Author: kumudika
එමීර් රාජ්‍යයේ ශ්‍රී ලාංකික ප්‍රමාණ සමීක්ෂකයින්ගේ සිංහ ක්‍රිකට් ක්‍රීඩා සමාජය විසින් ඩුබායිහිදී පලමු වරට දියත් කරන බැඩ්මින්ටන් තරඟාවලිය එළඹෙන සැප්තැම්බර් 7 වන සෙනසුරාදා දහවල් 2.30 සිට රාත්‍රි 9.00 දක්වා පැවැත්වීමට නියමිතය. ඩුබායි ලෑන්ඩ් හි අකීලා විදුහල් පරිශ්‍රයේ “Smash Sport Academy ” හි මෙම තරඟාවලිය පැවැත්වෙන බව වාර්තා වේ. ලියාපදිංචි පිරිමි යුගල කණ්ඩායම් 17 ක් හා කාන්තා යුගල කණ්ඩායම් 7 ක් මේ සඳහා සහභාගී වෙති. 1996 වසරේ මල්සිරි වතුදුර සහ ප්‍රසන්න සමරසිංහගේ මූලිකත්වයෙන් ඇරඹි සිංහ ක්‍රිකට් ක්‍රීඩා සමාජය වසර 30 කට ආසන්න කාළයක් පුරා ක්‍රිකට් ක්‍රීඩාවේ සහ එමීර් රාජ්‍යයේ වෙසෙන ප්‍රමාණ සමීක්ෂවරුන්ගේ සහ ප්‍රමාණ සමීක්ෂකවරියන්ගේ උන්නතිය වෙනුවෙන් සුවිසල් මෙහෙයක් ඉටු කරන…
දේශගුණික විපර්යාස සහ පරිසර අමාත්‍යාංශය (MOCCAE) විසින් සංවිධානය කරන ලද දේශගුණ අභිලාෂය පිළිබඳ 14 වැනි ජාතික සංවාදය ඩුබායි ජාත්‍යන්තර මූල්‍ය මධ්‍යස්ථානයේ (DIFC) මූලස්ථානයේදී පැවැත්විණි. මෙම සිදුවීම එමීර් රාජ්‍යයේ තිරසාර උපාය මාර්ගය හැඩගැස්වීම සහ දේශගුණ මධ්‍යස්ථභාවය කරා ජාතිය මෙහෙයවීම ඉලක්ක කරගත් මාලාවක කොටසකි. IMPACTGULF සමඟ සහයෝගීව සත්කාරකත්වය දරන මෙම සංවාදයේදී අවධානය යොමු කළේ නවෝත්පාදනය අඩු කාබන් ආර්ථිකයකට මාරුවීම වේගවත් කළ හැකි ආකාරය සහ තිරසාර ඉලක්ක සමඟ ඩිජිටල් පරිවර්තනය ඒකාබද්ධ කිරීමේදී හරිත මුල පිරීම්වල තීරණාත්මක කාර්යභාරයයි. උත්සවය අතරතුර, නව ආයතන හතක් , ඩුබායි මාර්ග සහ ප්‍රවාහන අධිකාරිය, ඩුබායි හෝල්ඩින්, එමිරේට්ස් සංවර්ධන බැංකුව, අල්-ෆුටේම් සමූහය, Antilop Toplink LLC සහ IPT-energy – MOCCAE හි…
මානව සම්පත් සහ එමිරාතිකරණ අමාත්‍යාංශය (MoHRE)එමීර් රාජ්‍යය පුරා කම්කරු නිවාස ප්‍රමිතීන් වැඩිදියුණු කිරීම අරමුණු කරගත් ජාතික වේදිකාවක් වන ඉලෙක්ට්‍රොනික කම්කරු නවාතැන් පද්ධතියේ සමාගම් 1,800 කට අධික සංඛ්‍යාවක් ලියාපදිංචි කර ඇත. සෞඛ්‍යය, ආරක්ෂාව සහ සුවපහසුව පිළිබඳ ඉහළම ප්‍රමිතීන්ට අනුකූලව ශ්‍රම නවාතැන් වල පදිංචිව සිටින මිලියන 1.5 ක පමණ සේවකයින්ගේ සුවපහසුව සහ යහපැවැත්ම පද්ධතිය සහතික කරයි. MoHRE හි පරීක්ෂණ කටයුතු පිළිබඳ සහකාර උප ලේකම් මොහ්සින් අලි අල් නාසි මහතා විසින් ඉහළ පෙළේ ශ්‍රම නවාතැන් ප්‍රමිතීන් පවත්වා ගැනීමට අමාත්‍යාංශයේ කැපවීම අවධාරණය කළේය.අමාත්‍යාංශය විසින් නිතිපතා සිදුකරනු ලබන ක්ෂේත්‍ර පරීක්‍ෂාවන්, සමාගම් රෙගුලාසිවලට අනුකූල වන බව සහතික කරයි. පරීක්ෂණ මගින් ගොඩනැගිලි ආරක්ෂාව, වාතාශ්‍රය, වායු සමීකරණ සහ…
