Author: Stanly Kularathna
කටාර් රාජ්‍යයේ රැකියා ලබාදෙන බව පවසා දිවයිනේ විවිධ ප්‍රදේශවල පදිංචි පුද්ගලයින්ගෙන් රු.1,629,000.00 මුදලක් වංචා කළ පුද්ගලයෙකු ශ්‍රී ලංකා විදේශ සේවා නියුක්ති කාර්යාංශයේ විශේෂ විමර්ශන අංශයේ නිළධාරීන් විසින් 2023.09.09 දින අත්අඩංගුවට ගෙන තිබේ. එප්පාවල ප්‍රදේශයේ පදිංචි මලිත් සඳරුවන් බණ්ඩාර නම් පුද්ගලයෙකු විසින් කටාර් රාජ්‍යයේ රැකියා ලබාදෙන බව පවසා තමන්ගෙන් රු.120,000.00 ක මුදලක් ලබාගෙන පොරොන්දු වූ පරිදි රැකියාව ලබානොදුන් බවට කාර්යාංශය වෙත පැමිණිලි 6ක් ලැබුණු අතර, එම පැමිණිලි අනුව මෙම සැකකරුගේ නිවසේදී ඔහු අත්අඩංගුවට ගෙන තිබෙනවා. අත්අඩංගුවට ගත් සැකකරු වලංගු බලපත්‍රයක් නොමැතිව විදේශ රැකියා සඳහා මුදල් අයකිරීමේ චෝදනාව මත අනුරාධපුර මහේස්ත්‍රාත් අධිකරණය වෙත ඉදිරිපත් කිරීමෙන් අනතුරුව රුපියල් ලක්ෂ 2 බැගින් ශරීර ඇපයක්…
විරාට් කෝලිගේ (නොදැවී 122) සහ ලෝකේෂ් රාහුල්ගේ (නොදැවී 111) සුපිරි පිතිහරඹයත්, කුල්දීප් යාදව්ගේ (25/5) විශිෂ්ඨ පන්දු යැවීමත් හමුවේ ආසියානු කුසලාන ක්‍රිකට් තරඟා වලියේ සුපිරි 4 දෙනාගේ වටය යටතේ පාකිස්තානයට එරෙහිව කොළඹ ආර්. ප්‍රේමදාස ක්‍රීඩාංගණයේදී ඊයේ පැවැති තරඟයෙන් ලකුණු 228 දැවැන්ත ජයක් වාර්තා කිරීමට ඉන්දියාව සමත්විය. එදා මෙදා තුර එක්දින ක්‍රිකට් ඉතිහාසයේ ඉන්දීය කණ්ඩායමක් පාකිස්තානයට එරෙහිව ලැබූ විශාලතම ජය ලෙසද මෙය වාර්තා අතරට එක්විය. ජයග්‍රහණය සඳහා ලකුණු 357 ක ඉලක්කයක් හඹාගිය පාකිස්තානයට කුල්දීප් යාදව් ප්‍රමුඛ ඉන්දීය පන්දු යවන්නන්ගේ දක්ෂ පන්දු යැවීම හමුවේ ඕවර 32 ක් අවසන් වන විට සියලු දෙනා දැවී ලබාගත හැකි වූයේ ලකුණු 128 ක් පමණි. සිය එක්දින දිවියේ…
පසුගියදා විරැකියා රක්ෂණ යෝජනා ක්‍රමයේ (ILOE) වෙබ් අඩවියේ (iloe.ae) හි නිවේදනයකට අනුව, එක්සත් අරාබි එමීර් රාජ්‍යයේ නිදහස් කලාප සමාගම්වලටත් දැන් රැකියා විරහිත රක්ෂණ යෝජනා ක්‍රමයට තම සේවකයන්ගේ දායකත්වය ලබාදිය හැකියි. එක්සත් අරාබි එමීර් රාජ්‍යයේ නිදහස් කලාප