ලෝක පැරා ගෝන් ප්‍රී මලල ක්‍රීඩා තරගාවලියේ දී ජනනි ධනංජනා ක්‍රීඩිකාව රන් පදක්කමක් දිනා ගෙන ඇත. තරගාවලිය පැවැත්වෙන්නේ මොරොක්කෝවේ මරකෙච් හී දී ය.
ටී -47 කාණ්ඩයේ මීටර 100 ධාවන ඉසව්වෙන් තරග වැදුනු ජනනි ධනංජනා දැක්වූ දක්ෂතාව තත්පර 13.75කි.
මේ අතර අනිල් ප්‍රසන්න තම පෞද්ගලික හොදම කාලය වාර්තා කරමින් ටී-42 කාණ්ඩයේ මීටර 100 ධාවන තරගයෙන් රිදී පදක්කම දිනා ගත්තේය. තත්පර 12.84ක දක්ෂතාවක් ඔහු දැක් වීය.
බුද්ධික ඉන්ද්‍රපාල ක්‍රීඩකයා ලෝකඩ පදක්කම කර ගත්තේ තත්පර 13.34ක දක්ෂතාවක් පෙන්නුම් කරමිනි.
