ඩුබායි මහ නගර සභාව විසින් ත්‍රිමාණ මුද්‍රණ තාක්ෂණය භාවිතයෙන් විලා ඉදිකිරීම සඳහා පළමු බලපත්‍රය නිකුත් කරන බව නිවේදනය කර ඇත.
මීටර හතරක් උස ව්‍යුහයක් එක් සැසියකදී මුද්‍රණය කෙරෙනු ඇති අතර මෑතකදී ආරම්භ වූ විලා ඉදිකිරීම් කටයුතු පෙර නොවූ විරූ ගෝලීය ව්‍යාපෘතියක කොටසක් ලෙස සිදු කෙරේ.
සම්පුර්ණයෙන්ම දේශීය කොන්ක්‍රීට් වලින් ඉදිකරනු ලබන මෙම විලා මෙම ඔක්තෝම්බර් මාසය වන විට නිම කිරීමට බලාපොරොත්තු වන බව ඩුබායි මහ නගර සභාව පවසන්නේ.
මෙම ක්‍රියා පටිපාටි ඩුබායි හි අභිලාෂයන් වැඩිදියුණු කරන අතර ඩුබායි 3D මුද්‍රණ උපායමාර්ග 2030 හි අරමුණු සඳහා සහාය වේ.
2030 වන විට එමිරේට්ස් හි ක්‍රියාත්මක ත්‍රිමාණ මුද්‍රිත ගොඩනැගිලිවල ප්‍රතිශතය අවම වශයෙන් 25% දක්වා ඉහළ නැංවීම මෙම උපාය මාර්ගයෙහි අරමුණ බව එහි සඳහන් වේ.
ගොඩනැගිලි නියාමන සහ බලපත්‍ර නියෝජිතායතනයේ වැඩබලන ප්‍රධාන විධායක නිලධාරී ඉංජිනේරු මාරියම් අල් මුහයිරි පැවසුවේ, “මෙම ව්‍යාපෘතිය කොන්ත්‍රාත්කරුවන්, ඉංජිනේරුවන්, ආයෝජකයින් සහ දේපළ වෙළඳාම් සංවර්ධකයින් ඔවුන්ගේ ගොඩනැගීම් සඳහා තාක්ෂණය භාවිතා කිරීමට දිරිගැන්වීමයි.”
“ගොඩනැගිලි සහ ඉදිකිරීම් වලදී මෙම නව්‍ය තාක්‍ෂණයේ භාවිතය අධීක්ෂණය සහ පාලනය කිරීම සඳහා නගර සභාව තවදුරටත් සහාය සහ පහසුකම් ලබා දෙයි,” ඇය පැවසුවාය.
“මෙය ඩුබායිහි ඉදිකිරීම් කටයුතුවලදී ත්‍රිමාණ මුද්‍රණ භාවිතය නියාමනය කරන 2021 ඩුබායි ත්‍රිමාණ මුද්‍රණ උපාය මාර්ගයට සහ නියෝගයට අනුකූල වන අතර ත්‍රිමාණ තාක්ෂණය භාවිතයෙන් මුද්‍රණය කරන ලද ගොඩනැගිලිවල ප්‍රතිශතය 2030 වන විට 25%කට නොඅඩු ප්‍රමාණයකින් වැඩි කිරීම අරමුණු කරයි,” ඇය තවදුරටත් පැවසුවාය.
