර් රාජ්‍යයේ වසංගත රෝග නිරීක්ෂණ පද්ධතිය ඉතා ඵලදායී වන අතර අනෙකුත් සෞඛ්ය බලධාරීන් සමඟ නිරන්තර සම්බන්ධීකරණයෙන් කටයුතු කරන බව අමාත්‍යාංශය අවධාරණය කළේය.
මාර්බර්ග් වෛරස් රෝගය දරුණු හා ජීවිතයට තර්ජනයක් වන රක්තපාත උණක් වන අතර එය දුර්ලභ නමුත් මිනිස් සෞඛ්‍යයට ඉතා භයානකය.
මෙම රක්තපාත උණ මාර්බර්ග් වයිරසය මගින් ඇති කරන අතර එය සතුන්ගෙන් මිනිසුන්ට සම්ප්‍රේෂණය වන zoonotic RNA වෛරසය මගිනි. එනම් පතල් හෝ වවුලන් වාසය කරන ගුහා වැනි සංවෘත පරිසරයකදී ය.
වෛරසයේ රෝග ලක්ෂණ නම් හදිසියේම වර්ධනය වන උණ, සීතල, හිසරදය, මස්පිඩු වේදනාව, පපුවේ වේදනාව සහ උගුරේ අමාරුව ඇතුළත් වේ.
රෝගය වර්ධනය වන විට, රෝග ලක්ෂණ එන්න එන්නම දරුණු වන අතර සෙංගමාලය, දරුණු බර අඩු වීම සහ අනෙකුත් බරපතල සෞඛ්ය සංකූලතා ඇතුළත් විය හැක.