බංග්ලාදේශ විශ්වවිද්‍යාල සිසුන්ගේ උද්ඝෝෂණයට සහාය පළ කරමින් එරට රජයට එරෙහිව එක්සත් අරාබි එමීර් රාජ්‍යයේදී විරෝධතාවක නිරත වීමේ චෝදනාවට සිරදඬුවම් නියම වූ බංග්ලාදේශ ජාතිකයන් 57 දෙනා නිදහස් කිරීමට එරට ජනාධිපති ශේක් මොහොමඩ් බින් සෙයිඩ් අල් නහ්යාන් මහතා තීරණය කර ඇතැයි වාර්තා වේ. බන්ධනාගාරයෙන් නිදහස් කිරීමෙන් පසු ඔවුන් නැවත බංග්ලාදේශයට පිටුවහල් කිරීමට නියමිත බව එමීර් රාජ්‍ය ජනාධිපතිවරයාගේ උපදේශක ප්‍රකාශ කර ඇත.බංග්ලාදේශ රජයට එරෙහිව එක්සත් අරාබි එමිර් රාජ්‍යයේ වීදි රැසක පැවැති එම විරෝධතා අතරතුරදී එමිරේට්ස් පොලිසිය විසින් බංග්ලාදේශ ජාතිකයන් 57 දෙනා අත්අඩංගුවට ගනු ලැබුවේ එමීර් රාජ්‍යය තුළ විරෝධතා සහ උද්ඝෝෂණ තහනම් වීම හේතුවෙනි. එය එරට අපරාධ නීතිය යටතේ දඬුවම් නියම වන වරදකි. අධිකරණයට…
ශ්‍රී ලංකා මහ බැංකුවේ කර්තව්‍ය පිළිබඳව පාර්ලිමේන්තු මන්ත්‍රීවරයන් දැනුවත් කිරීමේ විශේෂ රැස්වීමක් කථානායක මහින්ද යාපා අබේවර්ධන මහතාගේ ප්‍රධානත්වයෙන් පෙරේදා (03) පාර්ලිමේන්තුවේදී පැවැත්විණි. පාර්ලිමේන්තු මන්ත්‍රීවරයන්, මහ බැංකු අධිපති ආචාර්ය නන්දලාල් වීරසිංහ මහතා, පාලක මණ්ඩලයේ හා මුදල් ප්‍රතිපත්ති මණ්ඩලයේ සාමාජිකයින්, නියෝජ්‍ය අධිපතිවරුන් ඇතුළු මහ බැංකුවේ උසස් නිලධාරීන් මෙන්ම පාර්ලිමේන්තුවේ මහලේකම් කුෂානි රෝහණදීර මහත්මිය සහ පාර්ලිමේන්තු කාර්යමණ්ඩල නිලධාරීහු පිරිසක් ද මෙම රැස්වීමට සහභාගී වූහ. 2023 අංක 16 දරන ශ්‍රී ලංකා මහ බැංකු පනතේ 80(2)(අ) වගන්තියෙහි විධිවිධාන ප්‍රකාරව, මහ බැංකුවේ අධිපතිවරයා, පාලක මණ්ඩලයේ සහ මුදල් ප්‍රතිපත්ති මණ්ඩලයේ සාමාජිකයින්, මහ බැංකුවේ සෑම නියෝජ්‍ය අධිපතිවරයෙකු ම පාර්ලිමේන්තුවේ ඉල්ලීම මත, පාර්ලිමේන්තුව විසින් හෝ එහි යම් කමිටුවක් විසින්…
රජයේ වෛද්‍ය නිලධාරීන්ගේ සංගමයේ උද්ඝෝෂණ මාලාවක් අද (05) පැවැත්වීමට කටයුතු යොදා ඇත. සිය වෘත්තීය සමිති නායකයින්ට එරෙහිව ගනු ලබන විනය පරීක්ෂණ ඇතුළු ක්‍රියාමාර්ගවලට එරෙහිව මෙම පියවර ගෙන තිබේ. අදාළ උද්ඝෝෂණය කොළඹ ජාතික රෝහල, ගම්පහ දිස්ත්‍රික් මහ රෝහල සහ පානදුර රෝහල ඉදිරිපිටදී දහවල් 12 සිට පස්වරු 2 දක්වා පැවැත්වීමට සැලසුම් කර ඇතැයි වාර්තා වේ.
