එක්සත් අරාබි එමීර් රාජ්‍යයේ ශ්‍රී ලංකා තොරතුරු තාක්ෂණ වෘත්තිකයන්ගේ සංගමය (SLITPA-UAE) යනු මීට වසර දෙකකට පෙර ශ්‍රී ලංකා වෘත්තිකයන්ගේ සංගමයේ ලියාපදිංචි වූ තොරතුරු තාක්ෂණ වෘත්තිකයන්ට විශාල සේවයක් ඉටුකරණු ලබන සංවිධානයකි.
මෙම සංගමය 2023 මැයි 27 වැනි දින ඩුබායි හි Fortune Plaza හෝටලයේදී ඔවුන්ගේ 2 වැනි වාර්ෂික මහා සභා රැස්වීම (AGM) පැවැත්වූවා.
මෙහිදී සභාපති චමිල් මෙන්ඩිස් මහතා වාර්ෂික වාර්තාව ඉදිරිපත් කළ අතර භාණ්ඩාගාරික භවනාදන් පද්මනාදන් මහතා වාර්ෂික මූල්‍ය වාර්තාව ඉදිරිපත් කරණු ලැබුවා. මෙම සභාව ඩිම්පල් ද සිල්වා මහත්මිය විසින් මෙහෙයවූ අතර ඉවත්ව යන විධායක කමිටුවට ස්තුතිය පුද කරමින් විධායක කමිටුවේ පුරප්පාඩු වූ තනතුරු 16 සඳහා ලැබුණු නාමයෝජනා ප්‍රකාශයට පත් කළේය.
ඉන් අනතුරුව, ඉදිරි වසර දෙක සඳහා (2023-2025) නව නිලධාරී මඩුල්ලක් පත්කරගැනීම සිදුවූවා.
තේරී පත් වූ විධායක කමිටුව පහතින්
සභාපති : කුමින්ද චන්දමිත් ලියනගේ මහතා
ලේකම් : අංජුල මල්ෂාන් මහතා
භාණ්ඩාගාරික : පෙට්රා ජෙසිකා සැමුවෙල් මහත්මිය
උප සභාපති : ඉන්දික පරණවිතාන මහතා
සහකාර ලේකම්: කිරුබානන්දන් සුන්දරම් මහතා
සහකාර භාණ්ඩාගාරික : මොහොමඩ් එස් රාෆි ලෆීර් මහතා
සාමාජික කමිටුව : තිෂාන් ගුණසේකර මහතා, මොහොමඩ් රිස්වාන් රසීක් මහතා
උත්සව කමිටුව : සාබීර් ඉස්මයිල් මහතා, දනූෂ රංචිගොඩ මහතා
ව්‍යාපාර සංවර්ධන කමිටුව : ඩේමියන් හල්පේ මහතා, අචින්ත පෙරේරා මහතා
CPD කමිටුව: දිලුම් ප්‍රනාන්දු මහතා, තරිඳු ගුණරත්න මහතා
මාධ්‍ය කමිටුව : නිමේෂ් මධුශංක මහතා, ලක්ෂිත සෙනෙවිරත්න මහතා
පසුගිය වසර දෙකක කාලසීමාව තුළ SLITPA මගින් ඉටුකල ප්‍රධාන කාර්යභාරයන් අතර සංගමයේ සාමාජික සංඛ්‍යාව 170 සීමාව දක්වා වැඩිකරගැනීම, ශ්‍රී ලංකා තොරතුරු තාක්ෂණ සමාගම් සමග සාර්ථක ව්‍යාපාර හමුවීම් සහ නව ව්‍යාපාර මුලපිරීම් සඳහා කටයුතු කිරීම, නව අධ්‍යාපණික ව්‍යාපෘතීන් ආරම්භ කිරීම සහ නව රැකියා අවස්ථාවන් උදාකරදීම ඇතුලත් වෙනවා.