සමාගම් සහ අර්ධ රාජ්‍ය ආයතනවල සේවකයින් සඳහාද මෙම යෝජනා ක්‍රමය විවෘත කර ඇති බව මැයි මාසයේදී ILOE නිවේදනය කර තිබුණි. වත්මන් නිවේදනයත් සමඟ, සේවකයින්ට තමන්ව ලියාපදිංචි කිරීමට නොහැකි නම්, සමාගම් දැන් ඔවුන්ගේ සේවකයින් යෝජනා ක්‍රමයට බඳවා ගත හැකිය. කෙසේ වෙතත්, රක්ෂණ ඔප්පුවේ පිරිවැය සේවකයින් විසින් දැරිය යුතු බව සැලකිල්ලට ගැනීම වැදගත්ය. විරැකියා රක්ෂණ යෝජනා ක්‍රමය යනු විනය හේතූන් මත හැර වෙනත් හේතුවක් මත පුද්ගලයා…
ඩුබායි නගරයේ මාර්ගවල අපරික්ෂාකාරී ලෙස රිය පැදවීම සහ අනතුරුදායක ක්‍රියාවල නිරත වූ යතුරුපැදිකරුවන් පිරිසක් හඳුනාගෙන දඬුවම් නියම කිරීමට ඩුබායි පොලිසිය කටයුතු කර තිබේ. යතුරු පැදිකරුවන් අංක තහඩු සඟවාගෙන එක රෝදයක් මගින් පැදීම, ධාවනය වන යතුරුපැදියේ නැගී සිටීම වැනි භයානක ක්‍රියාවන් කිහිපයක් සිදු කොට තිබිණි. මෙම වීඩියෝව සමාජ මාධ්‍ය ජාලා ඔස්සේ ඉතා ප්‍රසිද්ධියට පත් වී තිබිණ. යතුරුපැදිකරුවන් හඳුනාගැනීම සඳහා පරීක්ෂණයක් පවත්වා ඔවුන් රථවාහන සාමාන්‍ය දෙපාර්තමේන්තුවට කැඳවා ඇති අතර එහිදී ඔවුන් අවස්ථා කිහිපයකදී නීතිවිරෝධී ලෙස ධාවනයන් සිදු කළ බව පිළිගෙන ඇත. ඩුබායි පොලිසියේ රථවාහන අංශයේ සාමාන්‍ය දෙපාර්තමේන්තුවේ අධ්‍යක්ෂ Saif Muhair Al Mazroui පැවසුවේ, “මෙම අනතුරුදායක ක්‍රියා අතරට අත් භාවිතා නොකර පැදවීම, යතුරුපැදියේ…
රසල්කයිමා ප්‍රවාහන අධිකාරිය (RAKTA) සහ පරිසර ආරක්ෂණ හා සංවර්ධන අධිකාරිය (EPDA) රසල්කයිමාහි පාරිසරික තිරසාරත්වය ඉහල නැන්වීම සඳහා එහි වායු තත්ත්ව අධීක්ෂණ සංවේදක නියමු ව්‍යාපෘතියක් දියත් කර ඇත. මෙම පියවර පදනම් වී ඇත්තේ රසල්කයිමා රජයේ 2030 දැක්ම, 2023 තිරසාර වසර සහ එක්සත් අරාබි එමීර් රාජ්‍යයේ මෙම වසර අගදී සත්කාරකත්වය සපයන COP28 සමුළුවට සමගාමීවයි. මේ සම්බන්ධයෙන්, රසල්කයිමා ප්‍රවාහන අධිකාරිය (RAKTA) සහ පරිසර ආරක්ෂණ හා සංවර්ධන අධිකාරිය (EPDA) උපාය මාර්ගික සබඳතා වැඩිදියුණු කිරීම සඳහා ඒකාබද්ධ අවබෝධතා ගිවිසුමක් අත්සන් කරන ලදී. වායු තත්ත්ව ක්‍රමෝපාය අධ්‍යයනය කිරීම, පාරිසරික දැනුවත් කිරීමේ වැඩසටහන් ක්‍රියාත්මක කිරීම, ඒකාබද්ධ ප්‍රජා මුල පිරීම්, දත්ත හා දැනුම හුවමාරු කර ගැනීම, පාරිසරික ක්ෂේත්‍රයේ…
