කාලගුණ විද්‍යා ජාතික මධ්‍යස්ථානය (NCM) රටට බලපානු ඇතැයි අපේක්ෂා කරන කාලගුණ අනාවැකියක් ප්‍රකාශයට පත් කොට තිබෙනවා. එම අනාවැකියට අනුව ඔවුන් පවසන්නේ, සෙනසුරාදා සිට බදාදා දක්වා, බටහිරින් හමන සුළං ප්‍රවාහයක් සහ නැඟෙනහිර දෙසින් හමන සුළං ප්‍රවාහයක් මගින් ඉහළ වායුන්හි අඩු පීඩන තත්වයක් ගොඩ නැගීමත් සමග ඉදිරි දිනවලදී එක්සත් අරාබි එමීර් රාජ්‍යයේ සමහර ප්‍රදේශවලට තද වැසි අපේක්ෂා කරන බවත් වර්ෂාවත් සමගම සිසිල් උෂ්ණත්වයක් සහ රළු මුහුදක් ඇතිවිය හැකි බවත්ය.
මෙහිදී තෙත් සහ සීතල වායු ස්කන්ධයක් සමඟ සම්බන්ධ වනු ඇති අතර, විශේෂයෙන් නැගෙනහිර සහ උතුරේ විසිරුණු ප්‍රදේශ හරහා ඇතැම් සංවහන වලාකුළු සමඟ බටහිරින් වලාකුළු ගලා යාමත් සමඟ එක්සත් අරාබි එමීර් රාජ්‍යයේ සීමිත ප්‍රදේශවලට අධික වර්ෂාපතනයක් ලැබෙනු ඇත NCM නිවේදනයයේ වැඩිදුරටත් සඳහන් වේ.
එක්සත් අරාබි එමීර් රාජ්‍යයේ කාලගුණ අනාවැකිය
NCM කාලගුණ අනාවැකියේ දැක්වෙන්නේ, සෙනසුරාදා සිට බදාදා දක්වා, අර්ධ වශයෙන් වළාකුළු සහිත මට්ටමේ සිට වළාකුළෙන් බරවූ අහසක් දැකිය හැකි බවයි. විශේෂයෙන් උතුරු, නැගෙනහිර සහ වෙරළබඩ ප්‍රදේශවල සංවහන වලාකුළු ඇති වීමට ඉඩ ඇති අතර වර්ෂාපතනයත් සමග උෂ්ණත්වය අඩු වේ
සුළඟ වයඹ දෙසින් මධ්‍යස්ථව පවතිනු ඇතැයි අපේක්ෂා කරන අතර විටින් විට නැවුම් වලාකුළු සහිතවීමත් මුහුදට ඉහළින් දූවිලි හා වැලි සුළං හමා යන බවත් අපේක්ෂා කෙරේ.
අරාබි බොක්ක ප්‍රදේශයේ මුහුද තරමක් මධ්‍යස්ථ සහ විටින් විට රළු විය හැකි අතර ඕමාන් මුහුදේ මධ්‍යස්ථව පවතිනු ඇතැයි අපේක්ෂා කෙරේ.