ලෝකයේ නැගී එන මුදල් එකක අතරින් හොදම මුදල් ඒකකය බවට ශ්‍රී ලංකා රුපියල පත්ව තිබේ. ඒ අනුව ශ්‍රී ලංකා රුපියල අගෝස්තු මාසය අවසන් වන විට 8.21% ස්ථානීය ප්‍රතිලාභ අගයක් පවතින බව Bloomberg වෙළඳපොළ දත්ත අනාවරණය කරයි. නැගී එන වෙළඳපොළ තුළ ඉහළම කාර්ය සාධනයක් සහිතව මුදල් ඒකකය ලෙස මාර්තු මාසයේ සිට පසුගිය මාස 05 කාලය පුරාවටම එය ප්‍රථම ස්ථානයේ රැදි තිබිණි. මේ වසරේ දෙවන භාගයේ දී රුපියල හුවමාරු වටිනාකම ඇමරිකානු ඩොලරයට සාපේක්ෂව රුපියල් 295 ත් 305 අතර පවතිනු ඇති බවටද , ලබන වසරේ මුල් භාගය තුළ 305 ත් 315 අතර පවතිනු ඇති බවටද ආර්ථික විශේෂඥයින් අනාවැකි පළකරති.
මෙවර ජනාධිපතිවරණයේ තැපැල් ඡන්ද ප්‍රකාශ කිරීම ඊයේ දිනයෙන් ආරම්භ වූ අතර එය අද සහ හෙටත් පැවැත් වේ. තැපැල් ඡන්ද ප්‍රකාශ කළ කිරීම ආරම්භ කළ දිනයේම ලැබුණු ප්‍රතිශත යයි සඳහන් කරමින් විවිධ පක්ෂවලට අපේක්ෂකයන්ට වාසි වන ආකාරයෙන් සකස් කරන ලද සටහන් සමාජ ජාල ඔස්සේ බෙදා හැර තිබේ. මේ සම්බන්ධයෙන් මැතිවරණ කොමිසම හා මැතිවරණ නිරීක්ෂණ මධ්‍යස්ථාන වලට පැමිණිලි ලැබී ඇතැයි වාර්තා වේ. මැතිවරණ කොමිසම සඳහන් කරන්නේ ජනාධිපතිවරණයේ තැපැල් ඡන්ද ප්‍රකාශ කිරීම මුලින් සිදුකළද ඒවා ගණනය කරන්නේ සැප්තැම්බර් 21 දින ඡන්ද විමසීම සිදු කර අවසන් වූ පසු බවයි. මැතිවරණ ප්රතිඵල සම්බන්ධයෙන් ව්‍යාජ තොරතුරු බෙදා හැරීම බරපතල වරදක් බවත් ඒ සම්බන්ධයෙන් නීතිමය ක්‍රියාමාර්ග ගන්නා…
නව ආරක්ෂක උපාංගයන්ගෙන් සමන්විත විදෙස් ගමන් බලපත්‍ර ලක්ෂ 50ක් ඇණවුම් කර ඇති බවත් එම විදෙස් ගමන් බලපත්‍ර කඩිනමින් මෙරටට ලැබෙනු ඇති බවත් ආගමන විගමන දෙපාර්තමේන්තුව සඳහන් කරයි. ලබන 15 වැනිදා වන විට ගමන් බලපත්‍ර 50,000ක් මෙරටට ලැබෙනු ඇතැයි ද එම දෙපාර්තමේන්තුව දන්වා සිටියි. එම විදෙස් ගමන් බලපත්‍ර ලැබීමෙන් අනතුරුව දැනට ඇතිව තිබෙන තදබදය මඟහැරෙනු ඇති බවත් එතෙක් දෛනිකව විදෙස් ගමන් බලපත්‍ර නිකුත් කිරීම 1000කට සීමා කිරීමට සිදුව ඇති බවත් ආගමන විගමන දෙපාර්තමේන්තුව වැඩිදුරටත් සඳහන් කරයි.
රටේ සියලුම මාධ්‍ය ආයතන මැතිවරණ නීතියට අනුකූලව අපක්ෂපාතීව කටයුතු කළ යුතු බව මැතිවරණ කොමිෂන් සභාව සඳහන් කරයි. ඇතැම් මාධ්‍ය ආයතන යම් යම් අපේක්ෂකයන් ප්‍රවර්ධනය කිරීමට කටයුතු සිදු කරන බව දිගින් දිගටම කොමිසමට පැමිණිලි ලැබී ඇතැයි සභාපති ආර්.එම්.ඒ.එස්. රත්නායක මහතා පවසයි. දැනටවත් එම ආයතන ඒ සම්බන්ධයෙන් දැනුවත් කොට ඇති බවද පැවසූ ඔහු එම උපදෙස් අනුව කටයුතු නොකළහොත් ඉදිරියේදී ඒ පිළිබඳව දැඩි ක්‍රියාමාර්ග ගන්නා බවද පැවසුවේය. එම ආයතන සඳහා මැතිවරණ කොමිසම විසින් නිකුත් කරන නිවේදන ලබා නොදෙන බවත් මැතිවරණ ප්‍රතිඵලද ඔවුන්ට නිකුත් නොකරන බවත් හෙතෙම කියා සිටියේය.