ඩුබායි හි ඔටුන්න හිමි කුමරු සහ ඩුබායිහි විධායක කවුන්සිලයේ සභාපති ෂෙයික් හම්දාන් බින් මොහොමඩ් බින් රෂිඩ් අල් මක්ටුම් විසින් සමුද්‍ර ප්‍රවාහන ප්‍රධාන සැලැස්ම 2030 අනුමත කර ඇත. මෙම සැලැස්මට සමුද්‍ර ප්‍රවාහන ජාලය 188% කින් පුළුල් කිරීම, මගී මාර්ගවල 400% කින් වැඩි කිරීම සහ ත්‍රිමාණ මුද්‍රණ තාක්ෂණය භාවිතයෙන් ලොව ප්‍රථම විද්‍යුත් ආබ්‍රා නිෂ්පාදනය කිරීම ඇතුළත් වේ. ෂෙයික් හම්දාන් මාර්ග සහ ප්‍රවාහන අධිකාරියේ (RTA) කල සංචාරය අතරතුර, ඩුබායිහි සමුද්‍ර ප්‍රවාහන ප්‍රධාන සැලැස්ම 2030 සමාලෝචනය කළේය. මාර්ග හා ප්‍රවාහන අධිකාරියේ (RTA) විධායක අධ්‍යක්ෂ මණ්ඩලයේ අධ්‍යක්ෂ ජනරාල් සහ සභාපති මටාර් අල් ටයර් විසින් සැලැස්මේ ප්‍රධාන අංගයන් පිළිබඳ දළ විශ්ලේෂණයක් ඔහුට ලබා දෙන ලදී. 2030…
ජාතික කාලගුණ විද්‍යා මධ්‍යස්ථානයට (NCM) අනුව, එක්සත් අරාබි එමීර් රාජ්‍යය පුරා අහස හිරු රශ්මියෙන් හෝ අර්ධ වශයෙන් වළාකුළු සහිත වනු ඇතැයි අපේක්ෂා කෙරේ. බදාදා දිනයේදී අධික උෂ්ණත්වය සහ දූවිලි සහිත තත්ත්වයන් අපේක්ෂා කරන බැවින් පිටතට යන්නේ නම් පූර්වාරක්ෂාව ගන්නා ලෙස ජාතික කාලගුණ විද්‍යා මධ්‍යස්ථානය ප්‍රකාශ කොට තිබෙනවා. ඩුබායි, සාජා සහ අජ්මාන් වැනි සමහර වෙරළබඩ ප්‍රදේශවල උෂ්ණත්වය ඉහළ යනු ඇතැයි අපේක්ෂා කෙරේ. සාමාන්‍යයෙන්, උෂ්ණත්වය ඉහළ තිස් ගණන්වල පවතිනු ඇතැයි අපේක්ෂා කෙරෙන අතර උපරිම උෂ්ණත්වය සෙල්සියස් අංශක 46ක් සහ අවම උෂ්ණත්වය සෙල්සියස් අංශක 25 දක්වා පහත වැටීමත් සිදුවිය හැක. ඩුබායිහි දැනට සෙල්සියස් අංශක 33 ක උෂ්ණත්වයක් පවතින අතර මීදුම් සහිත අහසක් පවතී.…
