සාජා අපද්‍රව්‍ය මගින් බලශක්ති නිපැයුම් ව්‍යාපෘතිය, අපද්‍රව්‍ය ගොඩකිරීම් සඳහා යොදාගැනීම වෙනුවට පිරිසිදු බලශක්ති නිෂ්පාදනයට යොදාගනිමින් එහි ප්‍රයත්නයන් ශක්තිමත් කර ඇති අතර මැදපෙරදිග එවැනි ආකාරයේ පළමු වැනි ව්‍යාපෘතියකි.
වසරකට පෙර දියත් කළ දින සිට, බලාගාරය එහි අපද්‍රව්‍ය හැරවීමේ අනුපාතය 76% සිට 90% දක්වා වැඩි කර ඇති අතර, 2050 වන විට දේශගුණික මධ්‍යස්ථභාවය සාක්ෂාත් කර ගැනීමේ සහ බලශක්ති මිශ්‍රණය විවිධාංගීකරණය කිරීමේ එක්සත් අරාබි එමීර් රාජ්‍යයේ ඉලක්කය සමඟ සමපාත වේ.
මෙම සැලකිය යුතු ජයග්‍රහණයට Bee’ah සහ එහි උපායමාර්ගික සහකරු “Masdar” හට නොවැම්බර් මාසයේදී UAE විසින් සත්කාරකත්වය සපයනු COP 28 සම්මේලනයේදී ඔවුන්ගේ සාර්ථකත්වය ප්‍රදර්ශනය කිරීමට ඉඩ සලසනු ඇත.
BEEAH සමූහ අනුබද්ධිත ආයතනයක් වන BEEAH Energy හි ජ්‍යෙෂ්ඨ ඉංජිනේරු Nouf Mohamad Jamal Wazir ප්‍රවෘත්ති සාකච්ඡාවකට එක්වෙමින් කියා සිටියේ ඉදිකිරීමට ඇමරිකානු ඩොලර් මිලියන 200 ක් වැය වූ මෙම බලාගාරය මේ වන විට පුළුල් කිරීම සහ ස්ථාපිත කිරීම සඳහා ඇති හැකියාව ගවේෂණය කරමින් සිටින බවයි. සාජා අපද්‍රව්‍ය-බලශක්ති බලාගාරයේ සාර්ථකත්වය ප්‍රතිනිර්මාණය කිරීමේ අරමුණින් එක්සත් අරාබි එමීර් රාජ්‍යයේ අනෙකුත් සමාන බලාගාර වලින් සහ රට තුළ විවිධ ආයතනවලින් විමසීම් කිහිපයක් ලැබී ඇති අතර ඊට සමාන අරමුණු ඇති වෙනත් රටවලින් ද ඉල්ලීම් ලැබී ඇත.
ව්‍යාපෘතිය ආරම්භයේ සිට නිම කිරීම සහ ක්‍රියාත්මක වීම දක්වා ව්‍යාපෘතියේ එමරාති ඉංජිනේරුවන්ගේ සැලකිය යුතු දායකත්වය ඉස්මතු කරමින්, සාජා බලාගාරයේ සැලසුම අවශ්‍ය නම් අනාගත ව්‍යාප්තියකට ඉඩ සලසන බව ඇය අවධාරණය කළාය.
වසරක් ඇතුළත මෙම බලාගාරය සාජා විදුලිය, ජල හා ගෑස් අධිකාරියේ ජාලයට සම්බන්ධ කර සාජාහි නිවාස 2,000කට විදුලිය ලබා දීමට හැකි වූ බවද වසීර් හෙළි කලාය. මීට අමතරව, බලාගාරය ටොන් 150,000 ක් විස්ථාපනය කිරීමෙන් හානිකර කාබන් ඩයොක්සයිඩ් විමෝචනය අඩු කර ඇත.
සම්පුර්ණයෙන්ම ක්‍රියාත්මක වූ පසු, බලාගාරය වාර්ෂිකව අපද්‍රව්‍ය ටොන් 300,000කට ආසන්න ප්‍රමාණයක් බලශක්තිය බවට පත් කිරීමට උපකාරී වන අතර, UAE හි නිවාස 28,000 කට ආසන්න සංඛ්‍යාවකට බල ගැන්වීමට ප්‍රමාණවත් වන පරිදි මෙගාවොට් 30 (MW) අඩු කාබන් විදුලියක් නිපදවයි.
2050 වන විට දේශගුණික මධ්‍යස්ථභාවය ලඟා කර ගැනීමේ උපායමාර්ගික මුලපිරීම සාක්ෂාත් කර ගැනීමේ රටේ ප්‍රයත්නයට සහාය වෙමින් වාර්ෂිකව කාබන් ඩයොක්සයිඩ් ටොන් 450,000 ක් දක්වා විමෝචනය වැළැක්වීමට මෙම ව්‍යාපෘතිය උපකාරී වනු ඇත.
මෙම ප්‍රයත්නය තිරසාර මූලාරම්භයන්, පරිසර සංරක්ෂණය සහ එක්සත් අරාබි එමීර් රාජ්‍යයේ සහ සමස්ත කලාපය තුළ තිරසාර ජීවන තත්ත්වයන් වැඩිදියුණු කිරීම සඳහා සහාය වේ.
බලාගාරයේ ක්‍රියාකාරිත්වය සම්බන්ධයෙන් එමරාති ඉංජිනේරු නූෆ් පැවසුවේ, “අධික උෂ්ණත්වවලදී ප්‍රතිචක්‍රීකරණය කළ නොහැකි අපද්‍රව්‍ය සැකසීමෙන් බලාගාරය ක්‍රියා කරන අතර එහි ප්‍රතිඵලයක් ලෙස නිපදවෙන තාපය මගින් බොයිලේරු ක්‍රියාත්මක කරයි. එවිට බොයිලේරු මගින් වාෂ්ප නිපදවන අතර එය විදුලිය නිපදවීමට ටර්බයිනයක් ධාවනය කරයි. ක්‍රියාවලියේදී නිපදවන අළු ඉදිකිරීම් සහ මාර්ග වැඩ යෙදුම් සඳහා භාවිතා කරනවා”