ශ්‍රී ලංකන් ගුවන් සමාගම ප්‍රතිව්‍යුහගත කිරීමේදී එය මිලට ගැනීමට ගල්ෆ් කලාපයේ ගුවන් සමාගම් උනන්දු වන බවද, කලක් ශ්‍රී ලංකන් ගුවන් සමාගමේ 40% ක කොටස් හිමිකරගෙන සිටි එමිරේට්ස් ගුවන් සේවය ද ඒ අතර විය හැකි යැයි ද එම සමාගමේ ප්‍රධාන විධායක නිලධාරී රිචඩ් නුටාල් මහතා ප්‍රකාශ කර තිබේ. බිලියන 1.4ක ජනගහණයක් සිටින ඉන්දියාවේ වාණිජ ගුවන් යානා ඇත්තේ මිලියනයකට 0.5ක් පමණක් වන හෙයින් ඉන්දියාව වැනි රටකට ප්‍රවේශ වීමට ගල්ෆ් කලාපයේ ගුවන් සමාගම්වලට එතුළින් අවස්ථාවක් නිර්මාණය වන බවද ඔහු සඳහන් කර ඇත. මේ අතර ඉන්දීය මාධ්‍ය වාර්තා කර ඇත්තේ පසුගියදා ඉන්දියානු ගුවන් සේවය මිලදී ගත් ටාටා එන්ටප්‍රයිසස් සමාගමද ශ්‍රී ලංකන් ගුවන් සමාගම මිලදී…
2023 අගෝස්තු මාසයේ විදේශගත ශ්‍රි ලාංකික ශ්‍රමිකයින් ඇමරිකානු ඩොලර් මිලියන 499.2ක මුදලක් දිවයිනට යවා ඇති බව ශ්‍රී ලංකා මහ බැංකු දත්ත වාර්තා පෙන්වා දෙයි. මේ වසරේ ජනවාරි සිට අගොස්තු දක්වා ගතවූ මාස 8ක කාලය තුළ විදේශ රැකියා නියුක්තිකයින් විසින් එවන ලද මුළු ප්‍රේෂණ ප්‍රමාණය අමෙරිකානු ඩොලර් මිලියන 3862.7 ක් වේ. 2023 වසරේ මුල් මාස 8ක කාලය තුළ ශ්‍රී ලාංකිකයින් 200,387 ක ප්‍රමාණයක් රැකියා සඳහා විදේශ ගතවී තිබේ. නීත්‍යානුකූලව බැංකු පද්ධතිය ඔස්සේ දිවයිනට මුදල් එවන ශ්‍රමිකයින් සඳහා තමන් එවන මුදල් ප්‍රමාණය අනුව විද්‍යුත් වාහනයක් ආනයනය කිරීම සඳහා බලපත්‍රයක් ලබාදෙන අතර, භාණ්ඩ මිළදී ගැනීම සඳහා තීරුබදු සහනයන්ද ලබාදෙයි. කලක් තිස්සේ විදෙස්ගත ශ්‍රමිකයින්ගේ…
ආසියානු කුසලාන ක්‍රිකට් තරඟාවලියේ සුපිරි 4 දෙනාගේ වටය යටතේ ඉන්දියාව සහ පාකිස්තානය අතර කොළඹ ආර්. ප්‍රේමදාස ක්‍රීඩාංගණයේදී ඊයේ (10 වෙනිදා) පැවැති තරඟය වර්ෂාව හේතුවෙන් නතර කිරීමට සිදුවිය. ඒ සඳහා වෙන්කර තිබූ අතිරේක දිනය වන අද (11 වෙනිදා) පස්වරු 3.00 ට නතර කළ තැන සිට යළි තරඟය ආරම්භ කිරීමට නියමිතය. පළමුවෙන් පන්ඳුවට පහරදුන් ඉන්දියාව ඕවර 24.1 ක් අවසානයේ වර්ෂාව හේතුවෙන් තරඟය නතර කරන මොහොත වනවිට කඩුළු 2 ක් දැවී ලකුණු 147 ක් ලබා සිටියේය. ඒ වන විට විරාට් කෝලි පන්දු 16 කදී ලකුණු 8 ක්ද, ලෝකේෂ් රාහුල් පන්දු 28 කදී හතරේ පහර 2 ක් සමග ලකුණු 17 ක්ද ලබා නොදැවී කඩුල්ලේ…